"Әлифба" бәйрәме
методическая разработка (1 класс)

Әлифба бәйрәме

Зал бәйрәмчә бизәлгән. Түрдә плакат:   “Рәхмәт, сиңа, Әлифба!” Язмада “Әлифба” җыры яңгырый. Музыка астында  балалар тезелеп чыга.

“ Өйрәтәләр мәктәпләрдә” җыры белән балалар тезелеп җырлый башлыйлар

Укытучы:  Хәерле көн, хөрмәтле кунаклар, кадерле укучыларым!                                                                                                                  Күчкәнме бу залга дөньяның бар яме?

Күңелләр түрендә – Әлифба бәйрәме!

Бу матур бәйрәмгә  кушыл, дус, әйдәле,

Дөньяны гөрләтсен Әлифба бәйрәме!

Әйе, бүген бездә зур бәйрәм - Әлифба бәйрәме. Әле яңа гына мәктәп ишеген ачып кергән укучыларыбыз бүген беренче җиңүләрен бәйрәм итәләр. Әйе, балалар, сезгә хәрефләрне тану, алардан иҗекләр, сүзләр төзү җиңел булмады. Әмма сез югалып калмадыгыз, тырыштыгыз.Чын күңелдән котлыйм сезне, укучыларым!  

        Кыңгырау : Кадерле дуслар! Мин сезне иң беренче дәрескә дәштем.

Ул матур иртәдә сез минем яңгыравык тавышымны йотылып тыңладыгыз. Аннары, укытучы апагызга ияреп, якты класска кердегез. Дөрес утырырга, китап- дәфтәрләрне ничек куярга өйрәндегез. Белем иленә сәяхәт әлифбадан башланды.

Укучы:  Тышта

                Без җыелдык бәйрәмгә.

                 Безнең шатлык эчкә сыймый

                 Сезгә ничек сөйләргә?

Укучы:  Яфрак яуган көзге көндә

                Тыйнак үттек класска.

                Әлифбаны кулга алдык            

                Әй, сөендек шул чакта!

Укучы:  Бүген бездә зур тантана

                Моңсу да ул, ямьле дә,

                Әлифбабыз китә бездән-

                Бу көн калыр хәтердә!

Укытучы: Әлифба – баланың беренче уку китабы . Мәктәп бусагасын атлап кергәч тә ул туган телебез хәзинәсен шушы китап ярдәмендә өйрәнә башлый . Әлифба сүзен төзеп күрсәтик әле :

Ә    Әни диеп телем ачылган                                                Л     Күзләремнән яшьләр чыкты ,

       Әни сөйгән, назлаган    .                                                Капкан идем лимонны .

      Кайсыбыз соң дәфтәренә                                              Сары булгач , бик тәмле дип

      Ә хәрефен язмаган.                                                          Белгән идем мин аны .

И   И хәрефе ипидә бар ,                                              Ф    Ябалакның зур күзләре

      Бар ул ил һәм иректә .                                                    Ялтырый караңгыда.

      И хәрефе икелегә                                                            Ф хәрефенә бик охшаган

      Укымаска өйрәтә .                                                           Туп – туры караганда .

Б    Бәр барабан , уйна быргы ,                                     А      А хәрефе алмада

      Бар кешеләр ишетсен .                                                     А хәрефе агачта.

      Б дан башка бәйрәм югын                                                А хәрефен яратабыз

      Барчасы күреп китсен .                                                     Өйрәнәбез иң башта .

Күч безнең күңелгә

Җыр яме, җир яме.

Рәхим ит, түрдән уз,

Әлифба бәйрәме.

(Әлифба булып киенгән укучы  керә)

Әлифба .Мин – Әлифба, таныйсызмы?

                Танымыйм дип тормыйсызмы?

                Юктыр, юктыр, ышанам,

                Сезне күреп шатланам.

                Исемдә һәркайсыгызның

                Күңелле йөзләрегез.

                “Яхшы”, - дигәч укытучыгыз,

                Елмайды күзләрегез.

                Хәзер инде зур кешеләр –

                Укучылар булдыгыз.

                Төрле-төрле китапларны

                Бик яратап укырсыз.

Укучы:  Әлифба,  әлифба,

               Беренче битеңне

               Ачкан көн хәтердә

               Зур бәйрәм шикелле.

Укучы:  Иң  якын дустыбыз

                 Булдың син гел безнең.

                 Һәр хәреф, елмаеп,

                 Әйтте үз исемен.

Укучы:   Һәм алар бик матур

                 Сүзләргә әйләнде,

                 Сүз төзеп укуы

                 Кызыклы, күңелле.

Бергә: Рәхмәт, сиңа әлифбам,

            Хәзер мин укый беләм

 Укучы:  Өйрәттең син безгә

                  Ватанны сөяргә.

                  Рөхсәт ит, зур рәхмәт,

                  Мең рәхмәт дияргә!

Укучы:   39 хәреф белән

             Таныштык без тиз генә.

              Олы ярдәмчең булдың син

              Рәхмәт инде Әлифба!

БЕРГӘ :      Әлифба , әлифба

                         Китәсең бит инде

                        Җыр итеп җырлыйбыз

                        Иң соңгы битеңне.      

Җыр “Әлифба”

Әлифба:  Нәни дусларым, рәхмәт сезгә дә

                  Әлифбаны нык үзләштергәнгә.

                  Белем сараен ачып керергә

                  Сезнең кулларда хәзер бар ачкыч.

                  Һәрбер укучы бик күп укысын!

                  Китап-иң якын дустыгыз булсын!

                  Миңа хәзер алмашка

Әдәби уку килер

Дуслашыгыз аның белән

Ул күп итеп белем бирер.

(“Әдәби уку” һәм Татар теле  китаплары  булып киенгән укучылар керәләр.)

 “Әдәби уку “:  Мин әдәби уку китабы булам.

 Татар теле:     Мин татар теле булам.

“Әдәби уку “:   Мине укып сөйләрсең.

 Татар теле:      Мине язып көйләрсең.          

“Әдәби уку “:   Бик күп юллар үтәрсең.

 Татар теле:     Хыялыңа җитәрсең.

 “Әдәби уку”  

 Саумысез, сөекле, иң якын дусларым!                     .

 Тырышып укучы кызларым, улларым!

Көттем мин бергәләп укыр көн җиткәнен.

Мин әле өр-яңа, бер тапсыз битләрем.

Килдем мин никадәр

Җыр, шигырь, хикәя, мәкальләр күтәреп.

Май ае беткәнче укырга җитәрлек.

Тап кына җавабын, табышмак ничаклы!

Тик менә үтенеч – таплама китапны!

Барысы бергә:

Әдәби уку китабы,

Боларны без беләбез.

Өйрәндек күп нәрсә,

Әлифба белән без.

Әлифба:        Кадерле балалар,

                         Мин китәм, хушыгыз!

                          Бәхетле булыгыз,

                          Гел бишкә укыгыз!

Укучылар:   Рәхмәт сиңа, Әлифба!

                       Хуш, хуш, Әлифба!    

                       Хушлашабыз синең белән,

                       Сау бул, сау бул, Әлифба!

.

Кыңгырау:   Килеп җитте тәнәфес,

                        Көтеп алган тәнәфес,

                        Биеп калыйк, җырлап калыйк,

                        Уйнап калыйк, әйдәгез!

Бию или җыр

Хөрмәтле әти-әниләр! Сез балаларыгыз белән һәркөнне шушы китапны кулыгызга алдыгыз.Балаларыгыз белән бергә сөендегез,көендегез,бергә тырыштыгыз. Аларның укырга-язарга өйрәнүләре-сезнең дә зур хезмәтегезнең җимеше. Әлифба бәйрәме сезнең өчен дә зур тантана ул. Балаларыгызның ирешкән уңышларында сезнең дә өлешегез зур! Әлбәттә, сездән башка, бу кадәр эшне башкарып чыга алмас идек. Рәхмәт барысы өчен дә! Бәйрәмегез котлы булсын!

Менә хәзер мин сезнең тапкырлыгыгызны һәм зирәклегегезне тикшереп карыйм. Минем сорауларыма җавап биреп карагыз әле.

Нинди аваздан сүз башланмый?(ң)

• Тавышсыз хәрефләр (ь, ъ)
• Куян кем яки нәрсә белән ярыша?
• Болында кем җырлый-җырлый җиләк җыя? (Наҗия)

Җырлый-җырлый Наҗия

Болында җиләк җыя.

• Ч хәрефе битендә нинди рәсемнәр бар? (чуртан, чиләк, чәчәк, чана, чаңгы, чеби)

Укытучы. Әниләрнең дә безнең белән Әлифба китабын укулары күренеп тора. Тагын бер кат бәйрәмебез котлы булсын!

          Сезгә зур рәхмәтебезне                      

           Җиткерәбез Һәммәбез                    

           Олы ярдәмегез өчен                                          

           Башыбызны иябез.                      .

1.  Сезнең алда сүз бирәбез                       2. Мәктәп юлы якты юл

     Ялкауланмаска.                                          Зур уңышларга илтә.

     Артта калмаска.                                          Укырбыз , өйрәнербез

    Тырыш булырга                                           Сынатмабыз без һич тә.

     “5” кә укырга.

Укытучы: Балалар ! Менә без сезнең белән бергәләп Әлифбаны тәмамладык, минем сезгә теләкләрем бар.

Өйрәтте сезне Әлифба

Туган илне сөяргә

Биергә дә , җырларга

Дус һәм тату яшәргә.

Әлифбадан башлап киттегез

Юлны белем иленә

Зур белемле булып үсеп

Кеше булыгыз сез илегездә.

1 укучы: Кадерле укытучыларыбыз! Әти-әниләребез!
2 укучы: Сезнең алда вәгъдә бирәбез!
3 укучы: Тырышып укырга
4 укучы: Ялкауланмаска,
5 укучы: Артка калмаска!
6 укучы: “2” ле алмаска!
7 укучы: Сәламәт булырга.
Барысы бергә: Әйдәп барырга, “5” кә укырга. 

Укытучы. Кадерле укучылар! Сезгә белем үрләрен яулаганда күп тырышлыклар, түземлекләр кирәк булыр. Мин сезгә уңышлар телим.

(Укучыларны әти-әниләр, мәктәп дирекциясе котлый).