Ӧткӧн класста эмесӱредим аайынча ылгамал.
материал на тему

Ӧткӧн класста эмесӱредим аайынча  ылгамал.

3 класста «Мениҥ Тӧрӧлим» деп класста эмес ӱредим берилген. Амадузы: бойыныҥ Тӧрӧли керегинде јол-јорык ойын ажыра јетирӱлерле таныштырары. Текши ӱредӱ эдилгелер ажыра јединген турулталарым:

1.Ӱренчиктиҥ ӧзӱмиле колболу эдилгелер:

-бойыныҥ тӧрӧлин, албатызын, тилин тооры;

-алдынаҥ бойыны ӱредӱ кандый учурлузын билери, билбезин билерге амадаары.

2. Бойын башкарынар эдилгелер:

- бойыныҥ тӧрӧлиле, албатызыла оморкоор кӱӱн-санаа таскадары;

- бойыныҥ санаа- шӱӱлтезин чыгара айдары.

3. Колбу тударыныҥ:

- класста эмес ӱредимде ле јӱрӱмде диалог куучынында туружары, ӧскӧ улустыҥ эрмек-куучынын оҥдооры.

- ӧмӧлик иш бӱдӱрип, текши шӱӱлте чыгарарына туружары.

Ӱренчиктерге jакшы кӱӱн - тапту иштеерине ууламjы тӧзӧргӧ кӱӱ иштедилди, класстыҥ ичи јарандырылды.

Бу класста эмес ӱредимниҥ амадузын тургузарга, кажы ла уренчик бойынын санаа-кунин чыгара айдынган ла јетирӱлер белетеген. Балдар бойына jаны ачылталар эткен деп сананып турум.

Класста эмес ӱредим бир тизӱде эдилге ууламјылу тургузылган. Ӱренчик билгирди беленинче албай, бойы бедренип, јетирӱ белетеген. Кажыла бӱдӱрген ижиниҥ тӱп шӱӱлтезин чыгарып, ӱредӱде эрчимдӱ туружат бу ӱредӱ эдилге тӧзӧлгӧ болгоны.(принцип деятельности)

Класста эмес ӱредимниҥ бастыра бӧлӱктери ортодо колбу тӧзӧлгӧн, билгир алары ээчий – деечий ууланат.

Класста эмес ӱредимде ӱренчиктер бой-бойын jӧмӧжӧр, болужар, кожо эптӱ иштеер айалга тӧзӧлгӧн.

Ӱренчиктердин ижин эрчимдедерге башка-башка эп-аргалар тузаландым.

Кажы ла ӱренчик ајаруда болды. Тургузылган класста эмес ӱредимниҥ амадузына једингенис деп сананадым.