Сценарий праздника "Кис ултырыу" (Посиделки")
план-конспект

Сценарий праздника на башкирском языке для детей

“ Кис ултырыу”(“  Посиделки”)

Автор: Махмутова Алсыу Мударисовна, учитель башкирского языка,ГБОУ Белорецкая коррекционная школа для обучающихся с ограниченными возможностями здоровья

                                   ,, Кис ултырыу” -фольклор байрамы

Маҡсаты:Башҡорт халҡының йолалары, ғөрөф-ғәҙәттәре менән таныштырыуҙы дауам итеү. Башҡорт  халыҡ уйындарына,йырҙарына     бейеүҙәренә ҡыҙыҡһыныу тәрбиәләү. Телмәр үҫтереү. Балаларҙа   халыҡ  ижадына һөйөү тәрбиәләү.

Байрам барышы:

Уҡытыусы. - Һаумыһығыҙ,балалар!Хәйерле көн,ҡунаҡтар! Бөгөн беҙ  халҡыбыҙҙың матур байрамын -“Кис ултырыу “ йолаһын ҡарарға йыйылдыҡ. Кис ултырыу  – кис көнө ҡыҙҙар йыйылышып ҡул эштәре эшләгәндәр: сигеү сиккәндәр,шәл бәйләгәндәр, йөн иләгәндәр,ауыл хәбәрҙәре һөйләшкәндәр,уйын-көлкө булған.Һуңыраҡ егеттәр ҙә килгән.Кис ултырыу- йыр-бейеү менан тамамланған.

                       Залға милли кейем кейгән ҡыҙ килеп сыға.

 Өләсәй.  - Залина ҡыҙым ,кем килган? Ҡара әле!

                       ҡыҙҙар килеп инәләр.

Балалар.  -Һаумыһығыҙ,өләсәй!

  Ҡыҙҙар: Һаумыһығыҙ ,инәй. Хәлдәрең нисек?Беҙ һеҙгә кис ултырырға килдек. Үҙебеҙ менән ҡул эштәрен алып килдек.

Өләсәй. Рәхим итегеҙ !Ишек асыҡ !Аллаға шөкөр! Түрҙән уҙығыҙ.

- Беҙ йәш саҡта эштән һуң кис ултыра инек.Ҡульяулыҡ,таҫтамал сиктек,шәл бәйләнек,ауыл хәбәрҙәре һөйләштек,уйнаныҡ,көлдөк.Аҙаҡ йырланыҡ, бейенек.-Эй-эй,бар ине,матур саҡтар!

Ҡыҙҙар ултырышалар.Ҡул эштәре эшләйҙәр.(“Ҡыҙҙар сигеү сигә”көйө аҫтында)

  Өләсәй. – Йәгеҙ,әле,ҡул эштәрегеҙҙе күрһәтегеҙ әле. Кем оҫтараҡ икән?

            Ҡыҙҙар сигеп, бәйләп эшләгән ҡул эштәрен күрһәтәләр.

Өләсәй. – Ай-һай,ҡалай оҫталар!.Белмәгәндәре юҡ.Ҡайһылай затлы әйберҙәр сиккәндәр.Ҡара һин уны.

         Ҡыҙҙар бер-береһенә ҡул эштәрен күрһәтешәләр,маҡтайҙар.Тәрбиәсе. – Ә мин, шәл бәйләп бөттөм.Матурмы?Ҡыҙҙар. –Матур,бик тә матур!              

Өләсәй. – Һай,афариндар! Былай булғас, мин һеҙгә йомаҡ ҡоям әле.Йомаҡ ҡойоу.(Һандыҡ тураһында йомаҡ әйтеү).

Өләсәй.-Эйе,дәрөҫ.Һандыҡ.

Уҡытыусы.  Беҙҙең өйҙәге һандыҡтың

                     Өҫтөндә ҡорған юрған-

                     Өләсәйем һандығы ул,

                     Эсе серҙәргә тулған.

Был һандыҡ. Элек өләсәйҙәр йәш саҡтарында ҡул эштәрен һаҡлағандар.(Таҫтамал,ҡульяулыҡ,ашьяулыҡ менан таныштыра).

Өләсәй: Әйҙәгеҙ,балалар уйындар уйнап алайыҡ.

Артабан «Үгеҙ йөҙөк»,  «Йәшерәм яулыҡ “ уйындарын уйнап,сәй эсеү менән тамамлана.