"Әлифба" бәйрәме.
план-конспект занятия (1 класс)
Предварительный просмотр:
Төзеде:Әмерханова Галия Галим кызы,
1 нче квалификацион категорияле
башлангыч сыйныф укытучысы
Максат: укуга зур тырышлык куеп, дус-тату яшәсәң генә күп нәрсәләргә ирешеп булуын күрсәтү, безне укырга-язарга өйрәткән “Әлифба” китабын зурлау, әти-әниләргә карата хөрмәт тәрбияләү.
“Рәхмәт сиңа, Әлифба”
Зал бәйрәмчә бизәлә. Күңелле көй ишетелә. Залга 1 сыйныф укучылары чыга.
Жыр “Бәйрәм бүген”
Динара. Күтәренке күңелләр
Бар да көләч, шат бүген
Күктә кояш елмая
Яшерә алмый шатлыгын
Денис. Матур итеп киендек
Бүген бәйрәмгә килдек
Сезне күргәч, кунаклар
Шатландык та, сөендек
.
Гөлшат. Әлифбаны тәмамладык
Без җыелдык бәйрәмгә
Шатлыгыбыз эчкә сыймый
Ничек сезгә сөйләргә?
Укытучы сүзе: Кадерле, укучылар! Сез күптән түгел генә мәктәпкә килдегез. Шушы кыска гына вакыт эчендә күп яңалыклар белән таныштыгыз. Хәзер дөрес итеп укый, матур итеп яза һәм рәсем ясый беләсез. Әлифба сезне күп һөнәрләргә өйрәтте. Ә бүген бергәләп Әлифба белән хушлашу бәйрәменә җыелдык. Сезне мәктәп дигән белем йортындагы беренче җиңүегез - Әлифбаны тәмамлавыгыз белән чын күңелдән котлыйм. Хәрефләр белән танышу, алардан сүзләр төзү җиңел булмады. Әмма сез тырышып белем алдыгыз: укырга, язарга өйрәндегез. Әлифба үзара дус, тату, әдәпле булырга, укучылар өчен кагыйдәләрне үтәргә өйрәтте. Һәрберегезне бу олы бәйрәм белән тәбрик итәм. Балаларның әлифбаны яхшы үзләштерүендә сезнең дә өлешегез зур, әти-әниләр. Хәзер сезнең балаларыгыз чын мәгънәсендә укучылар булдылар.
(Кыңгырау тавышы ишетелә. Залга күңелсез генә Әлифба китабы керә.)
Укытучы –Карагыз әле, бәйрәмгә кунак килә.
Әлифба китабы. – Исәнмесез, балалар!
2 нче укучы. – Исәнме, китап дус!
3 нче укучы. –Син ни өчен күңелсез?
Әлифба китабы. - Ә мин исемемне югалттым, озак эзләдем, таба алмадым.
Укучылар. –Кайгырма, китап дус. Әйдә, без сиңа булышабыз, бергәләп
эзлибез.
Әлифба китабы . –Рәхмәт, дуслар! (Чыгып китәләр.Сәхнәгә хәрефләр чыга)
-Карагыз, дусларым, монда нинди матур!
-Карагыз әле, балалар да җыелган.
“ Ә “ хәрефе. Ә мине таныйсызмы?
Алина “Әни” дип телем ачылган
Әни сөйгән, назлаган
Кайсыгыз соң дәфтәренә
“Ә” хәрефен язмаган.
“Л” хәрефе. Ә мине беләсезме?
Азамат Күзләремнән яшьләр чыкты
Капкан идем лимонны
Сары булгач бик тәмле дип
Белгән идем мин аны.
“И” хәрефе -Исәнмесез! Мин... мин...
Айваз Мин “И” хәрефе
Бар ул “ил” һәм “ирек”тә.
“И” хәрефе икелегә
Укымаска өйрәтә.
“Ф” хәрефе -Уф, уф! Мин дә килдем бәйрәмгә
Айнур Фил бүрәнә ташып йөри
Кара урман эчендә
Һаман тора күз алдымда
Күрсәм дә тик төшемдә.
“Б” хәрефе Бүген бәйрәм бит безнең
Динара Бар балалар да белсен
“Б” дан башка бәйрәм булмый
Барысы да күреп китсен
“А” хәрефе -Сез мине таныйсызмы?
Денис “А” хәрефе алмада
“А” хәрефе агачта
“А” хәрефен яратабыз
Өйрәнәбез иң башта.
БАРЫСЫ БЕРГӘ
Һәммәбезнең үз урыны,
Барыбыз да кирәкле.
Безне ӘЛИФБА китабы
Дус булырга өйрәтте.
(Әлифба йөгереп чыга)
Әлифба -Менә бит минем исемем! Исемемне таптым! Нинди шатлык! Әйдәгез, бергәләп җырлыйбыз.
(“Өйрәтәләр мәктәпләрдә”җырын җырлыйлар. М.Пляцковский сүзләре, В.Шаинский көе, Р.Гыйлемханов тәрҗемәсе.) (Ашыгып Шәвәли керә)
Шәвәли -Мин ялгышмадыммы? Мин Үтәк мәктәбенә “Әлифба” бәйрәменә ашыга идем.
Укытучы -Нәкъ бәйрәмнең үзенә килеп кердең.Әйдә, Шәвәли түрдән уз.
Шәвәли Мин- Шәвәли.
Шук малай
Үткен малай
Ут малай
Мин бик уңган
Өлгер мин
Бик тапкыр мин
Җыйнак мин
Мин, мин
Мин бик тыйнак мин
Укытучы - Ә хәзер тапкырлыгыңны да тикшереп карыйк әле. Укучылар, әйдәгез, Шәвәлигә табышмак әйтеп карыйк әле.Шәвәли җавабын табар микән?
Күрешергә кулы юк
Сөйләшергә теле юк
Аның белән күрешмәгән
Киңәшмәгән кеше юк.
Шәвәли - Укучылар, ә сез беләсезме?
Укучылар Әйе
Шәвәли -Әйтегез әле, бу нәрсә?
Укучылар -Китап
Шәвәли -Дөрес. Ә хәзер минең сорауларга жавап биреп карагыз әле дуслар.
- Татар алфавитында ничә хәреф?(39)
- Сузык аваз хәрефләре ничә?(АӘОӨУҮЫИЭЕУЮЯ)13
- Тартык аваз хәрефләре ничә? (24)
- Тавышсыз хәрефләр ничә?(2)
- Әфарин,дуслар! Бик күп беләсез икән.
- Әлифба китабын соңгы тапкыр укып та ишеттерсәгез мин бик шат булыр идем дуслар.
- Әфарин,дуслар!
Алина Әлифба,Әлифба
Китәсең бит инде
Җыр итеп җырлыйбыз
Иң соңгы битеңне
Барысы бергә Рәхмәт, Әлифба
Сиңа зур рәхмәт.
(Укучылар “Әлифба” җырын башкара.)
Әлифба Нәни дусларым
Рәхмәт сзгә дә
Әлифбаны нык
Үзләштергәнгә
Нәни дусларым
Шуны белегез
Фәкать Әлифба-
Белемгә нигез.
Ә хәзер мин китәмен, нәни дусларым!Миңа алмашка “Татар теле” килер.”Татар телен” дә тырышып өйрәнегез. Уңышлар сезгә, дуслар! Сау булыгыз!
Укучылар Сау бул, Әлифба!
Бию
Шакылдау(Почтальон керә)
Почтальон Исәнмесез!Телеграмма сезгә, телеграмма .Табышмакларга җавап бирмичә, телеграмманы бирмим.Килештекме?
Укучылар Килештек.
Почтальон 1. Үзем дә ап-ак
Эзем дә ап-ак
Белем бирәм дип
Сызылам кат-кат (акбур)
2. Баш хәрефтән башлана ул
Озын я кыска була
Шуны хөрмәт иткән кеше
Телгә бик оста була. (җөмлә)
3. Яратмаса да алалар
Аны кайбер балалар. (“2” ле билгесе)
Бик яхшы. Барысын да белдегез. Телеграмманы укыйм. (Иҗекләп укый)
“Тиз- дән ки- леп җи-тәм. Та-тар те-ле.”
- Әнә үзе дә килә.( Залга “Татар теле” китабы керә)
“Татар теле” китабы. “Бүгеннән без фән иленә бергә барырбыз
Бик күп укысак, күпне белербез”
Азамат Дөньяда иң-иң матур ил
Ул минем туган илем.
Дөньяда иң-иң матур тел
Ул минем туган телем!
Гөлшат Туган тел- иң татлы тел
Туган тел- иң тәмле тел.
Тәмле дип телең йотма
Туган телне онытма!
Айваз Әле күп укымасак та
“Туган телне” беләбез
Бу Тукай абый бүләге.
Кадерле җыр диябез.
(Бәйрәм “Туган тел” җырын җырлап тәмамлана.)