"Батырлык урыны - Эфганстан"
творческая работа учащихся (4 класс) по теме

                                                                                 Кан коелган күпме, җан бирелгән    

                                                                                 Һәр карышы өчен Ватанның.

                                                                                 Мин сакларга тиеш изге җирне –

                                                                                 Васыяте шул минем атамның.

                                                                                                       Нәби Дәүли                                                                                                                                                                                                                                                                                                                                                                                                                                                                                                                    
    Яхшылык белән яманлык, азатлык белән золым көрәше бер генә дә тынып тормый. Әфган хәлләре дә моңа мисал. Унбишенче февральдә Совет гаскәрләренең Әфганстаннан чыгарылуына егерме биш ел тула...  Анда безнең республикадан җиде меңнән артык сугышчы катнашкан. Хәрби хезмәткә сиксәненче елларда чакырылган егетләрнең күбесенә сынауларның бик ачысын үтәргә туры килә. Бик күпләре инвалид булып кайта. Ә интернациональ бурычын  үтәгәндә һәлак булучылар безнең районда алты. Әфганстан... Күпме кешегә хәсрәт китергән бу сүз. Ул вакытта күпме ишекләрне кайгы җиле шакыган. Әлеге язмам ерак Әфганстан җирендә солдат хезмәтен үтәп кайткан, дәһшәтле көннәрнең шаһиты булып яшәүче әтием хакында.                                                                                                                                                                                                                                                                                                      
       Минем әтием Мусин Айдар Тәкый улы кечкенә генә Түмерҗә авылында 1968 нче елның 11 нче мартында гаиләдә дүртенче бала булып дөньяга килә. Башлангыч белемне Түмерҗә башлангыч мәктәбендә алгач, өч чакрым ераклыктагы Теләкәй мәктәбенә йөреп, урта белемне ала. Мәктәптә укыган елларда мәктәп данын яклап чаңгы ярышларында катнаша, тәнәфесләрдә, кичәләрдә баянда уйный. Мәктәпне тәмамлагач, Актанышта хәрби комиссариат каршында оештырылган шоферлар курсында укып, трактор йөртүче таныклыгы алып, туган колхозында механизатор булып эшли башлый.                                                                                                                                        
       1986 нчы ел. Әфган сугышы бара. Армиягә китәр көн әтиемә дә җитә. Җиң сызганып эшләп, матур уй-хыялларга бирелеп йөргән әтием үзенең хәрби хезмәт юлы кайчан да булса Әфганстан белән бәйләнер дип башына да китерми. Әмма нишлисең, язмышлардан узмыш юк. Армия сафларына алынгач, башта ул өч ай Әзербайдҗанда әзерлек үтә. Ә 1986 нчы елның августында аларны утлы тозакка кертәләр. Шофер буларак, биредә аңа сугыш кырына өзлексез корал ташырга туры килә. Ут-суларны кичеп, куркыныч мизгелләр белән очрашып, иптәшләрен югалту ачысын татыган әтием туган ягына исән-имин әйләнеп кайткач, үзенең исән калуына ышанып та җитә алмаган. Хәзер исә Әфганстан турында сүз кузгаткач, йөзеннән ниндидер күләгә, сагыш чагылып үткәндәй була, башыннан үткәннәрен, йөрәге белән кичергәннәрен хәтерендә кабат яңартасы килми аның.”Андагы без күргәннәрне сезгә күрергә язмасын, сугышлар, кан коешлар башка булмасын иде”, - ди ул. Әйе, аны аңларга була...                                                                                                                                      
       Армиядән кайткач әтиемне язмыш җилләре Теләкәй авылы белән бәйли. Монда ул әнием белән таныша, озак та үтми кавышалар һәм абыем Динар, мин дөньяга килгәнбез. Алар безне тәрбия итеп, гаилә учагы җылысын саклап яшиләр.  Бүгенге көндә әтием колхозда механизатор булып эшли, намуслы хезмәтен куя. Хуҗалыкта да бар эшне дә үзе башкара, куллары алтын аның. Егет кешегә җитмеш төрле һөнәр дә аз дип, безне дә хезмәт күнекмәләренә өйрәтә. Әтием җырга-моңга гашыйк кеше: сыздырып баянда уйный, матур итеп җырлый.  Ул туган якка исән-сау әйләнеп кайтуына шөкер итеп яши. Бүгенге тормышның ямен, кадерен белә.                                                                                                                            
      Абыем, үзе теләп хәрби хезмәткә китеп, Новосибирск шәһәрендә спецназ отрядында үзенең Ватан алдындагы изге бурычын үтәп кайтты. Инде Ватанны саклау чираты миңа да җитеп килә...                                                                                                                                                    
       Мин гомеренең иң матур вакытында намус һәм хәрби бурыч төшенчәсен үзенең тормышыннан да өстенрәк куйган, “Сугыштагы батырлыклары өчен” медале иясе булган кадерле әтием өчен горурлану тойгысы кичерәм.

Регистрационная карта участника

республиканского конкурса

        «Место – подвига Афганистан»

Фамилия, имя, отчество участника: Мусин Алмаз Айдарович

Дата рождения: 21 декабря 2001 года

Домашний адрес: 423749 Республика Татарстан, Актанышский район,

село Старое Тлякеево, улица 60 лет Октября, дом 2

Телефон: 89274810523

E-mail: 0328091016 @ tatar.ru

Учебное заведение: МБОУ «Тлякеевская ООШ Актанышского муниципального района Р Т

Название библиотеки, читателем которой является участник:  «Тлякеевская сельская библиотека»

С правилами проведения конкурса ознакомлен и согласен: ___________________