Индивидуальный план работы на межаттестационный период по повышению профессионального уровня воспитателя с 2015 по 2020 год
материал

автономное дошкольное образовательное учреждение “Детский сад комбинированного вида №64” города Нижнекамска Республики Татарстан

Үзбелемне күтәрү буеча эш планы

Гафарова Илһамия Фазыл кызы

                                 2020 -  2025 еллар

Үзем турында

Туган елым: 1970

Яшәү урыны: РТ  Түбән Кама шәһәре, Төзүчеләр урамы

Минем  телефон: 89867226831

 Белемем:  югары

 Педагогик эш стаж:19 ел

Гомуми стаж : 31 ел

Методик тема:

Татар халык авыз иҗаты әсәрләре аша балаларның сөйләм телен үстерү

Максат: 

• Татар халык авыз иҗаты әсәрләренең балаларның сөйләм телен үстерүдә әһәмиятен өйрәнү һәм ачыклау.
• Балаларның  сөйләм телен үстерү һәм камилләштерү

Бурычлар:

• Татар халык авыз иҗаты әсәрләрен, аларның төрләрен өйрәнү өйрәнү.
•  Сөйләм осталыгы һәм күнекмәләрен формалаштыру.
• Балаларда ана телен өйрәнүгә кызыксыну,омтылыш, эзләнүгә теләк уяту. Телнең чисталыгын, дөреслеген саклап, халыкның рухи мирасын өйрәнүгә кызыксыну уяту.
• Халык авыз иҗатына карата хөрмәт һәм ихтирам тәрбияләү.

                                                  Теманың актуальлеге 

       Мин үз белемемне күтәрү өстендә эшләү темасы итеп “Баланың сөйләм телен халык авыз иҗаты аша үстерү” алдым. Балаларны үз ана телендә сөйләшергә, аралашырга өйрәтү, туган телебезне ярату, аңа карата ихтирам тәрбияләү бүгенге көндә дә иң мөһим мәсьәләләрнең берсе булып тора.

      Кызганыч, күп кенә әти-әниләр киләчәктә балама күбрәк рус теле кирәк булачак, татар теленең кирәге чыкмас дигән фикердә торалар. Минем бурыч, балаларның гына түгел, ата-аналарның да күңелләренә  халкыбызның рухи җәүһәрләрен салу, буыннан-буынга күчеп килүче рухи, мәдәни байлыгын саклаучы, буыннар чылбырын тоташтыручы, көнкүрештә барлык өлкәләрдә кулланыла торган аралашу чарасы икәнлеген аңлату уртак бурычыбыз.

         Татар балалар бакчасында әйләнә-тирәдәге чынбарлыкны танып белү туган телдә алып барыла, чөнки бала зиһененә алганнарын үз телендә әйтеп бирә белсә генә аларны яхшы үзләштерә.

Тел үсеше баланың гомуми һәм акыл үсеше белән тыгыз бәйләнештә бара. Сөйләм баланың акыл үсеше процессына керә, аның хәтерен, фикерләү сәләтен үстерә.

Балалар бакчаларында сөйләм теле үстерүне формалаштыру, камилләштерү балаларга үз туган теленең матурлыгын, кодрәтен аңларга, аны яратырга, халкыбызның рухи һәм иҗади байлыгын, чын тарихы белән кече яшьтән үк тирән кызыксыну уятырга ярдәм итә. Балалар бакчасында үткәрелә торган барлык бәйрәм яки чаралар бәйләнешле сөйләм үстерү бурычларын читләп үтә алмый. Бәйләнешле сөйләм үстерү балалар бакчасында туган телне тирәнтен үзләштерүнең гомуми методы, телгә өйрәтүнең төп принцибы.

            Халык уеннарын уйнау, бәйрәмнәр оештыру да тел өйрәнүнең зур чарасы булып тора.Балалар бакчаларында телдән сөйләм үстерү эшләре программаның барлык бүлекләрендә дә уңышлы сайланган әдәби әсәр һәм халык авыз иҗаты үрнәкләре аша бирелергә тиеш. Балаларны үзләренең фикерләрен, кичереш һәм хисләрен сөйләп бирерлек итеп әдәби телгә өйрәтү аларның һәръяклап үсүләренә дә ярдәм итә. Мәктәпкәчә яшьтәге бала үз сүзләре белән дөрес, ачык, төгәл һәм аңлаешлы итеп сөйләп бирә һәм сүзләрне дөрес аңлап, урынлы итеп оста куллана алганда гына белем үзләштерелгән булып санала.

    Тел – кешеләрнең иң мөһим аралашу-аңлашу коралы. Телдән сөйләмгә өйрәнү, белем һәм тәрбия алу, дөньны танып-белү, иҗат итү эшләре – барысы да тел ярдәмендә генә тормышка ашырыла.

Кулланылган әдәбият

• 1.Раушан көзге. Р.Ш.Халикова.-Казан:Мәгариф,1993.
• 2.Күңел ачыйк бергәләп. К.В.Закирова-Казан: Мәгариф,2003.
• 3.Иң матур сүз. К.В.Закирова.-Казан: Мәгариф,2000.
• 4.Азрак ял итеп алыйк. И.Х. Мияссарова.-Казан 1998.
• 5.Балалар фольклоры һәм җырлы-сүзле йөз төрле уен. Н.Исәнбәт.-Казан:тат.китап нәшер.,1984.
• Кәҗә-мәкәрҗә. Балалар бакчасы тәрбиячеләре өчен кулланма. Р.Ягъфәров.-Казан: Мәгариф,1994.

• “Мәгариф” журналлары белән танышып бару.
• “Фән һәм мәктәп” журналлары белән танышып бару.