Баштайгы демдек байырлалы.
классный час (2 класс) на тему

Баштайгы демдек байырлалы

    Сорулгазы: Уругларны өѳредилгеге сонуургалын бедидер. Кол-ла чүве ѳөредилге, ооң туңнелин демдек-биле үнелээр деп чүвени билиндирер. Чугаа домаан сайзырадыр.

Дерилгези: Чагаа, карточкалар, дептерчигештер, баштайгы демдек табели, улегер домактар, «Кызыл бөртчугеш»

1. Организастыг кезээ.

Эргим уруглар. 2-ги классчылар. Бижип, номчуп билир бис бе?

  – Бижип, номчуп билир кылдыр,

     Бистер шупту ѳөренген бис.

 – Кыдыраажын, номчуур номун

    Кымнар эки эдилээнил?

 – Бистер-дыр бис, 2-ги классчылар.

 – Эге баштай демдек алыр

   Эреспейлер кымнар ирги?

 – Бистер-дыр бис, 2-ги классчылар.

Шулук. Э.Кечил-оол «Хөглүг чаштар»

 Хүлүмзүрүү арыннарда

Хүннээректкеп ойнап чоруур.

Аңгылашпас-башкалашпас

Амыдырал чечектери

Кымнарыл ол? – Бистер-дыр бис, бичии чаштар.

Аас-кежик чаалап берген

Ада-өгбе ачызында

Оолдуң кыстың эртем чедер

Оруу ажык хостуг чоргаар

Чалгынныг бооп ужуп чоруур

Чакпалыг бооп эштип чоруур

Улуг чаагай чуртувустың

Уруглары ындыг чолдуг.

2. Класс шагынын сорулгазы-биле таныжылга.

 – Уруглар, бөгүн бис баштайгы демдек байырлалын эртирип турар бис. Ынчангаш эртемнерде билииңерни үнелээр демдектер-биле таныжып көрээлиңер.

«5» деп демдек кирип келир.

Кончуг эки өөренир

Уругларга ынаам кончуг

Ынчангаштың уругларның

Ынак демдээ апарган мен.

«4» деп демдек

Ѳөренири эки болгаш

Кызымаккай уругларга

Башкы бо-ла сала кааптар

«5»-ден черле чыда калбас

«4» деп демдек бо=ла-дыр мен.

«3» демдек

Башкы берген онаалганы

Чедир эки өөренмээнде

Билир-даа бол сымыранып

Чугааланыр уругларга

Мени бо-ла сала кааптар.

«2» демдек

Чалгаа багай уругларга

Ынаам черле кедергей ийин.

Онаалгазын кылбас болза,

аспактапкаш салбайн баар мен.

Кымнар мени танып каапты,

Дыка дурген адаптыңар.

Класс журналы-биле таныжылга.

    Эртемнерде хүн бүрүде ап турар бо демдектерни улуг дептержигешке – класс журналынга салыр.

    Журнал – күрүне докумендизи, силерниң алган демдектериңерни хүн бүрүде башкы журналга салыр. Оон силерниң алган билииңерни үнелеп көөр. Ынчангаш эки демдектер алыр дээш кызып өөренир силер, уруглар.

Бөгүнгү класс шагын тускай кылдыр эрттирер бис. Эки харыы дээш баштайгы демдектерни салыр мен. Ынчангаш ада-иелер, келген аалчылар база мен эки демдектер алырыңарны күзеп тур бис.Кызымак, кичээнгейлиг, чурумнуг болур болзуңарза силерниң өөренириңер эки болгаш ажылыңар чедиишкинниг болур. А ада-иеңер силерниң чедиишкиннериңерге өөруп, чоргаарланып чоруурлар.

Класс шагын солун болзун дээш бөгүн классче силерниңада-иелериңерни болгаш билииңерни унелеп, меңээ дузалажыры-биле башкыларны чалап алдым. Силерге чедиишкиннерни күзедим, уруглар.

3. Номчулга хыналдазы.

Үжүктер-даа шүүтүг-ле

Үр-ле номчуп өөрендивис.

Угаан-биле бодап алгаш,

Улай-улай чыскааптарга,

Үжүктер-даа сөстер болуп

Үн чок-даа бол, чугаалай бээр.

  – Чүге шылгалда болур-дыр, уруглар?

 – Шын-дыр, эр-хейлер, номчуурунга шылгалданы кылыр бис. (карточкалардан, боттарының кылып алган дептерчигештринден, таблицадан сөзүглелдерни, шүлүктерни номчуур.

4. Сула шимчээшкиннер.
5. Бижиириңерни хынап көрээлиңер

 – демин чаа-ла коңга эдипкенде, меңээ почтальон чагаа эккеп берди. Чагаада чүнү бижип каанын номчуп көрээлиңерем, уруглар, Кым меңээ дузалажырыл?

Кайнаар: Адыр-Кежиг школазынче

Кымга: 2-ги классчыларга

Кайыын: Арга-арыг школазындан.

Кымдан: Мерген угаанныг Үгүден.

 – Чагаада чүү деп бижээн эвес, номчуп көрээлиңер.

    «Эргим, уруглар!. Арга-арыг школазында аңнар-куштар силерниң кайы-хире бижиириңерни сонуургап турар-дыр. Бистиң бо чоруткан домактарывысты бижээш, түңнелин бисче чорударыңарны дилеп тур бис.

    Арга-арыг школазының 2-ги клазының башкызы Мерген угаанныг Үгүден.

Арга-арыг – бистиң байлаавыс. Ында үнелиг чүүлдер хөй. Ону камнаңар, уруглар.

 – Ам мээң дузалакчыларым диктантыны хынап турда, бис тывызыктардан тываалыңар.

  (тывызыктар тып турарлар)

6. Математика кичээли

     – Сан кичээлдээр үевис келди.

        Санаашкын кижиниң амыдыралында кол черни ээлеп турар. Санаашкын чокта             сайгылгаан-даа кыппас, ракета-даа ушуп үнүп шыдавас, чагаа-даа адрезин тыппас, чаштып ойнап безин шыдавас бис. Сандан санап көрээлиңер.

   «Үш чүүл эртемниг оол» деп тыва улустуң тоолунда Ѳскүс-оол кандыг эртемнерге өөренип алырыл?

         – Шын-дыр, эр-хейлер! Сан санап база өөренип алыр. Ѳскүс-оол чижектер бодаан.

     Шупту чижектерни бодаптарга, башкы «5» деп демдекти салган. Ам силер бодаптыңар,  

      уруглар.

                     10-3                       30-1                   42+5

                     27+1                      12-5                   30+32

                     5+6                        20+50                15-4

 – Ам баштаек бодалгалардан бодаалыңар.

 – Ада-иелерге баштак бодалгалар.

    Шынаага кезек дөргүн теректер баштарынга тааннар хонупкан. Бир терекке-ле ийи-ийи тааннар олурарага бир терек артып каар. А бир терекке-ле бир-бир таан олурарга, бир таанның олурар терээ чок апаар. Шупту каш теректер база чеже тааннар-дыр.

7. Класс шагының түңнели.

Класс шагындан чүнү билип адынар.

Баштайгы демдектиң табелин өөреникчи бүрүзүнге тыпсыр.

Башкылар болгаш ада-иелер уругларга баштайгы демдек алганы дээш байыр чедирип сөс чугаалаар.

«Чаштар-дыр бис» деп ырыны күүседир.