Сценарий праздника "Мама - самый близкий и родной человек"
материал (старшая группа) по теме

Сценарий к празднику 8 марта на татарском языке

Ярый әле ,Сез бар дөньяда.

   --Хәерле көн, кадерле әбиләребез, Дәү әниләребез!

Сезне якынлашып килүче  8 нче Март  Халыкара хатын-кызлар көне белән котлыйбыз. Сезгә сәламәтлек, бәхетле картлык телибез. Сезнең өчен әзерләнгән  “Ярый әле, Сез бар дөньяда» дигән кичәбезне башлыйбыз.

Инсаф: Рөхсәт итегез кадерлеләребез

           Бәйрәмебезне ачарга

         Безнең көч белән әзерләнгән

        Кичәбезне башларга

Азалия: Безнең Дәү әниләребез,

                Чал чәчле әбиләребез.

              Бәйрәм белән котлый бүген

             Сезнең кадерлеләрегез.

Рэзилэ:Күңелегездә сезнең кояш яна

              Нурлы йөзегездә яз яме,

             Җирдә яшәү, җырга әверелсен,

            Котлы булсын –дөнья бәйрәме.

Җыр: “Бәйрәм бүген” (Күтәренке күңелле....)

Аделина: Әбием! Дәү әнием! Сезнең хакта

            Уйласам да , күңелем юана,

          Безне сөеп, назлап яратырга

        Ярый әле, Сез бар дөньяда.

Лилиана:Акыллы сүз, сабыр күз карашы

           Тәмле ризык белән сыйларга,

           Кайткан чакта көлеп каршы алырга

          Ярый әле, Сез бар дөньяда

Гузель: Балам баласы – балдан татлы дигән

       Хак әйтелгән, дөрес гыйбәрә,

      Хөрмәтлеләр, әби , Дәү әниләр

     Ярый әле, Сез бар дөньяда.

Җыр: “Иң якын кешем син, әнием” (Дөньяда иң гүзәл....)

  Рэзилэ: Син Дәү әни, шундый ягымлы

              Әллә синдә йолдыз балкыймы,

             Әллә инде кайнар кояшның

           Җылы нуры кереп калдымы.

Азалия  шигырь: «Әбием».

Лилиана: Бүген кояш нурын сибә сезнең өчен

                Түбәләрдән тамчы тама сезнең өчен

               Бар шатлыклы елмаюлар сезнең өчен

              Җыр-биюләр, җылы сүзләр сезнең өчен

            Барысы да, барысы да Сезнең өчен.

Инсаф:Бие әле, бие әле, биегәнең күрсеннәр,

             Бигрәк матур бии икән, бу балалар дисеннәр.

“Татар биюе” Азалинә-Эльвира башкара.

Ильяс шигырь: «Дәүәнием”

Гузэл: Язның беренче бәйрәмен

                8 нче март , диләр.

               Бәйрәмегез котлы булсын

              Кадерле Дәү әниләр

Сезнең өчен яраткан әбиләребез кызлар башкаруында җырлы –бию “Гөлләрем”

Илназ шигырь «Әби-бабай теләге»

Азалия: Бу бәйрәмдәге җылылык

                Гасырларга җитәрлек.

              Сезнең назлы кулларыгыз

               Әкиятне чын итәрлек.

Малайлар башкаруында җыр: “Бүген әбиләр бәйрәме”

Сезнең игътибарыгызга төрек биюе.

Инсаф: Әйтәсебез килә бүген

             Кадерле әбиләргә

           Бу бәйрәм дөньяга килгән

          Кояш нуры сибәргә.

Кызлар башкаруында “Дуслык турында җыр”.

Лилиана:Әби кеше гел яхшылык тели,

               Гаебебез булса кичерә

              Гомер буе калыйк

             Әби дигән изге кешегә

Рэзилэ: Картаймыйча шулай кояш кебек

Балкып торыгыз сез иртә-кич

Яхшылыкны җирдә ятмый диләр

Онытмабыз Сезне һич тә без.

Динияр: Бигрәк уңган, бигрәк булган

Безнең Дәү әниебез,

Сине бик тә яратабыз,

Гел бергә булыйк дибез.

Флорид: Өйгә кайсам , өй балкыган,

              Өйгә нур иңгән.

             Ерак  җирне якын итеп

            Әбием килгән.

           Үзен ничек сагынганны Белгән ул, белгән,

          Күрим әле улымны дип

         Әбием килгән.

Җыр; “Елмай”   (Уянганда елмаеп тор....)

Бергә: Наз гөлләре үсеп чыгы, 

Сез үткән буш җирләрдән,

Кабул итегез бүләкләр ,

Менә без нәниләрдән.  (Бүләкләр тапшыру)

Укытучы: Яшәгез Сез , мәңге яшь булып,

                   Туган йортыгызгаямь булып,

Сез булсагыз таза-сәламәт

Оныкларыгызга булыр бик рәхәт!

Оныкларга терәк булып,

Яшәгез Сез шатлыкта,

Сәламәтлек , ак бәхетләр

Юлдаш булсын картлыкта.

Күмәк җыр: “Кояшлы ил”.