Сценарий проведения праздника "Сабантуй"
план-конспект на тему

Сценарий проведения праздника “Сабантуй” МБДОУ “Алтынчәч” с. Бишмунча

(Средняя - подготовительные группы)

Күңелле Сабан туйлары!

Подготовила   муз. руковод.

Юрикова Эльмира Рустамовна.

Балалар бакчасы териториясе бәйрәмчә бизәлгән: шарлар, флаглар эленгән. Күнелле көй янгырый.

А.Б.     Шатлыклар күңелебездә,

            Ак кояш күгебездә.

            Килегез, дуслар, кунакка:

            Сабантуй бүген бездә.

                                     Җилферди чиккән сөлгеләр,

                                     Бүләкләр күбебездә.

                                      Көрәшик тә, узышыйк та –

                                      Сабантуй бүген бездә.

ТАТАР БИЮЕ СӨЛГЕЛӘР БЕЛӘН (МАЛАЙЛАР)

1 бала: Сабан туе, сабан туе!

             Шундый кызык, күңелле.

             Ник чыкмаска көрәшергә,

             Мин соң егет түгелме?!

             Егылсам да исем китми,

             Булыр еккан чаклар да.

             Бүген бәйрәм – сабан туе

             Безнең туган якларда.

             Батыр калу өчен әле

             Миңа бераз иртәрәк.

             Тик шулай да сабан туен

             Үзем башлап җибәрәм.

                                  Көрәш башлана

Җыр: “Сабан туе” ( Г.Зәйнашева сүзләре, Л.Батыр-Болгари көе)

А.Б.      Сабан туенда уеннар

              Төрле була, күп була.

             Уеннарсыз Сабан туе

             Булмаган да күк була.

2 бала:  Кемнәр өлгер, кемнәр җитез,

              Минем янга килегез.

              Әйдә карыйк ярышып,

              Капчык киеп чабышып.

“Капчык киеп чабыш” уены. Уенга кунаклар да  катнашалар. Бер бала таяк күтәреп чыга һәм сөйли:

3 бала:   Мактана дип уйламагыз,

               Мин урынлы мактанам.

               Чөнки менә бу чүлмәкне

               Күз бәйләп тә вата алам.

Мәйданда “ Чүлмәк ватыш” уены.

4 бала:    Кашык кабып йөгерәм дип

                Мактанырга ашыкма.

                Ә син менә йөгереп кара

                Күкәй салып кашыкка.

“Кашыкка йомырка салып йөгерү” уены уйнала.

“Аркан тартышу”га кунакларны чакыралар.  

А.Б.        Менә сиңа сулы чиләк,

               Көянтә эл иңеңә.

               Йөгер тизрәк, иң алдан кил,

               Егыла гына күрмә!

“Су ташу” уены.

А.Б.         Сабантуй елга бер килә,

                 Күңелле, олы бәйрәм!

                 Нур өстенә нурлар иңсен,

                 Биеп алыйк, ичмасам!

Кызлар көлкеле җырлар башкаралар:

Тыпыр-тыпыр тыпырдашып

Бергә басаек әле.

Уйнап-көлеп, җырлап-биеп

Күңел ачаек әле.

А.Б.   --Атлар кайта, юл бирегез!

Агач атларга атланып, “Атлар чабышы” үткәрелә.

Җиңүчеләргә чигәле сөлгеләр бирәләр.

Колга башына менәргә.

А.Б.      Без җырлаган дәртле җырлар

             Истә калачак.

             Дәртле җырлар төсле дәртле

                    Безнең балачаг.

Бәйрәм  күмәк җыр белән тәмамлана.

Балаларга бүләкләр таратыла.