Проект “Яшелчәләр үстерү”
проект по окружающему миру (средняя группа) на тему

Проект     “Яшелчәләр үстерү”

     Сибгатуллина А.М.

Казан шәһәре, Совет районының

230 нчы балалар бакчасы тәрбиячесе

Проектның актуальлеге:

      Мәктәпкәчә яшьтәге балаларга экологик тәрбия һәм белем бирү бүгенге көндә дә актуаль мәсьәләләрнең берсе булып тора. Белгәнебезчә кеше – табигатьнең бер өлеше. Табигать әйләнәсендә бала дөньга килә. Кечкенәдән аның тәэсире астында үсә, ныгый, табигатьтәге үзгәрешләр белән кызыксына башлый, матурлыгына соклана .Үсә төшкәч  табигатьне сакларга һәм якларга тиешлеген аңлый башлый. Ә бу белемнәрне балалар кечкенәдән үк балалар бакчасында  ала башлый. Экологик эчтәлекле эшчәнлек уздыру ярдәмендә, балалар табигатьтә бар нәрсәнең дә үзара бәйле булуын, җир планетасының табигый күптөрле  булуына төшенә башлый. Тәҗрибәләр ярдәмендә табигать күренешләре арасындагы сәбәп – нәтиҗә бәйләнешләрен ачыкларга өйрәнә.  Бу проект   - практик юл белән балаларга үсемлекләр , яшелчәләр турында белемнәр бирү, бүлмә шартларында аларны үстерә , ярата  белү хисе тәрбияләүдә зур әһәмияткә ия.

Проектның максаты:

         -табигать күренешләре һәм үсемлекләр турында белемнәр бирү;

         -табигатькә мәхәббәт, үсемлекләргә сакчыл караш тәрбияләү;

         -табигать кочагында үзеңне дөрес тоту,җир-суны пычратмау, яшеллекне        һәм җан ияләрен саклау кирәклеген төшендерү.

 Бурычлары:

        - бүлмә шартларында тәрәзә төбендә суган үстерү;

        - танып- белү сәләтен үстерү;

        - балалалрда проектның актив катнашучысы булу теләге уяту.

        - суган үстерүдә  гидропоника ысулын өйрәнү;

         -тәҗрибәләр ярдәмендә яңа әйберләр белергә омтылу, иҗади

          эзләнүләр булдыру;

Проектның төре: танып-белү.

Белем бирү өлкәсе: сөйләм үсеше,танып-белү үсеше,нәфис – нәфасәти үсеш,иҗтимагай – аралашу үсеше,физик үсеш.

Проектның дәвамлылыгы: кыска вакытлы.

Проектта катнашучылар: балалар ,тәрбиячеләр, ата-аналар.

Көтелгән нәтиҗәләр: суган үстерү процессында балаларның кызыксыну хисләрен үстерү, эзләнү эшчәнлегенә этәргеч бирү,барлыкка килгән проблемаларны чишү. Экологик белемнәр алу барышында тәҗрибәләр ясау һәм эзләнүләр гадәте булдыру. Ашарга яраклы экологик сәламәт яшел суган кыягы үстерү.

Проектның этаплары:

1. Әзерлек этабы:

- проектның темасын, бурычларын билгеләү;

- проект турында әти – әниләр, балалар белән белән фикер алышу;

- проектны тормышка ашыру өчен тиешле шартлар булдыру;

- тема буенча кирәкле әдәби материал, атрибутлар булдыру.

2. Төп этап (практик):

- суган үстерү темасы буенча барлык белем һәм тәрбия бирү процессы эчтәлеген эшкәртү;

- балалар , педагогглар, әти – әниләр белән иҗади эзләнү һәм практик эшчәнлек оештыру;

- балаларга гидропоника ысулы белән суган үстерү турында видиосюжет күрсәтү.

3. Йомгаклау этабы:

- проектны күмәк рәвештә презентацияләү;

- әти – әниләр белән эш:

- “Суганның файдасы” - консультация;

- әти – әниләр белән “Түгәрәк өстәл” артына җыелу;

- фотокүргәзмә “Кышкы бакча”

- балалар белән эш:

- балалар рәсемнәреннән күргәзмә “Яшелчәләр”

Эшчәнлек барышы: