Балдарла öмö-jöмö öткўрер иштиҥ öдöр аайы Тема: Кулгазынду карычактар
план-конспект занятия (старшая группа)

№

Занятиениҥ этаптары

Баланыҥ бӱдӱретен ижи

Таскадаачыныҥ бўдўретен ижи

Тузаланар эп-аргалар

1.

Занятиеге ууламjылаганы

Балдар эзендежет.

- Айландыра коригер, биске бўгўн кандый кöп айылчылар келген. Олорло эзендежип ийектер.

- Бӱгӱн кӱн кандый jакшы, алакандар ажыра бой-бойыгарга jылуны беригер. Эмди эбирип, меге беригер

Балдардыҥ кӱӱн-санаазын кодӱрери.

2.

Билгирин эске алып, чокымдаары

Угадылар. Балдар кезилген, кыш jуралган jурукты, бир jaaн jурук эдип jуугылайт. Каруу бергилейт. Балдардыҥ каруузы: Кыш.

  - Мен слерге табышкак кычырып берейин. Слер, балдар, кезилген jурукты бириктирип, табышкактыҥ каруузын табыгар.

Ары барган ак байтал Айланып келип киштеди (Кыш).

Куучын öткӱрер. Оос куучынын темиктирери.

Балдардыҥ каруулары. Балдар ӱлгерлер кычырат.

- Jурукты лаптап кöригер. Анда не jуралган?

- Меге айдып беригер, эмди jылдыҥ кандый öйи?

- Кыш деп кайдаҥ билдигер? Кыштыҥ кандый темдектеринен? Мен сананзам, тышкары кӱс.

- Кем-кем кыш керегинде ӱлгер кычырып берер бе?

- Сӱрекей jараш ӱлгерлер уктыбыс. Jаан быйан!

Тил темиктирери.

3.

Jаҥы билгирге ӱӱланары.

Угадылар, кöрöдилер

Балдар Карычакла эзендежет.

Балдардыҥ каруузы. Балдар кожоҥ «Кар, кар, кар айланат» кожоҥдойт, биjе кӧргӱзедилер

(Була öйдö кӱӱ угулып, группага биjелеп Карычак кирер).

K: Jакшылар, балдар!

K: Слердиҥ турачагардыҥ jаныла учуп баратсам, jaраш ӱлгерлер угулган, кöзнöктöҥ карап ийзем, , jалакай, кӱлӱмjилӱ болчомдор кöрӱнген, оныҥ учун кирип келдим. Слер, балдар, неге jуулдыгар?

K: Кожоҥдоорго? Биjелеерге? Мениҥ де биjелеер, кожоҥдоор кӱӱним бар.

Т: Карычакла кожо биjелеер кӱӱнигер бар ба?

Köргӱзу ойын тузаланары. Кеендик-jарашты оҥдоорына таскадары.

4.

Билгирин эбелтип, иш бӱдӱрери.

Балдардыҥ каруузы. Балдар таскадаачыла кожо клей ле тустыҥ болужыла белетелген чаазынга карычактаар jypaар.

K: (кöзнöккö кöрӱп) Мениҥ наjыларым мени сакыбай уча берген турбай! Hаjыларыма канайда jeдижейин?

Т: Кунукпагар, Карычак! Бис слерге болужарыс, арслерге кунукчылду болбозын деп ,карычактар jypап берерис. Болужарыс па?

Амыраар ӧйдиҥ кийнинде ишти улалтар.

Jуранарыныҥ эп-аргаларын кöргӱзери.

5.

Амыраар öй.

Амырап jадылар.

K: (jуранып jадала) Колдорым чылай берди!

Т: А слер, балдар, арыдыгар ба? (Балдардыҥ каруузы)

Сабарларды амырадып, ойноп ийели: Сабарлардыҥ ойыны

Оҥ колымда - беш сабар,

Сол колымда - беш сабар,

Эки колымда - он сабар,

Сабарларым кўрежет,

Бой-бойыла jакшылажат.

Бир jаaн биледий

Нак jӱрет jажына.

Сабарлардыҥ ойыны.

6.

Рефлексия. Бӱдӱрген ишти ле билгирлерди кемjиири ле чокымдаары

Jуруктарын доского иледилер.

Балдар тизилген карычактарга араайын тыныш алынып, олор кыймыктанар эдип, ӱрер.

Jуранып божозо, балдарды мактап, эткен ижин доского илер.

K: Меге эмди сӱӱнчилӱ мен эмди оноҥ до кöп наjылар таптым: балдар ла карычактар!

K: Меге слерле, болчомдор, jуранарга, ойноорго jилбилӱ, je мен наjыларыма jедижип алар керек.

Т: Бис слерге болужарыс.

T: Озолондыра белетелген, учукка тизилген карычактарды тыныштын тебӱзиле учарга болужып ийектер.

(Кӱӱ ойнойт. Карычак болчомдорло эзендежип, группанаҥ учуп барып jaт).

K: Jакшы болзын! Jакшы болзын!

Т.,балдар: Jакшы болзын! База айылдап келигер!

T: - Кандый jилбилӱ кун болды!

- Слерге japады ба?

- Кем биске айылдап келди?

- Jypаган карычактар бой-бойыгарга jарады ба?

-Карычакты нениҥ болужыла jурадыбыс?

- Клей ле тустыҥ болужыла jуранарга jeҥил бе?

- Слер ончогор бӱгӱн албаданып, jакшы иштендигер. Слерле кожо иштенерге jилбилӱ, jeҥил болды, ончогор jарык кӱӱн-санаалу, капшуун иштендигер. Jаaн быйан, слерге, болчомдор!

Кеендик-jарашты оҥдоорына таскадары.