Һанашмаҡтар
картотека по развитию речи (средняя, старшая, подготовительная группа)

Һанашмаҡтар — фольклор жанры, балалар уйындарында ролдәрҙе бүлеү өсөн ритмлаштырылған һәм рифмалы ҡыҫҡа шиғри юлдар

Бер, ике, өс, дүрт, биш,
Алты, ете, һигеҙ, туғыҙ, ун -
Байҙар кейә һары тун.
Һары тундың баһаһы -
Йөҙ ҙә илле ике һум.

Гәрәй бабай юлға сыҡҡан,
Тәгәрмәсе ватылған,
Уны йүнәтеү өсөн,
Нисә сөй кәрәк булған?

Өйгә кергән бер сыпсыҡ,
Осоп йөрөй сыҡ-сырыҡ.
Сыпсыҡ, сыпсыҡ, һин сыпсыҡ!
Атлап түгел, осоп сыҡ!

Алма тәгәрәй
Ҡала тирәләй.
Кем уны тота,
Шул сығып китә.