Бәлә аяҡ аҫтында ғына
консультация (младшая, средняя, старшая, подготовительная группа) на тему

БӘЛӘ АЯҠ АҪТЫНДА ҒЫНА…

Юҡҡа ғынамы, бәлә аяҡ аҫтында, тимәйҙәр бит. Шуға ҡайҙа ғына йөрөһәң дә, һаҡ булырға кәңәш итәбеҙ.

Янғын буйынса ябай ғына ҡағиҙәләрҙе хәтерҙә тотоу ҙа ғүмерегеҙҙе һаҡлап ҡалырға ярҙам итәсәк.

• Электр приборҙарын тоҡандырған килеш ҡалдырмағыҙ.
• Бәләкәй туғандарығыҙҙың шырпы менән уйнауын тыйығыҙ.
  - Ә бәлә була ҡалһа, нимә эшләргә?
• Утты бер нисек тә һүндереп булмай икән, тиҙ генә бинанан сығыу юлын эҙләгеҙ.
• Лифт менән йөрөмәгеҙ, уның да туҡтап ҡалыуы ихтимал, бикләнеп ҡуйырһығыҙ.
• Күршеләрегеҙгә янғын хаҡында еткерегеҙ, тиҙ генә ҡала телефоны буйынса – 01, кеҫә телефоны аша 112 һандарына шылтыратығыҙ. Сыға алмай аҙапланһағыҙ, тәҙрәләрҙе асып, үтеп барыусылар, янғын һүндереүселәр иғтибарын йәлеп итегеҙ.
  
• - Транспортта китеп барғанда ут сыға ҡалһа, ни эшләргә? 

• Тиҙ арала янғын тураһында водителгә һәм пассажирҙарға хәбәр итергә.
• Транспорт туҡтағас, ишеге асыҡ икән, ҡурҡыу тойғоһона бирелмәй, салондан тиҙерәк сығып китеү яғын ҡарарға кәрәк. Ябыҡ булһа, авария люктарынан һәм ҡабырға яҡтағы тәҙрәнән сығыу юлын табығыҙ.
• Троллейбус һәм трамвайҙың тимер өлөштәре электр тогына тоташҡан.
• Салондан сығып барғанда уларға теймәгеҙ.
• Янғын еҫенә ағыуланмаҫ өсөн ауыҙығыҙҙы һәм танауығыҙҙы ҡулъяулыҡ йәки кейемегеҙҙең еңе менән ҡаплағыҙ.