Сценарий "Веселая перемена"
методическая разработка (1 класс) по теме

Күңелле тәнәфес  

(Балаларның тәнәфесен күңелле һәм файдалы үткәрү чарасы)

Дәрестән чыгарга кыңгырау чылтырый. Класслардан, музыка астында, Р.Миңнуллин сүзләренә язылган “Күңлле тәнәфес” җыры белән укучылар чыга. Бию хәрәкәтләре ясап, түгәрәккә тезеләләр. Куллар өстә, як-якка хәрәкәтләндереп, бии-бии җырны дәвам итәләр.

                            Чылтырый кыңгырау

Дәрестән чыгарга.

Кыңгырау-тәнәфес

Яратучыларга.

Басыйк та бергәрәк,

Тән языйк бергәләп:

Бер, ике, өч ...

Көчәйсен безнең көч!

Тик тормау - безнең эш.

Яшәсен күңелле

Тәнәфес!    

Җырдан соң 1 укучы уенга чакыра:

• Кулъяулыгым алам да

Синең учыңа салам.

Матур көй тукталган чагында

Авызың ачып калма.

Түгәрәк буйлап, бию көе уңаена,  ике яклап кулъяулык салыш бара. Көй туктагач, кулъяулык кемдә кала – шулар уртага чыгып,  5 минут бииләр, калганнар түгәрәктә биеп торалар.

Икенче укучы “ Капкалы” уенына чакыра:

• Җитәкләшеп парлашыйк та

Без “Капкалы” га басыйк.

Ачык авыз булмас өчен

Бар көчебезгә чабыйк.

( Музыка астында 5 минут дәвамында уйнала)

Җырның 2 куплеты дәрескә чакыра. Кыңгырау чылтырый тора, укучылар җырлый-җырлый классларга таралалар.

Көч кирәк укырга,

Көч кирәк һәр эшкә.

Чылтырый кыңгырау-

Монысы ... дәрескә.

Ял итеп алдык без,

Сизми дә калдык без-

Ял тәмам ич!

Башлар-саф, тәндә-көч!

Бездәдер һәммә көч!

Яшәсен күңелле

Тәнәфес!

                (Хәрәкәтле уеннар өстәргә мөмкин)