Оригами юлы белән чыршы уенчыгы ясау.
план-конспект урока по технологии (2 класс) по теме
Оригами юлы белән чыршы уенчыгы ясау.
Скачать:
Вложение | Размер |
---|---|
![]() | 38.5 КБ |
Предварительный просмотр:
Тема: Оригами ысулы белән чыршы уенчыгы ясау.
Максат: - укучыларны чыршы уенчыгы ясарга өйрәтү;
- төгәл кисү, бөкләү күнекмәләрен, иҗади сәләтләрен, фикерләүләрен, танып – белү эшчәнлекләрен үстерү;
- игътибарлылык, мөстәкыйльлек, ярдәмчеллек, дуслык тәрбияләү.
Җиһазлау: чыршы, төсле кәгазь, линейка, кайчы, карандаш.
План:
- Классны оештыру.
- Укучылар, исәнмесез. Кәефләрегез ничек? Сез эшләргә әзерме? Ярар. Без сезнең белән дәрестән соң күп кенә эшләр башкардык. Бүген эшчәнлегебезне дәвам итәбез.
- Тема буенча эш:
- Карагыз әле. Өстәлдә нәрсә бу?
( Чыршы)
- Ул безгә кунакка килгән. Ә ни өчен хуш исле урман чыршысы килмәгән соң?
( Чөнки агачларны кисәргә ярамый.)
- Быел нинди ел дип игълан ителгән иде?
( Табигать һәм экология елы иде.)
- Балалар, чыршыга тагын 1 тапкыр карагыз әле. Ул нинди?
( Ул бик моңсу.)
- Ә ни өчен моңсу соң ул?
( Чөнки аның уенчыклары юк)
- Без бүген нишлибез инде?
( Чыршыны бизибез.)
- Безнең бик матур,күңелле, балалар ярата торган бәйрәм җитә. Ул нинди бәйрәм?
( Яңа ел)
- Дөрес. Без бүген әкренләп Яңа ел бәйрәменә әзерләнә башлыйбыз.
- Эш барышын аңлату.
- Безгә төсле кәгазьләр, кайчы, карандаш,линейка,клей кирәк булачак. Укучылар, бер – берегезгә игътибарлы булыгыз, кайчы белән сак эш итегез. Безнең уенчыгыбыз 8 өлештән торачак. Һәр деталь 5*5 булган квадрат кисәгеннән торачак. Үзегезгә ошаган төсләрне сайлап алыгыз. Һәм 8 квадрат кисәбез. Квадрат нәрсә ул? ( Искә төшереп алу).
- Урталай 2 гә бөклибез, диагонале буенча..
- Ачабыз. Түбәсе үз урынында кала. Ян – яктагы канатларын уртага бөкләп китерәбез.
- Менә шундый халәткә килде безнең фигурабыз. Эшне дәвам итәбез. Кисешкән өлешкә түбәне төшерәбез һәм түбәнге өлешне шушы ноктага китерәбез. Фигураны әйләндерәбез. Бер өлешебез тәмам.
- Безгә нәкъ шундый 8 өлеш ясарга кирәк.
- Физминутка.
-Рәхмәт. Эшебезне дәвам итәбез.
Укучыларның эшләрен күзәтү, ярдәм итү.
- Барыбыз да ясап бетердек. Хәзер 7*7 булган квадрат кисеп алабыз. Шушы яфракчыкларны беркетәбез.
- Башта. Беркетергә уңайлы булсын өчен, үзәк линияне сызып куябыз. Менә бу өлешенә клей буйыйбыз, беркетәбез. Аннан соң, икенчесенең ян – якларын бер – берсенә терәтеп беркетәбез. Шулай итеп эшне дәвам итәбез.
- Эшләнгән эшкә анализ ясау.
- Укучылар, нәрсә килеп чыкты?
( Уенчыклар)
- Сезгә ошадымы?
- Уенчыкларны хәзер нишләтәбез?
( Чыршыга эләбез)
- Менә эшебез тәмам. Хәзер җеп тагабыз һәм чыршыбызга эләбез.
Вакыт калса, чыршы турында җыр җырлап алу.
- Йомгаклау.
- Дәрестән тыш эшчәнлектә катнашуыгыз өчен зур рәхмәт сезгә, балалар.
Татарстан Республикасы
Актаныш муницпаль районы
Иске Җияш башлангыч мәктәбе
Тема: Оригами ысулы белән чыршы
уенчыгы ясау.
(2 – 3 нче сыйныф укучылары белән дәрестән тыш эшчәнлек)
Укытучы: Миргалимова Эльвира Вакифовна.
4 декабрь, 2013 нче ел
По теме: методические разработки, презентации и конспекты
Чыршы бәйрәме.
мероприятие для начальных классов...
![](/sites/default/files/pictures/2013/10/03/picture-71794-1380814946.jpg)
"Чыршы бәйрәме"
Я предлагаю Вам сценарий праздника ёлки. Нашим детям очень понравился праздник по этому сценарию. Думаю Вам тоже понравится....
![](/sites/default/files/pictures/2013/02/17/picture-142586-1361129001.jpg)
Башлангыч класс укучылары өчен чыршы бәйрәме сценарие
Бәйрәмдә Убырлы, почтальон Печкин, куяннар һ.б. геройлар катнаша. Кыш бабай һәм Карчәчәк балаларга төрле уеннар уйната....