Әтиләр кичәсе
классный час (2 класс) на тему
Предварительный просмотр:
Күңгәр урта мәктәбенең I квалификацион категорияле
башлангыч сыйныфлар укытучысы Вәлиуллина Фәрдия Рафисовна.
Әтиләр кичәсе “Әти, әткәй, әтием...”
Булат класска үзе генә керә.
-Нигәдер бик тын, күңелсез. Кая китеп беттеләр икән бу балалар? Нишләргә инде? Бәйрәмне башларга кирәк бит. Әтиләребез дә килгән. Их, әгәр дә миндә “цветик – семецветик” булса, бер генә теләк теләр идем, бәйрәмне башлыйсы иде.
Укытучы:
- Булат, миндә бар бит ул чәчәк. Әйдә, тизрәк телә теләгеңне, бәйрәм башлансын.
Булат: -Яхшы. Лети, лети леписток,
Через запад, через юг
Лишь коснёшься ты земли
Будь по – моему вели.
Вели, чтобы хәзер үк безнең сыйныфта бәйрәм башлансын.
(Чәчәк таҗын ыргыта, балалар керә, “Бәйрәмнәр” җыры җырлана.)
Бәйрәмсез бик күңелсез бит,
Күңелсездер сезгә дә
Бәйрәмнәр кирәк безгә дә,
Бәйрәмнәр кирәк сезгә дә
Кирәк һәммәбезгә дә.
Бәйрәмнәр кирәк әтигә,
Бәйрәмнәр кирәк әнигә,
Бабай белән әбигә.
Гөлназ: Бар күңеллелек, бөтен дөньяга
Бар бер ямь бүген.
Рәзил: Нәрсәдән бу? Мин беләм,
Бәйрәм бүген, бәйрәм бүген.
“Бәйрәм бүген” җыры җырлана.
Тыңладым акрын гына
Искәндә бәйрәм көн җилен.
Ансы да сөйли тагын
Бәйрәм бүген, бәйрәм бүген.
Укытучы:
- Хәерле көн хөрмәтле әтиләр, дәү әтиләребез, укучылар! Бүген без сезнең белән Ватанны саклаучылар көненә багышланган кичәгә җыелдык һәм иң якын кешеләребезне - әтиләребезне, дәү әтиләребезне кунакка чакырдык. Ил терәге – ир – егетләр булса, гаилә терәге - әтиләр. Хөрмәтле әтиләр, дәү әтиләр, егетләребез! Сезне бәйрәмегез белән котлыйбыз. Без сезнең озын гомерле, сәламәт һәм бәхетле булуыгызны телибез. Күкләребез аяз, илебез тыныч, табыннарыбыз мул булсын. Без бүгенге кичәбезне “ Әти, әткәй, әтием...” дип атаганбыз икән, димәк, сүзебез бүген әтиләребез турында гына булачак. Гаиләдә әти төп таяныч, терәк булып тора. Нахакка рәнҗетелгән күңел җылыныр урын эзли, кемнән дә булса яклау өмет итә. Андый чакта иң якын кешеңә барып сыенасың. Егылганда тартып торгызырга да әнә шундый нык, ышанычлы куллар кирәк. Ул - әти куллары. Явызлардан, җил – давыллардан саклаучы куллар ул. Андый куллар булу кирәк. Әти кирәк.
Саша: Нигә бүген класста
Бик күңелле, бик ямьле?
Чөнки бүген кунакка
Әтиләребез килде.
“Әтием” җыры җырлана.
Бүген бездә зур бәйрәм-
Әтиләребез килде.
Җыелыштык барчабыз,
Бергәләшеп котлыйбыз.
Әтием, әтием,
Котлыйм сине, әтием,
Яннарыңда һәрвакыт
Көлеп торсын әнием.
Әтиебез бик гадел,
Юмарт, шаян һәм көчле,
Безнең өчен ул терәк,
Әти безгә бик кирәк.
Әти – безнең горурлык,
Телибез аңа саулык.
Язсын иде яшәргә
Әти диеп гомергә.
Әтием, әтием,
Котлыйм сине, әтием,
Яннарыңда һәрвакыт
Көлеп торсын әнием.
Әнием белән бергә
Яшәгез сез гомергә.
Яшәгез сез гел бергә.
Н.Айгөл: Без юлларга чыктык кына,
Күңелдә якты теләк.
Иң дөрес, иң туры юлны
Сайлашырга Сез кирәк.
Гөлназ: Минем әти иң әйбәт,
Иң шәп әти дөньяда.
Бәхәсләшмим, булса, булыр
(Һм-м-м, бар микән?)
Тагын берәр гаиләдә.
Алинә: Ул җирдә иң шәп кеше,
Шәп кеше гаҗәп кеше,
Ул иң-иң көчле кеше,
Баһадир төсле кеше.
Рәзил: Ул зирәк тә, шаян да,
Акыллы да, әйбәт тә.
Кем дисезме? Ул кешеләр -
Бергә: Безнең әтиләр, әлбәттә!
Безнең бабайлар, әлбәттә!
Ф.Айгөл: Җир йөзенең бөтен матурлыгын
Килә Сезгә бүләк итәсе.
Дөньядагы матур сүзләрнең дә
Иң җылысын килә әйтәсе.
Инзилә: Әтиемнең алтын куллары.
Имин булсын йөргән юллары.
“Әти!” диеп әйтү бер ләззәт,
Син булганда, әти, бик рәхәт!!!
Җыр “Әтиемә”.
Гаиләбез горурлыгы
Син әтиебез.
Сиңа бәхетләр, шатлыклар
Бик күп телибез.
Әтиебез куенында
Үсәбез кайгы тоймый.
Күңелебез аңа көн дә
Рәхмәтләр генә җырлый.
Кайгырасың гомер буе
Син безнең өчен.
Олы юлга чыгарасың
Биреп бар көчең.
Без бәхетле барыбыз да
Син бар чагында.
Гөрләшеп яшибез һаман
Киң кочагыңда.
Зөһрә: Дөньядагы барлык яхшылыкны
Килә сезгә бүләк итәсе.
Бәйрәмнәрдә генә түгел, һәрвакытта
Килә сезне хөрмәт итәсе.
Ильнара: Сезгә булган олы хөрмәтебез
Урын алсын йөрәк түрендә.
Саулык, сәламәтлек , ак бәхетләр
Юлдаш булсын сезгә мәңгегә.
Укытучы: Бәйрәм бүләксез булмый ул
Барыгыз да беләсез
Балаларның тырышканын
Хәзер менә күрерсез.
Бергә: Нәни кулларыбыз белән
Тик сезгә диеп кенә
Әзерләдек бүләкләрне
Бик күп көч куеп менә.
Кадерле әтиләребез! Бабайларыбыз!
Бәйрәмегез белән котлыйбыз.
(бүләк бирәләр)
Укытучы: - Әниләребез ничек кадерле булса, әтиләребез дә безгә шулай ук якын. Аларны
без бик яратабыз. Әйдәгез, Булатны тыңлап үтик әле. Ул үзенең әтисенә
багышлап шигырь өйрәнде. ( Булат сөйли.)
Р. Миңнуллин “Әти төсле”
Әти бик тә кыюсыз, Рәхәт минем әтигә -
Бик бәләкәй һәм чандыр Бар исеме, бар даны!
Малай булган кайчандыр. “Кешелекле кеше!” дип
Соңа да калгалаган, Мактыйлар бар да аны.
Шелтә дә алгалаган.
Минем әти мактаулы
Бик яраткан уйнарга, Үзенең эшендә дә.
Кайда гына йөрмәгән,
Өйгә кайтып кермәгән! Гел әйбәт сүзләр йөри
Бик соң торган йокыдан, Әтиемә карата.
Чөнки төннәр буена Аны бар да хөрмәтли,
Качып китап укыган. Аны бар да ярата.
Бервакытта тарихтан Ул – гайрәтле!
Алган ул хәттә “3” ле. Ул – көчле
Мин дә нәкъ Мин дә нәкъ
Әти төсле. Әти төсле.
Укытучы: Әйе, балалар әтиләргә, бабайларга ошарга тырыша. Без әтиләребезгә
һәрвакыт булышырга, аларны кадерләп, олыларга тиеш.
1941 нче елның 22нче июне безнең күңелләребездә мәңге онытылмаслык булып кереп калды. Күпме кан коелган, күпме кеше һәлак булган. 1945 нче елның 9 нчы мае безгә Бөек Җиңүне бүләк итте. Быел исә шул Җиңүнең 65 еллыгын бәйрәм итәчәкбез. Әйдәгез, без рәхәт яшәсен, матур мәктәпләрдә укысын, рәхәтләнеп эшләсен һәм уйнасын, тамакларыбыз тук, өсләребез бөтен булсын өчен көрәшкән бабайларыбызга багышланган җыр тыңлап үтик.
Күрәсем килә.
Бабай югалган сугыш кырында.
Саклыйбыз аның хатларын гына.
Бабай югалган сугыш кырында.
Мине аңарга охшаган диләр,
Кич утырырга килгән әбиләр.
Мине аңарга охшаган диләр.
Рәсеме дә юк, юк кабере дә.
Бабайны шундый күрәсем килә.
Бабайны шундый күрәсем килә.
Әбием дога багышлый аңа.
Намазлыгына яшьләре тама.
Намазлыгына яшьләре тама.
Намазлыгына яшьләре тама.
Бабай югалган сугыш кырында.
Саклыйбыз аның хатларын гына.
Бабай югалган сугыш кырында.
Мине аңарга охшаган диләр.
Безнең сыйныфыбызда да Армия сафларында булган әтиләребез бар. Хәзерге җырыбыз сезнең өчен яңгырар. Аны Рәзил белән Булат башкаралар.
Җыр “ Солдатлар “
Бабай да солдат булган,
Әти дә солдат булган.
Зур абый да, солдат булып,
Ил чикләрендә торган...
Кече абый солдат булып
Кайтты быел яз гына,
Мин үзем дә солдат булам,
Үсим генә аз гына.
Укытучы: Балалар әтиләре турында сочинениеләр язганнар иде. Әйдәгез, шуларның
кайберләрен тыңлап үтик әле. (Укытучы Инзиләнең хикәясен укый.) Бу теләкләргә без дә кушылабыз. Ә хәзер Инзиләнең шигырен тыңлыйк.
Әти янымда булганда
Бер нәрсәдән курыкмыйм мин
Аның сүзе миңа закон
Әтиемне тыңлыйм мин.
Әти безнең терәгебез
Әти безнең яклаучы
Авырлыклар китермичә
Давыллардан саклаучы.
Яшәсен минем әтием
Сәламәт һәм шат булып
Диләрә һәм Инзиләнең
Бик кадерлесе булып.
- Сезнең өчен татар яшьләре биюе башкарыла.
“Мин авыл баласы” көенә
Укытучы: Безнең укучылар үзләренең әтиләрен бик яраталар, аларга охшарга тырышалар.
Ә менә үзләре әти булсалар алар нишләр иделәр икән? (Укытучы “Әгәр дә мин әти булсам” дигән язманы укый.Сезнең өчен Рәзил шигырь сөйләр. Җ. Дәрзаман “Солдат булдым.”
Каеш будым билемә, -Була!- димен фырт кына
Тасма тактым җиңемә, Һәм борылдым кырт кына.
Йолдызлы бүрек кидем, Шуннан китте, и китте...
-Мин солдат булдым!- димен. Мине чын солдат итте.
Иңемә мылтык астым, Бетте ялкау гадәтем,
Әти каршына бастым. Санаулы һәр сәгатем,
-Килдем, иптәш командир, Иртүк торам, юынам,
Әйдә, берәр фәрман бир. Сөлге белән уынам.
Ялт иттерәм тешләрне,
-“Смирно!”- ди әти дә,- Аннан эшлим эшләрне.
Печән ашат бәтигә.
Бераз утын ярырсың, Бүлмәдә тәртип хәзер,
Аннан – суга барырсың. Ни кирәксә, шул әзер.
Солдат булу шулай ул
Өйрәнгәч, бик уңай ул.
Илнара белән Гөлназ башкаруында ритмик бию.
Укытучы: Ә хәзер “Йолдыз бүләк итик ” уенын уйнап алыйк әле. Һәркемнең Әтисенә ашмаслык әйберләр бүләк итәсе килә. Әйдәгез, без әтиләребезгә йолдыз бүләк итик әле. Йолдызларыбыз серле. Аларны бары тик артына язылган биремнәрне үтәсәң генә бүләк итеп
булачак.
- Әтиләрдән генә торган ансамбль оештырырга.
- Әтиең һәм үзең иң истәлекле көнегез турында сөйләргә
- “Солдат булдым” җырын әтиең белән бергә песи һәм эт тавышлары белән җырларга.
- “Әтием мин сине яратам” җөмләсен ягымлы, усал, солдатларча, артист бала булып әйтергә. “Кызым(Улым) мин сине бик яратам” җөмләсен ягымлы, солдатларча, усал, артист әти булып әйтергә.
- Әтиең белән бергә бәйрәм белән котларга.
- Әтиеңне биетергә.
- Син командир, ә әтиең сиңа рапорт бирә, ләкин аңа биремне үтәргә кирәк.
-сез ялгыш иптәшегезнең аяк киемен кигәнсез һәм ул сезнең аяк киемегезне кыса, өстәвенә сез бик туңгансыз.
- Шигырь сөйләргә.
- Әтиең белән бергә җырларга.
- Мәзәк сөйләргә.
-Җырлый Алинә, Инзилә, Зөһрә “Туган авылым”
Укытучы: Тормыш булгач төрле чаклар була. Кайвакыт без әтиләребезнең әйткән сүзләрен, кисәтүләрен бик тиз онытып җибәрәбез. Андый чаклар өчен безне зинһар гафу итегез.
-Ә хәзер “Шауламагыз, әти йоклый” дигән сәхнәләштерелгән шигырь карыйбыз. ( Ш. Галиев)
Илнара: Без инде күптән уяндык
Тышта кояш яп – якты,
Төнге сменадан кайтып,
Әти йокларга ятты.
Безгә әйтте шауламаска,
Дөбер – шатыр килмәскә.
Киләбезме соң, килмибез-
Шуны гына белмәскә.
Йөрибез акрын гына,
Аяк очына басып.
Сөйләшсәк тә сөйләшәбез
Үзара пышылдашып.
Зөһрә: –Тсс, Булат, дим, сызгырынма!
Рәзил, дим, куй чүкечне!
-Гөлназ, димен, саграк кылан,
Шалтыратма чүмечне.
Булат: -Әти йоклый, шауламагыз!
Сиңа әйтәм бит Зөһрә!
Айгөлне ник елатасың,
Рәзил, бу ни гадәт.
Гөлназ: Илнара, җитте сиңа да,
Шудырма урындыкны!
Айгөл: Зөһрә димен, сикерергә
Урамда урын юкмы?
Гөлназ: Шыпырт кына чыгып әти
Карап торган ишектән.
Шул хәтле ду килергә соң
Ишеткәндер, ишеткән...
Булат: Бер-беребезне тыя – тыя
Шундый кызып киткәнбез –
“Кычкырма!” да, “Шаулама!” дип,
Шаулашабыз икән без...
Җыр “ Телевизор”
Уку белән мактана алмыйм
Язуым әпән – сәпән
Шуңа микән “3”ле чыга
Чиректә һәр нәрсәдән.
Әмма ләкин бик яратам
Карарга телевизор
Көне – төне күз дә алмыйм
Башларым килә зыр – зыр.
Ашарга да өлгерә алмыйм
Битне юмыйм, кулны да.
Кая инде ул булышу
Әти белән әнигә.
Әти әйтә : “Җитте сиңа”,
Әни әйтә: “ Карама!”
Әби белән бабакаем
Тотыналар каргарга.
Укытучы: Әйдәгез, тагын бер сочинениедән өзек укып китик әле.(Алинә)
(Укый) Сезнең өчен Алинә шигырь сөйли. Ф. Яруллин “ Төпчек кыз”.
Минем әти шундый әйбәт, Ә мин өйдә кече кыз,
Мине бер дә орышмый. Ягъни мәсәлән төпчек.
Баштан сыйпап кына тора, Ашыкмыйм әле үсәргә,
Бер нинди дә эш кушмый. Ни файда бар соң үсеп?
Телим икән- уйнап керәм, Буем да кечкенә минем,
Телим икән – тик ятам. Хурланмыйм моңа һич тә.
Эшләр өчен чөнки минем Белеп торам: үсеп китсәм
Бар бит әле абыйем. Йөгертәчәкләр эшкә.
Булат башкаруында җыр ”Гармуным”
-Бүгенге бәйрәмебезгә безнең бабайларыбыз, дәү әтиләребез дә килде. Зөһрәнең сочинениесеннән өзек тыңлап китик әле. Сезнең өчен Зөһрә шигырь сөйләр.
Дәү әти. Х.Халиков.
Шамил абый керде дә:
-Әй, кызым, ди – Зөһрә,
Идрис бабаң өйдәме,
Әллә берәр җирдәме?
Ә мин:-Белмим,-дим,-
Бабам юк шул минем дим.
Бабай бит ул карт була,
Чәче кардай ак була,
Булса була өч теше,
Үзе була чит кеше.
Шамил абый көлде дә:
-Алайса,- ди,-Зөһрә,
Әниеңнең әтисе?..
-Әниемнең әтисе?..
Ул дәү әти бит инде,
Шуны белми кит инде.
Н.Айгөл һәм Саша башкаруында җыр “Көләсе килеп тора”
-Әтиләр акчаны эшләп таба, ә менә аны саный белә микән? Әйдәгез “Баш хисапчы” номинация-сендә җиңүчене билгелик. Моның өчен, акча саный-саный сорауларга җавап бирергә кирәк һәм хисапта ялгышмаска кирәк.
- Балагыз ничәнче сыйныфта укый?
- Аңа ничә яшь?
- Туган көне кайчан?
- Сыйныф җитәкчесенең исеме ничек?
- Кызыгызны рәсемнән кем укыта?
- Бүген ничәсе?
- Басмада чәчен тараучы хатын кем? (Су анасы)
- Кәҗә белән дус малайның исеме ничек? (Гали)
- Тубы суга төшкәч , кем елаган ?( Әминә)
-Иң зирәк әтине дә ачыклыйк әле.
1.Кайсы ай календарда юк? (күктәге)
2.Борынгы заман сәгате. ( әтәч)
3.Кемнең сакалын да кырдырырлык акчасы юк? ( кәҗә)
4.Ашлыкны ни өчен чәчәләр? (утыртып булмаганга)
5.Нинди савыттан эчеп булмый? ( буш)
6.Кайчан бернинди тавыш та ишетеп булмый? ( йоклаганда)
7.Бабай 70 яше тулгач нишли? ( 71 гә чыга)
8.Кайсы елда кешеләр күбрәк ашый? (кәбисә елында)
9.Нәрсә өстән аска таба үсә? (чокыр)
10.Кара диңезгә төшкән таш нишли? ( юешләнә)
Укытучы: Шулай шул:әтиләребез уңган да, зирәк тә, тапкыр да безнең. Сезнең өчен җырлый Рәзил Саммасов “Әннәги- геннәги”.
Ф.Айгөл. Татар кызлары биюе.
Укытучы: Бу бәйрәм әле безнең егетләребез бәйрәме дә бит. Әйдәгез, аларны да
котлап китик . Сүзне кызларга бирәбез. Алар җыр башкарырлар
.
Җыр “Минем җырлыйсым килә”
Татар яшьләре биюе. (“Татарстан гөлебез” көенә)
Укытучы: Кадерле балалар!
Әтиләр башлаган юлны
Сезгә дәвам итәргә.
Бар җиһанга үрнәк булып,
Кирәк сезгә үсәргә.
Ялкаулыкны бетерик, төбе-тамыры белән
Үссен сәлат, артсын уңганлык.
Юлдаш булсын һәрбер эшчәнлектә
Оешканлык, дуслык, туганлык.
Шуның белән бәйрәмебезне тәмамлыйбыз. Килүегез өчен сезгә зур рәхмәт.