Конспект по развитию речи во второй младшей группе
план-конспект занятия (развитие речи, младшая группа) на тему

Тема. «Әбиемдә кунакта»

 2нче кечкенәләр  төркеме өчен

Максат:1. Татар халкының милли ризыклары исәбенә сүзлек запасын баету, аларны актив кулланышка кертү.

2. Диалогик сөйләм күнекмәләрен булдыру.

3. Әби- бабайга хөрмәт тәрбияләү.

Сүзлек өстендә эш: авыр сүз, рәнҗетү, ягымлы сүзләр, бәлеш, өчпочмак, кыстыбый, чәк- чәк.

Җиһазлау: татар халык ашлары.

Балалар белән алдан эшләгән эшләр: «Кибет» с-р уены уйнау, гаилә турында әңгәмәләр.

Шөгыль барышы:

1. Мин бүген эшкә килгәндә ике әбинең сөйләшеп утырганын күрдем. Берсе елмая- елмая нидер сөйли , ә икенчесе бик ямансу гына утыра иде. Ни өчен микән? Ситуация. Балаларның җаваплары:      

- Берәр җире авырта.

- Аңа авыр сүз әйткәннәр.

- Берәр әйбере югалган

- Оныкларын күптән күрмәгән һ.б.

2. Безне дә әбиебез сагынгандыр. Без аның кәефен ничек күтәрә алабыз?

- Әбиләргә кайтабыз...

- Аңа бүләкләр, күчтәнәчләр алабыз.

- Нәрсәләр алабыз?..

- ,,Кибет”кә барабыз- чәй, яулык, печенье, конфет... алабыз.

3. Сүзле уен «Минем әбием нинди?»

- Матур, ягымлы, эшчән, яшь, уңган, акыллы һ.б.

- Әбиләргә нәрсәгә утырып кайтабыз?

- Җаваплар.

     Ял минуты  Без барабыз, барабыз,

                            Ерак юллар узабыз.

                            Күчтәнәчләр кулыбызда,

                            Әбиләргә кайтабыз.

4. Менә әбиләребезгә килеп тә җиттек. Әбиебез өстәл әзерләп куйган. Өстәлендә нәрсәләр бар?

- Бәлеш, өчпочмак, кыстыбый, чәк- чәк, коймак һ.б.

 Татар халык ашлары турында сөйләшү.

-   Алар ничек пешерелгәннәр?

-   Әниләрегез ниләр пешерәләр?

-   Сез аларга ярдәм итәсезме соң?

Балаларның җаваплары.

5.  Сез ничек уйлыйсыз, әбиебез кая киткән?

Кибеткә.

Күршеләргә  һ.б.

6.Йомгаклау. Тәрбияче тиз генә яулык бәйләп чыга:

- И, балакайларым кайтып та җиттегезмени? Мин сезне көттем. Мине бик тә сөендердегез. (Кочаклап ала)