Сценарий новогоднего утренника на якутском языке
классный час (3 класс)

Саҥа дьыллаа5ы начаальнай кылаастарга бырааhынньык сценарийа.

Оонньуур дьоно:

Дьэгэ-Бааба  икки кыыhынаан- Прокопьева Н.К, Карамзина Анастасия, Хурасева Надежда

Бөтүүк – Тихонова Светлана

Суор – Васильева Майя

Тымныы о5онньор –Прокопьев Н.Д.

 Хаарчаана - Тихонова Инна Владимировна, ыт о5олоро – ыт сылын бэлиэлэрэ;

2 чааhа.

Саҥа дьыллаа5ы музыка тыаhыыр.

(Ёлка аттыгар саҥа дьыл символлара ыт о5олоро оонньуу сылдьаллар. Дьэгэ бааба кыргыттарынаан кэлэн ыт о5олорун уоран илдьэ бараллар)

Хаар үҥкүүтүнэн бырааhынньык са5аланар.

I көстүү.

1 ыытааччы :

              - Өр да кэтэстим бу күнү

                 Өр да тулуйа сырыттым.

                Дьэ, бүгүн ол күн тосхойдо,

                Саҥа дьыл биhиэхэ кэллэ.

2 ыытааччы:

           - Ойуу, киэргэл бө5өтүн мин

             Харыйабар ыйаары мустум.

             Тымныы о5онньор сиэнинээн

             Киирэн кэлэрин кэтэстим.

1: - Үтүө күнүнэн күндү о5олор, төрөппүттэр, учууталлар уонна ыалдьыттар! Дьэ, күүтүүлээх саҥа дьылбыт тиийэн кэллэ!

2: - О5олоор, биhиги бүгүн 2018 сылы көрсөбүт. Кини кытай халандаарынан Ыт сыла  буолар. Ол гынан баран саҥа сылы көрсүөхпүт иннинэ биhиги ааспыт дьыл бэлиэтин атаарыахпытын наада. 2017 сыл – туох сыла этэй?

- Бөтүүк.

1: - Саамай сөп, оччо5о биhиги билигин Бөтүүгү ыҥырыахайыҥ!

- Ку-Ка- Ре-Ку, Ку-Ка-Ре-Ку!

(Бөтүүк киирэр)

Бөтүүк: - Дорооболоруҥ, о5олоор, эhиги миигин ыҥырдыгыт дуо?

2: - Дорообо,  Бөтүүк! Бу сыл наhаа үчүгэйдик ааста, элбэх ситиhиилэр, үөрүү-көтүү бө5ө буолла, биhиги  эйиэхэ махтанабыт уонна эйигин атаарабыт.

Бөтүүк: - О5олоор, бу кэлэр сыл үчүгэйдик ааhыан ба5ара5ыт дуо?

1: - Ээ, оннук бө5ө буолла5а дии. Онно тугу гыныахха нааданый?

Бөтүүк: - Дьэ, бу аптаах шарик бө5өтүн а5аллым. Ити шариктарга мин  сыл  үчүгэй эрэ түгэннэрин хомуйан уктум. Шариктаргытын үчүгэйдик тутан олоруҥ. Саҥа дьыл кэллэ5инэ эрэ шариктаргытын тэhээрин, оччо5о сылы быhа дьоллоох буолуоххут!

(Хаар кыырпахтара-кыргыттар зал иhигэр көрөөччүлэргэ түҥэтэллэр)

2: - Оо, наhаа да үчүгэйдик толкуйдаабыккын, Бөтүүкчээн. Эн биhиэхэ үчүгэй да5аны бэлэх оҥордуҥ! Махтал, эйиэхэ, Бөтүүкчээн!

Б: - Баhаалыста. Чэ, мин барар кэмим буолла – покааларыҥ! Саҥа дьылга барыгытыгар дьолу ба5арабын!

1: - Көрсүөххэ дылы!  (Бөтүүк тахсар)

2: - Билигин дьэ, саҥа дьылы көрсүөхэйиҥ!

II көстүү.

(Долгутуулаах (тревожная) музыка, омуннаахтык а5ылаан-мэҥилээн суор көтөн кэлэр)

Суор: ( рупорга саҥарар)- Бол5ойон истиҥ! Бол5ойон истиҥ! Саҥа дьыл буолбат үhү! Биричиинэтэ биллибэт! Бол5ойон истиҥ! Бол5ойон истиҥ! Саҥа дьыл буолбат үhү! Кар-Кар-Карррр! (тахсар)

1: - Хайдах ол буолбат? Туох буолла?

 (Телефоҥҥа смс кэлэр тыаhа) 

– Оо, смс кэллэ дии. Чэ, эрэ о5олор, смс-та аа5ыахайыҥ эрэ.

(Экраҥҥа смс-суругу аа5аллар): «Саҥа дьыл бэлиэтэ ыттарым сүттүлэр. Көрдөөтүм да булбатым. Пока кимҥэ да этимэҥ. Ыт бэлиэтэ суох саҥа дьыл буолбат. Тымныы о5онньор.»

1: - Таак, ыттар  сүппүттэр…   О5олоор, туох дии саныыгытый, ыттар бэйэлэрэ куоппатахтара буолуо дии.. Ханна бааллара буолуой?

(О5олор этэллэр)

2: - Чэ, эрэ оччо5о Дьэгэ–баабаттан ыйытыаххайыҥ эрэ.

III көстүү

(Дь-бааба кыргыттарынаан киирэн кэлэр): - Дорооболорун, о5олоор! Хайа, хайдах-туох олордугут, туох нуомас-кэпсээн баар?

1: - Биhиги иhиттибит: Тымныы о5онньорго туох-эрэ буолбут.

Дь-Б: - hэ-hэ! Туох эрэ буолбут буолан. Онтон кинилэри үчүгэйдик көрүө этэ буо!

2: - Кимнээ5и эттиҥ ол кинилэри диэн?

- Ыттарын. Кини ыттара куоппуттар буолбат дуо?

- Ону эн хантан биллиҥ? Ыттар куоппуттар диэн?

- hа, эhиги бэйэ5ит эттигит буолбат дуо?

- Суох, биhиги ол туhунан тугу да этэ иликпит.

- Ол аата онтон кимтэн эмит иhиттэхпит дии.

- Ити туhунан эhиги кимтэн да истибэтэххит. Тымныы о5онньор ону кистэлэҥҥэ туппута, ким да билбэт. Ол аата эhиги дьыала5ыт буолла5а дии.

-Чэ-чэ, бэйэтэ буруйдаах. Ыттарын үчүгэйдик көрүө этэ буолла5а дии.

 Аччыктаабыттара буолуо дии санаатахпыт дии. Ол иhин ылаттаабытым. Чэ, билигин биир-биир кэлиэхтэрэ. Билигин элбээх-элбэх ыттар тахсан үҥкүүлүөхтэрэ, онно баара буолуо.

(Танец учащихся 2 класса)

Дь-Б: - Оо, бу баар биир символгыт.

(1 символы ылан ёлка аттыгар туруораллар)

1: - Оттон өссө сорох ыттарбыт ханна баалларый?

Дь-Б: - Мин эhиэхэ таах булан биэриэм дуо, саҥа дьыллаа5ы викторината таайыҥ эрэ.

(Викторина в приложении)- проводят родители

Дь-Б: Оо, сүрдээхтик да викторина таайар эбиккит, өйдөөх да о5олоргут. Билигин Мальвиналаах, Буратино 1 символ ыты а5алыахтара.

(Дьэгэ-Бааба кыргыттарынаан уора-көстө саhан залынан күрээн хаалаллар)

                          (Танец 3 класса)

IV көстүү.

1: - Саҥа дьылбыт буолара чугаhаата. Онтон биhиги 3-с символбытын була иликпит дии.

2: - Дьэ, хантан булабыт?  Саатар, Дьэгэ –Баабабыт кыргыттарынаан күрээн хаалбыт  дии.

1: - Ээ, чэ патрульлартан ыйытыахха ээ. «Щенячий патруль» диэн баар үhү дии..

- ЭЭ, кырдьык да5аны! Маҥнайгы кылаас о5олоро ону үчүгэйдик билэллэр.

(1 кылаас үөрэнээччилэрин толоруутугар үҥкүү)

1: - Оо, хата ыттарбытын барытын буллубут. Тымныы О5онньорго биллэрэ охсуохха.

2: - Тохтоо эрэ, доо. Тымныы О5онньор утуйа сытта5ына, куhа5ан Аптаах о5онньор аан дойдуга баары барытын уларытан кэбиспит үhү. Оччо5о Тымныы о5онньорбут бэргэhэтин уонна хаатыҥкатын, Хаарчаанабыт – кокошнигын , са5ынньа5ын, онноо5ор кинилэр көмөлөhөөччүлэрэ Снеговик биэдэрэ-бэргэhэтин уонна моркуоп-муннун булбаттара буолуо!

1: - Ээ, ол иhин баарыын аптаах үтүө санаалаах фея сорудах биэрбит эбит дии. Бу ыhыллан хаалбыт пазл–лар бааллар, ону хомуйдахтарына, ол о5онньор куhа5аны оҥорбута ааhар диэбитэ.

2: Чэ, эрэ о5олор! Пазлынан Тымныы О5онньору, Хаарчаананы уонна Снеговигы хомуйан оҥоруоххутун наада.

(Музыка тыаhыыр, ол бириэмэ5э биирдии пазл-га иккилии о5о тахсан хомуйаллар).

1: -Оо, маладьыастар, о5олоор. Чэ, билигин Тымныы О5онньорбутун ыҥырыахайыҥ!

(О5олор Тымныы о5онньору ыҥыраллар)

V көстүү.

(Тымныы О5онньор Хаарчааналыын киирэллэр)

Д.М: - Дорооболоруҥ, о5олоор! Наhаа да үөрдүм, ыттарбын булбуккут. (Ыттарын имэрийтэлиир). Дьэ, саҥа Дьылбыт кэллэ5э буолуохтун!

Хаарчаана: - О5олоор, бары үөрэн-көтөн бырааhынньыктыахайыҥ.

Саргылаах саҥа дьылбыт салаллан кэлбитинэн!

 (3 Символ ыттар музыканан круг оҥороллор уонна тахсан бараллар)

1:- 2018 сыл – Ыт сыла. (Ыт сылыгар туох биллэриллибитин этэбит)

Саха сиригэр 2018 сыл – нэhилиэнньэ дьарыктаах буолуутун сыла

( нууччалыы эттэххэ – год занятости), онтон Россия5а – ис сүрэхтэн салайтаран волонтерство5а ананыллар (Год волонтера и добровольчества)

2: - Саҥа дьыл – Ыт сыла кэлбитинэн эhигини э5эрдэлииллэр 4 кылаас уолаттара.

(Танец долматинцев – 4 кылаас)

Хаарчаана: - О5олоор, баарыын Бөтүүк аптаах шарик хаалларбыт буолуохтаах дии. Хаалларбыта дуо?

-Аптаах бириэмэ тиийэн кэллэ. Бары ол шариктарбытын ылабыт. Илиибитигэр тутабыт. Бу шариктар истэригэр Бөтүүк сылыгар мунньуллубут үтүө санаалар, саамай кэрэ кэмнэр бааллар. Онон шариктарбытын тэстэхпитинэ – ол үтүө санаалар, саамай кэрэ кэмнэр бу ыт сылыгар эмиэ баар буолуохтара. Чэйиҥ эрэ, о5олоор, ыт сылыгар эмиэ дьоллоох түгэннэр элбээтиннээ-ээ-ээр! (О5олор шаригы тэhэллэр)

Тымныы Моруос: - Чэ, барыта олус үчүгэй – туох барыта үчүгэйинэн түмүктэннэ5инэ! Саҥа кэлбит сылынан э5эрдэээ-ээ! Мин о5олорбор анаан кэhии а5алтаабытым. Ону туттарарбын көҥүллээҥ.

Бу кэhиилэрбин харыйа анныгар уурталаабытым. О5олоор, кэhиибин кэлэн ылыаххытын сөп. (Харыйа анныгар кэhиилэрэ суо5ун көрөн олус соhуйар).

Хайаа, кэhиилэрим суохтар дии.

 2: - Ээ, эмиэ Дьэгэ-баабаларбыт үлэлэрэ буолуо. Били «Щенячий патрульлар баар этилэр дии. (2-3 о5ону залтан ыҥыран ылабын). Баран биир эмэ Дьэгэ баабаны (эбэтэр барыларын дуу) булан а5алыҥ эрэ.

(Ыт о5олоро коридортан Дь=Б тутан а5алаллар)

1: - Хайа, кэм да быракааhа суох буолбатыгыт дуу? О5олор подарактарын ханна гынныгыт?

-Дьэгэ- Бааба: - Өйдөөх буоллахтарына буллуннар ээ. Биhиги дьээбэбит дэлэ дуо? Ылан эhиги подаракторгытын кистэтэлээбиппит. Ону бу манна баар суругу өйдөөтөхтөрүнэ – булуохтара. «Зашифрованное письмо»

(Сцена5а кылаастан биирдии о5ону ыҥырар)

Д.М:- Биhиги барар кэммит кэллэ. Подаракторгытын булаттаарын. Эhиил 2019 сылга көрсүөххэ дылы о5олоор!

(Тымныы О5онньор уонна Хаарчаана тахсан бараллар)

1: - Сана кэлбит сылынан!

2: - Бука барыгытын э5эрдэлиибит!

10-15 мүнүүтэнэн Лоторея ыытыллыа5а.

• Номердар быыстарыгар оонньуулар. (в приложении)
• Лотерея ыытыллар.
• Кафетерий үлэлиир