"Минем гаилә" шөгыле
материал (старшая группа) на тему

Русс балалары өчен  зурлар төркемендә        

“Минем гаилә”  темасына татар теле шөгыле.

Максат:

1.  Яңа  сүзләр белән таныштыру: гаилә, дәү әни, дәү әти, бәби, йоклый.

2.  Татар теленә генә хас булган авазларны кабатлау, хәтер сәләтен үстерү.

3. Өлкәннәр карата хөрмәт хисләре, туганлык хисләре тәрбияләү.

Җиһазлау: гаилә рәсеме, гаилә әгъзалары рәсемнәре,  рәсемнәр төшкән кечкенә карточкалар, пиктограммалар, бишек, курчак,уеннар белән 2 нче № диск.

Шөгыль барышы:

1. Балалар ишектән кергәндә рәсемнәр төшкән кечкенә карточкаларга  карап, нәрсә икәнен әйтәләр һәм урындыклар янына барып басалар ( һәрбер бала аерым-аерым җавап бирә).

  Бу-курчак. Бу – туп.  Һ.б.

2. Исәнләшү, утыру.

─ Исәнмесез, балалар.

─ Исәнмесез, Резеда Идаиловна.

─ Балалар, бүген бездә бик күп кунаклар. Әйдәгез, исәнләшик.

─ Исәнмесез, апалар.

3. Туп белән уен. ( Һәрбер бала үзе турында сөйли,  тәрбияче үрнәк бирә).

   ─ Балалар, тылсымлы туп белән уйнап алыйк әле.

   Минем исемем Резеда Идаиловна.

   Мин апа.

   Миңа 38 яшь.

   Мин Әлмәттә яшим.

 IV. Яңа тема белән таныштыру, яңа сүзләр кертү.

1. Рәсем буенча сөйләү. Гаилә төшенчәсен бирү.

─ Сегодня наша тема называется “Семья”. А вы любите свою семью? (Ответы детей).

─ Сначало сделаем зарядку для язычка.

А- Ә- Ө- О- Ү.

Бу гаилә- семья.

2. “гъ” авазы өстендә эш.

Бу гаилә - семья. Минем арттан кабатлыйбыз:

Га – га – га –   га – и – лә.  

Гаилә.

Бу гаилә.

Гаилә зур.

Бу зур гаилә.

3. ”Бармак” уены.

─ Балалар, бармак уенын искә төшереп китик әле.Басыгыз әле. Башладык.

Бу бармак – бабай,

Бу бармак – әби,

Бу бармак – әти,

Бу бармак – әни,

Бу бармак – мин,

Минем исемем ... (исемнәрне түгәрәк буенча әйтү)

Бу минем гаилә ( кулның йөзен сыпыру).

1. Такта янында эш (гаилә рәсеме буенча гаилә әгъзаларын әйтеп чыгу). “Бу кем?” уены.

─ Балалар, “Бу кем?” уены уйныйк әле.

Бу кем? ─Бу әби.

Бу кем? ─Бу бабай.

Бу кем? ─Бу әти.

Бу кем? ─Бу әни.

Бу кем? ─Бу кыз.

Бу кем? ─Бу малай.

2. “Дәү әти” сүзе белән таныштыру.

─ Слово “бабай” по другому ласково называют – “дәү әти”

Дәү әти.

Ү – ү – ү – дә - ү   ә - ти.  

Дәү әти.

Бу – дәү әти.

Дәү әти зур.

3. “Дәү әни” сүзе белән таныштыру.

─ Слово “әби” по другому ласково называют – “ дәү әни”.

Дәү әни.

Ү – ү – ү – дә - ү   ә - ни.

Дәү әни.

Бу – дәү әни.

Дәү әни.

 V. Физкультминут. 

1).“Дуслык чылбыры” җыеп башлана.

─ Балалар, әйдәгез ял итеп алыйк әле. “Дуслык чылбыры – цепочка дружбы” уйныйбыз.

2).“Түгәрәк” уены уйнау (музыка уйный.)

Бир кулыңны, бир кулыңны,

Булсын әле түгәрәк.

Әйә шул, әйе шул,  

булсын әле  түгәрәк.

Күтәреп кулларыбызны,

 Чәп-чәп  итеп кул чабыйк.

Әйә шул, әйе шул,  

Чәп-чәп  итеп кул чабыйк.

Ягез, хәзер бергәләшеп,

 Тыпырдап алыйк әле.

Әйә шул, әйе шул,  

Тыпырдап алыйк әле.

─ Менә ял да итеп алдык. Утырыгыз, балалар.

4. “Бәби” сүзе белән таныштыру.

(Бишектә курчак ята, курчакны алып күрсәтү).

а) “Ребенок” по татарски будет “бәби”.

Бәби.

Би – би – би –     бэ – би.

Бу – бәби.

Бәби кечкенә.

Бәби матур.

б) Бәби йоклый. Йоклый – спит (курчакны йоклату).

Йо – йо – йо –     йок-лый.

Йоклый.

Бәби йоклый.

в) Курчакны йоклату.

─ Бәбине йоклатабыз, минем арттан кабатлагыз.

 “Ә - ә -ә итә,

Бәби йокыга китә”.

(Берничә тапкыр балалар белән бергә кабатлау.)

г) “Бишек” җыры тыңлау.

   Давным-давно маленького ребенка укладывали в такую колыбельку, а мамы пели колыбельную песню.

Курчакны бишеккә салып,

 тәрбияче “Бишек” җырлый.

VI. Пиктограммалар белән эш.

─ Ә хәзер пиктограммаларны укып карыйк.

Бу – дәү әти.

Мин дәү әтине яратам.

Бу – дәү әни.

Мин дәү әнине яратам.

Бу –  әти.

Мин  әтине яратам.

Бу –  әни.

Мин әнине яратам.

Бу – малай.

Мин малайны яратам.

Бу – кыз.

Мин кызны яратам.

Бу – бәби.

Мин бәбине яратам.

VII. Кабатлау, яңа сүзләрне ныгыту (такта янында).

“Кем юк” уены.

─ Балалар, “Кем юк” уены уйнап алыйк әле.

VIII.  Шөгыльне тәмамлау, актив балаларны мактау, саубуллашу.

─ Балалар, бүген сез шөгыльдә бик актив катнаштыгыз. Шуның белән шөгыльне тәмамлыйбыз. Саубулыгыз, балалар.

─ Саубулыгыз, Резеда Идаиловна.

─ Апалар белән саубуллашыйк.

─Саубулыгыз!