Оореникчи болдувус.
классный час (1 класс)

Байырлыг утренник  «Өѳреникчи болдувус»

Сорулгазы: ѳѳреникчи болганынга чоргааралды оттурар, ѳѳреникчи кижи кымыл, оон эргелерин болгаш хүлээлгелерин билиндирер, уругларның аас чугаазын сайзырадыр,  сцена культуразын сагып билиринге ѳѳредир.

Дерилгези:  чуруктар, презентация, улегер домактар, коңгажыгаш

Чорудуу.

1.Организастыг  кезээ.

2.Эге сѳс.

      -Эргим  ада-иелер,уруглар! Бо хүн бистиң уругларывыста улуг байырлал чүве-дир.Чуге дизе олар школага ѳѳренгеш 28 хонуп турар-дыр.Уругларывыс 1-ги класста  кирип ёзулуг ѳѳреникчилер апарган-дыр.Өѳреникчи кижи дээрге конгчуг харысаалгалыг ажыл,озалдавас, онаалгазын эки кылыр, чассыгнавас,ыглаган   эвес кижи болур.

          Өѳреникчи кижиниң кол ажылы –эки ѳѳренири, башкызын дыңнаары. Ам эң баштайгы ѳѳреникчи болган уругларның   тураскаадыг ёзулалын эгелээр-дир бис.

Бирги классчыларга сѳс.

      Бичии  чаштар чаптанчыглар

     Бир-ле тоолзуг,тывызыксыг

          Дѳрт,беш харга четкен соонда

Дѳгере-ле ѳѳрениксээр.

Акым-биле угбам ышкаш

«А»-ны бижип номчуур мен дээр.

Ам бо дораан чуруттунар

Арыг саазын бериңер дээр.

Бирге үштү кадарга дорт

         Билдиң бе?-деп мактангылаар.

          Оон-даа хойну билир мен-дээш

Ондан ажыр санагылаар.

Авазындан,ачазындан

Айтырбас-даа чувези чок.

Ай,хүн чуге ак-кѳк дээрден

Аңдарылбайн турар чувел?

-Ам садик дугайында шулуктей кааптынарам.

-Кымнар садик барып турганыл? Кайы садик барып турдуңар?

Найывыстан тура

      Найыралдыг ѳстувус

       Чаңгыс ие тѳлдери дег

            Чарылбас-даа турдувус.

Садикке чаңчыккан

 Чаштар биске хѳглуг

 Самнап ойнап билир

 Чаптанчыг-даа турдувус.

  Каш чыл эрткен билбээн бис.

Карак-ла бо ѳскен-дир бис.

  Чаштар бисти ѳстурген

Садигивис, байырлыг!

-Садикке  дыка  хѳй чараш  чаңчылдарны   ѳѳренип, бижип, чуруп, ырлап, танцылап ѳѳредип каан болгай.  

-Ам   школа  дугайында шүлүктеп кѳрүңерем.

Бирги класска ѳѳренир дээш

Бистер шупту чыылдывыс.

Башкывыс-даа хулээп алды.

Парталарда олуруптувус.

Бисти ам школа

                   Бирги класста хүлээп алды.

              Бижиир, чуруур,номчуур

                   Бирги классчылар болдувус.

Күстүң   айы   үндү.

Күзелим-даа бүттү.

Өѳрүм -биле кады

Өѳреникчи болдум.

Коңга    ыыдын дыңнай сал-ла

 Кончуг оожум часпарлаар бис.

                                       Дедир келгеш партага

                                       Демги хевээр оруптар бис.

Эртемнернин бедииндиве

Эге базым кылып турар.

Бичиивистен эптиг демниг

Бирги классчы уруглар бис.

     Школачы хѳглуг чылдар

Ам бо чылын эгеледи.

Школага ынак болуп

   Аажок эки ѳѳренир бис.

-Өѳреникчи  болурга кайгамчык  солун, дыка хѳй солун  чүүлдерни билип  ап,  угаанныг кижилер   болур силер. Силерниң  эң кол ажылыңар-ѳѳредилге болур, быжыг-сагылга чурум.

-Ам  эртем-билиг, үжүк-бижик дугайында  үлегер   домактардан  чугаалап кѳрүңерем.

Υжүк билбес кижи, үнү чоктан дора.

Эртем чокта ,эртен база дүн.

-Школага кандыг эдилелдер херегил?

Демир үжүүм,карандаш,ном.

Дендии камнаар ѳңнуктерим

Кажанда-даа белен чоруур

Кайгамчыктыг эдилелдерим.

-Тывызыктарны тывыңар.

Өѳредилге херекселин

Өскерлиш чок шыгжап чор мен.

Уруглар мени эгиннепкеш.

Школаже шуужуптарлар.(Сумка)

Челээш ышкаш янзы-бүрү

Чеди чүзүн ѳңнерлиг мен.

                                           Камныг эки эдилезе

                                   Каш-даа чылда бараан боор мен (карандаштар.)

Кандыг солун чогаалдарны

Каяа чедир номчуп алдың

Арыннарны сыга бербейн

Аразынга мени суп каг. (Закладка-кызыткыыш)

Долгандырыг шыяр дизе

      Дораан-на мен дузалаар мен.

     Улуг, бичии - кандыы херек.

                Уруглар, мээ чугаалаңар. (Циркуль)

Саазынга чурааш, бижээш.

Чазыг кылып алганыңда.

Мен-не балап чоруур дур мен.

Мени камнап, үнелеп чор. (Балааш)

-Бистин аравыста ыглаган, тенек, чалгаа,чассыг дээш кандыг-даа кижи бар.  Ындыг улус бар бе?   Оларны кочулап кѳѳр бис бе?

Башкыларның   онаалгазын

 Бакка кылыр ыглаңмай.

Эртенниң-не эзеп,херлир

Эрттир удуур ыглаңмай.

       Бодан дээрге мойнун долгаар

Болбаан тенек ыглаңмай.

Карак,кулак дежип каа дег

Карбаң холдуг ыглаңмай.

Парта шыяр, будук тогер.

Маргыш тенек ыглаңмай.

Эртем сана ийилерлиг

Эдип албаан ыглаңмай.

-Ындыг кижи  класста бар бе?

-Бо уруглар ышкаш болур бе, ындыг болбас, эрес-кежээ, эртежи болур чоор. Бистин клазывыста тенек, чалгаа, чассыг кижилер бар бе?

Эртенниң-не    школага

Эштерин-не    ыгладыр.

Ыймактажыр, хүрежир.

Ынчанмас   деп  сѳс  билбес.

Тенекпей, тенекпей.

Тергиин бак тенекпей.

Ындыг оол бисте бар бе?

Шупту чугаалаар: Ындыг оол бисте чок.

                                  Ынчангаш  экизин.

Номнарывыс былаажыр

Ол бо чүкче октаптар.

Чамдыктарын оруп кааш.

Чажырыпкаш олурар.

Тенекпей, тенекпей.

Тергиин бак тенекпей.

Ындыг оол бисте бар бе?

Шупту чугаалаар: Ындыг оол бисте чок.

                                    Ынчангаш экизин.

Агаарлаарда   чыскаалбас

Айбылаарга   ынавас.

Дыргактарын   кестирбес.

Дылын  уштур  ѳттүнер.

Тенекпей, тенекпей.

Тергиин бак тенекпей.

Ындыг оол бисте бар бе?

Шупту чугаалаар: Ындыг оол бисте чок.

                                   Ынчангаш экизин.

Идик-хевин камнавас.

Иезин-даа дыңнавас.

Удударга удувас.

Удурланып алгырар.

Тенекпей, тенекпей.

Тергиин бак тенекпей.

Ындыг оол бисте бар бе?

Шупту чугаалаар: Ындыг оол бисте чок.

                                  Ынчангаш экизин.

-Тергиин бак тенекпей болур бе, чараш-чурумнуг болур, кончуун кѳрбес бе,  шүлүкке бижий бээр.  Чалгаа, тенек, хирлиг, уйгужу улус бо багай чаңнарын чидирер. 

Физминутка.   Өршээ, Хайыракан!

-Силер 1-ги классчылар апарган силер, кандыг эртемнер ѳѳренип турар силер.  Шынап-ла   ѳѳреникчи  апарганывысты кѳргүзээлиңер.

Коңга кагар. Русский язык.

Звонок приглашает вас на урок русского языка. Так начнем урок.

Здравствуйте, дети.

        Здравствуй, наша школа.

             Здравствуй, светлый класс.

 Вот звонок веселый.

                                                  Приглашает нас.

-Повторим тему «Учебные  вещи». Чтение карточек. Письмо слов.

Коңга  эдер.

-Сан кичээлин эгелээлиңер. Карточкалардан сан бодадыр.   Шулуктээн бодалгалар бодадыр.

Ойнаарагы хирлиг болза                       Аян шыкка 6 койгун

Ону кым-даа мактаар эвес.                   Аян тыртып ойнай берген.

Оля 2, Орлана 3.                                      Дилгижектен 2 койгун

Ойнаарагын чугган иргин.                      Дидирт ынай дезипкеннер.

Оожум таваар сананарам.                         Аян шыкта каш койгун

Олар шупту кашты чугган. (5)                Артып калды, сананар че.(4)

-Эр-хейлер.эки ажылдадыңар.

Конга  эдер.

-Ам үжүглел кичээлин эгелээлиңер.

       Ужуглелдиң   чажыдын  тып

    Слогтардан  сѳстер  кожуп

Уруглар-даа, оолдар-даа.

    Сѳзглелди номчуптар бис.

-Буратино бисче чагаа чорудупкан, карточкалар номчуур.

Оюн «Дүн-хүн».Сѳстерни солуур.

-Оон ыңай кандыг эртемнер ѳѳренип  турар бис.

Күш-культура кичээлинге.

                                           Күчү-шыдал кирер бис.

                                          Чаа күштү немээр.

                                           Зарядкадан кылыыл.

-Чүнү ѳѳренип турар  силер?

-Оон ыңай кандыг эртемнер  ѳѳренип тур силер? (ыры, чурук, технология, шахмат, проект)

Кѳвүрүглер тутчурда-даа.

Кѳвей сылдыс хайгаараарда.

Школачы чылдарыңда

Ылап кызып ѳѳренип чор.

-Ам  ѳѳреникчи  болганыңар дээш  силерни йорээр-дир мен.

 Υжүглел  номун  кѳску черге салгаш, дилеп   чугаалаар:

-Өѳреникчилерим  ужук-бижикти  эки  шиңгээдип ап, кызымак, чурумнуг, чүткүлдуг болзуннар. Эртемнерниң    эгези-хааны, Ачылыг   Υжүглелим!

Өѳреникчилер   даңгыраан  чаңгыстап  чугаалаарга, үжүглел   номун   бажынга  аяар  дегзир.

-   Чурумнуг, кызымак ѳѳренир мен, ада-иемниң, башкыларымның чугаазын дыңнап чоруур мен.

Башкы: -Ам ёзулуг ѳѳреникчи болганыңар- биле  байыр чедирип тур бис.

                                             Ада-ие сѳзүн тоовайн.

Ары-хүндүр ойнавас бис.

Хүн чурумун эки сагып.

    Хлээлгевис күүседир бис.

-Эр-хейлер, силерге  бүзүреп тур бис.

-«Өѳреникчи болдувус» деп байырлалга тураскаадып, хуреш, чадаг чарыш, чараш бижилге, чурулга, шүлк конкурузу,  ыры, саналга мѳѳрейлери эрттирген бис. Ам   тергиин   болганнарны  шаңнаар бис. Ада-иелер силерге   бичи   белекчигештер   база белектеп алган, ону тыпсыптар–дыр.

-Ада-иелерге   сѳс. Байыр чедириишкини.