"Көзге уңыш"бәйрәме
материал (1 класс) по теме

“Көзге уңыш”  бәйрәме

Алып баручы: Хөрмәтле әти-әниләр,килгән кунаклар,укучылар!Без сезнең барыгызны да  бәйрәм белән тәбрик итәбез.

 Көз  бераз моңсу булса да аны һәркем үзенчә ярата.Көз-мул уңыш чоры.Борын -борыннан безнең бабаларыбыз уңыш бәйрәмен зурлап үткәргәннәр. Бүген бездә дә зур бәйрәм- уңыш бәйрәме!  

Хәзер сүз укучыларга бирелә.

1укучы: Һәр җирдә сары яфраклар,

               Көз килүнең билгесе.

               Сары яфрак –көз чибәрнең

               Төшеп калган көзгесе.

               Көннәр инде салкынайды,

               Кышлар бераз якынайды.

               Тирә-як гел сары төстә,

               Әллә соң бу алтын аймы?

2укучы:Көз килде.Үләннәр

               Саргайды,шиңде.

               Сап-сары яфраклар

               Җиргә сибелде.

                    Җыр “Яфрак бәйрәме” 

Р. Еникеева музыкасы, Л. Лерон сүзләре

Яңгыр түгел, кар да түгел,

Яфраклар ява җиргә.

Көз турында җырлыйм әле

- Кушыл син яңа җырга.

Кушымта:

Сары, сары, сап-сары

Агачның яфраклары.

Җил исә, ява яфрак

- Көзнең матур чаклары

Оча яфрак, уйный яфрак,

Һаваларда әйләнеп.

Бүген, бүген, бүген, бүген

Яфракларның бәйрәме!

Кушымта.

3укучы: Миләшләргә уралып,

               Энҗе бөртек коела.  

               Кызыл чуклы күлмәге

               Тамчыларда коена.

               Миләшләрнең яфракларын

               Җилләр уйнап куалар.

               Әйләнгәләп  уйнап аргач,

               Алар җиргә куналар.

4укучы: Алтын көзнең бүләген

               Рәхмәт әйтеп алабыз.

               Гөлбакчабыз көзге ямьнән

               Балкып тора карагыз!

5укучы:Бир,кулыңны,бас уртага,

               Безнең белән биергә.

               Җыелышты нәни дуслар

               Алтын көзне күрергә.

Бию “Яфраклар”

6укучы: Үтте,китте матур җәйләр,

                Көзләр килеп җиттеләр.

                Ак каенның яфраклары

                Саргаешып киптеләр.

                Сандугачлар,карлыгачлар

                Очып китте еракка.

                Торналар да ялга китте.

                 Җылы якка,көньякка.

Укучы алып баручыга: Апа,апа! Шыбыр,шыбыр

                                         Артыбыздан кем дәшә?

Алып баручы: Беркем дәшми.Көзге яңгыр

                          Зонтик белән сөйләшә.

Җыр “Небо в тучах”

Небо в тучах, небо в тучах
Тополя роняют снег
Мне так грустно
Мне так скучно
Потому что солнца нет

Дождик бьёт, стучит по тротуарам
Он не хочет перестать
Но он старается даром, даром
Солнце выйдет опять

И не буду я прятаться под крышей
Пусть поливает, пусть
Пусть он видит, пусть он слышит
Что его я не боюсь

Верю я, верю, скроются тучи
Вновь услышим птичий гам
Нету лучше, нету лучше
Если солнце светит нам

7укучы: Көз килде дә,бөтен җирне

                Сары төскә буяды.

                Яшелгә дә буяр иде,

                 Юктыр ахры буявы.

8укучы:Салкын җилләр исә,

                Тәрәзәгә чиртә.

                Сап-сары яфраклар

                Очып җиргә төшә.

Алып баручы:Бүген бездә бәйрәм,ә бөйрәм кунаксыз булмый.Балалар,карыйк әле,безгә кем кунакка килә икән?

(Вальс көенә Көз керә.Кулында җиләк-җимеш,яшелчәләр салынган кәрзин)

Көз:Исәнмесез,дусларым! Исәнмесез,кунаклар!Сезне бәйрәм белән котлыйм!

Балалар:Исәнме,Көз! Әйдә,түрдән уз,рәхим ит.

Көз: Гөлбакчага алып килдем,

         Миләшемнең җырларын

         Тәкыялар бүләк итәм

         Сезгә нәни дусларым.

         Алтын яфрак кулларымда

         Минем сезгә бүләгем.

         Кызыл миләш белән чиккән

         Минем сары күлмәгем.

Уен “Кйз белән балалар җыры” (Көз,көз әйт әле...)

(Көз кәрзиненнән яшелчә һәм җиләк-җимеш  ясалган башлыклар алып балаларга кидерә)

1укучы:Яшелчәләр  арасында            

                Иң тәмлесе мин- кыяр.

                Җәй буена ашап туйгач,    

                Калганын тозлап куяр.

2укучы:Яшелчәләр арасында  

                Мин дә үсәм бит туган.

                Ашны тәмләндерим,дисәң,

                Күбрәк утырт суган.

3укучы:Яшелчәләр арасында

                Иң әчесе мин –борыч.

                Борычны базарда сатып

                Акча алырсың бер уч.

4укучы:Мин-чөгендер-кешеләргә

                Бик күп файда китерәм.

                Кешедәге авыруларны

                Вакытында бетерәм.

Бию “Барбарики”

 Көз поднос белән ипи ала һәм уртага баса.

А.б.:Әйе,көзнең иң зур байлыгы-икмәк.

         “Ипи,тоз-якты йөз”,- ди халык.

Җыр “Чайкала иген кырлары”

Чайкала иген кырлары,
Уяна таң нурлары;
Киңлекләргә алып бара
Безнең басу юллары.

Игенченең уңганлыгы,
Игенченең хезмәт яме,
Игенченең тырышлыгы
Кырларыннан күренә.

Бер офыктан бер офыкка
Җәелгән иген кыры.
Иртәдән кичләргә кадәр
Яңгырый хезмәт җыры.
Кушымта
Без барасы юллар якты,
Безнең юллар үр менә.
Бу кырларда җигүле ат
Дугасыннан күмелә.
Кушымта

 5укучы: Ипи басуда үсә,

                 Аннан амбарга күчә.

                 Аннары мичтә пешә,

                 Кызарып мичтән төшә.

                 Шуннан килә өстәлгә,

                 Безгә куәт өстәргә    

                 Ипи булса табында,

                 Булдырам мин барсын да.

 Көз балаларга ипидән һәм алып килгән күчтәнәчләреннән авыз иттерә,саубуллаша.Теләкләр тели.

Җыр “Икмәк кадере”