Чыгарылыш кичәсе ( 4 класс)
материал (4 класс) по теме

Әтнә районы Күңгәр урта мәктәбе

Чыгарылыш кичәсе

(Башлангыч сыйныфлар белән саубуллашу)

Югары категорияле башлангыч сыйныф укытучысы Фатыйхова Фәридә Харисовна

Талгын гына музыка уйный. Укучылар һәм әти –әниләр сыйныф бүлмәсенә үтәләр.Тактада “Сау бул, башлангычым – гүзәл мизгелем!”,“Сезгә бәйрәм бүләк итәбез!”, “Чыгарылыш кичәсе “ дигән плакатлар.

  Укытучы: Кадерле укучыларым, әти-әниләр, кунаклар!бүген безнең мәктәптә бәйрәм- чыгарылыш кичәсе. 9 укучыбыз мәктәбебебезнең беренче баскычы – башлангыч  сыйныфларны тәмамлады. Алар фәннәрне дә уңышлы үзләштерде. Без моңа бик шат.

  Кадерле укучыларым, хәтерлисезме, әле кайчан гына мин сезне беренче сыйныфка кабул итеп алган идем. Нәни генә  малайлар , кызлар идегез. Өлкән класслардан сезнең янга мин курка –курка гына күчтем. Минем алдымда күп төрле сораулар иде. Шушы сабыйларның йөрәген яулый алырмынмы, әти- әниләрнең ышанычын аклармынмы?. Сез минем бар өметемне акладыгыз. Тиз арада минем иң якын дусла-рым һәм ярдәмчеләремә әйләндегез.Әмма  4 ел бик тиз үтеп китте. Сезнең белән аерылышыр вакытлар да җитте. Әйдәгез әле сүзне сезгә бирик. 4 ел элек булган хәлләрне, беренче сыйныфка килгән көннәрне бергәләшеп искә алыйк.

Сөмбел: Чәчәкләр тотып кулга,

Без чыктык матур юлга.

Һәркем белә әлбәттә,

Без барабыз мәктәпкә.

Айгөл: Хәтереңдәме, дустым,

Алтын яфрак яуган

Кояшлы көзге иртә.

Әниләр кулына тотынып

Мәктәпкә килдек икәү.

Разил: Хәтеремдә курка-курка

Классыма килеп кергәнем.

Хәтеремдә шулчак укытучымның

Якты йөзен тәүге күргәнем.

Җыр “Укытучым”

1. Балачагым дөньясына

Ап-ак канатлар җилкеп

Килеп керче , укытучым

Алга юл салыйм диеп.

    Куш: Атлар тагын да атласын

             Дилбегәләр нык булсын

             Без керәсе таң дөньясы

             Үзенә тартып торсын.(3 т.)

2. Укытучым күңелең тыныч

Җылы гына булсын һәрчак.

Игътибарга , назлылыккак

    Мохтаҗ бит ул балачак.

3. Парадларда очкан чакта

Серле фән дөньясына

Укытучым бик яратып

Карасын бала сиңа.( 3)

Рафиль: Шулкадәр ягымлы,

Тансык бу нинди тавыш?

Яле, яле әйтеп кара

Уйлап тап инде тырыш.

Белмисезме ?Көмеш тавыш – Ул кыңгырау тавышы.

Утырып тәмам туйгач

Шуннан яхшы бармы бармы соң?

Ландыш: Дәрес беткәнен белдереп,

Чыңлавын кыңгырауның

Тиз ишетеп алабыз,

Шундук чыгып чабабыз.

Тик дәрескә керергә дип

Чакырганда кыңгырау,

Бик ишетеп бетермибез,

Шуңа күрә еш кына

 Соңга калып керәбез.

Кыңгырау керә.

Кыңгырау - Алия: Кадерле дуслар! Мин сезне иң беренче дәрескә дәштем. Ул матур иртәдә минем яңгыравык тавышымны сез йотылып тыңладыгыз. Аннары укытучы апагызга ияреп чиста, якты класска кердегез.

Җыр : “Өйрәтәләр мәктәпләрдә”.

В. Шаинский муз. , сүзләре – тәрҗемә.

Каләм тотып кулларга

Хәрефләрне язарга

Өйрәтәләр мәктәпләрдә.(2)

Тапкырларга, бүләргә

Нәниләрне сөяргә

Өйрәтәләр мәктәпләрдә.(2)

5 кә 5 не кушарга

Хәрефтән сүз язарга

Өйрәтәләр мәктәпләрдә.(2)

Белер өчен бик күпне

Яратырга китапны

Өйрәтәләр мәктәпләрдә (2).

Таңнар ничек атканын

Кояш ничек батканын

Өйрәтәләр мәктәпләрдә (2).

Табарга утрауларны

Биек – биек тауларны

Өйрәтәләр мәктәпләрдә. (2)

Өтер белән ноктаны

Кайчан, кайда куйганны

Өйрәтәләр мәктәпләрдә (2)

Дуслык кадерен белергә

Сузылсын дип гомергә

Өйрәтәләр мәктәпләрдә .(2 )

Инзил: Башлангыч мәктәптә без укырга , язарга, мәсьәләләр чишәргә өйрәнеп кенә калмадык, ә төрле бәйрәмнәр үткәрдек. Кызыклы экс-курсияләр, төрле темаларга ярышлар, бәйгеләр мәңге онытылмаслык  якты нур булып хәтердә сакланыр.

 Гөлнур: Ничек ошап туганбыз,

Әйтерсең бер туган без.

Барыбыз да уңган без,

Җырларга  да оста без.

Биергә дә оста без.

Башкорт халык биюе

Сөмбел: Алтын яфрак очкан иртәдә җитәкләп Белем иленә алып кергән., аналарча җылы сүзе белән иркәләгән хөрмәтле укытучыбызга рәхмәтебез зур.

Айгөл: Укытучым , шундый назлап

Карадың күзләремә.

Сүнмәслдек зур дәртләр салдың

Кечкенә йөрәгемә.

Укытучы: Кадерле укучыларым!. Сезнең белән 4 ел бергә булдык. Шатлыкларыбыз да, борчуларыбыз да уртак иде. Инде менә аеры-лышу мизгелләре дә килеп җитте. Сезне алда җәйге каникуллар, кызыклы уеннар көтә. Җәй көннәрен матур һәм күңелле , файдалы һәм истәлекле итеп уздырырга насыйп булсын сезгә.

Җыр: Җәй айлары бигрәк ямьле

З Минһаҗева көе һәм сүзләре.

Укытучы: Эшләрегез һәрчак уңай булсын,

Изге хисләр минем йөрәктә.

Хәерле юл, сезгә , укучылар

Калам сезгә шундый теләктә.

Ышанам сезгә, мәңге кызартмассыз

Минем йөзне, туган ил йөзен.

Онытмагыз, һәрчак көтә сезне

Белем биргән тәүге классыгыз.

Инде менә бүген зур кешеләр булып,

Тәүге адымыгызны ясыйсыз.

Хәерле юл  сезгә, куллар болгап,

Сезне менә озатып калабыз.

Гөлнур:Хөрмәтле Фәридә апа!

Рәхмәтләрнең иң-иң зуры сезгә.

Укытучылар бар да яхшы,

Сез – барыннан да яхшырак.

Сездән дә якын кешене

Таба алмабыз без кабат.

Җыр: “Сез иң гүзәл кеше икәнсез”

Әхмәт Хәйретдинов муз.   Ф. Яруллин сүз.

1. Килгән чакта башка авырлык,

Җитми калса, көч я сабырлык.

Сиздермичә ярдәм иткәнсез

Сез иң сабыр кеше икәнсез.

2. Балаларның  теле – кыңгырау

Гел чыңгылдый, ява мең сорау

Барысына да җавап биргәнсез.

Сез иң галим кеше икәнсез.

3. Укып чыгып дөнья тануны

Бәхетебезне эзләп табуны

 Зур ышаныч белән көткәнсез

Сез иң сабыр кеше икәнсез.(2)

4. Мактагансыз тиеш урында

Яклагансыз тиеш урында

Күңелебезгә ак нур сипкәнсез ,

Сез иң гадел  кеше икәнсез. ( 3)

Сез иң сабыр кеше икәнсез

Сез  иң галим кеше икәнсез.

Укытучы: Кадерле укучылар! Сезне бүген әти-әниләр дә тәбрик итә. Хәзер сүзне аларга бирәбез.

Әти-әниләр сүзе.

Инзил: Безгә ныклы белем һәм тәрбия биргән укытучыбыз! Бүген без Сезнең белән саубуллашабыз.Сез хезмәт сөючән, сабыр, тугры, тырыш кеше булып безнең күңелләрдә мәңге сакланырсыз, барыр юлларыбызда якты маяк булып торырсыз.

Ландыш: Кайгырганда юатучы,

Безнең өчен ут йотучы,

Гаделлеккә өйрәтүче,

Рәхмәт сиңа, укытучым.

Разил: Инде зурлар булабыз дип

Күңел гел куанса да,

Укытучыма карагач,

Күңелем моңсулана.

Безгә ныклы белем биргән,

Үз балаларыдай күргән,

Якты йөзле укытучым

Безгә дәрес бирми бүтән

Без укыган бу сыйныфка

Башка балалар килер.

Минем яраткан укытучым

Аларга белем бирер.

Алия: Башлангыч сыйныфларда

Дуслар булып яшәдек,

Бик күп нәрсәләр белдек,

 Бик күп җырлар өйрәндек.

Ландыш: Инде менә үсеп җиттек,

Сау бул, башлангыч, - дибез.

Китап – дәфтәрләрне җыеп ,

Ял итәргә китәбез.

Айгөл: Бүгенгә күңелсезләнмик,

Бергәләп бәйрәм итик.

Укытучы апабызга

Рәхмәтебезне әйтик.

Әти-әниләргә      дә

Баш иеп “рәхмәт” диик.        

Аларга да сәламәтлек,

Зур сабырлыклар телик.

Җыр . Рәхмәт сезгә, әниләр.

1. Иң йомшак куллар

Иң көчле иңнәр.

Тик әниләрдә

Юк аңа тиңнәр.

Куш: Әниләр күзе – иң матур  күзләр

Әниләр сүзе – иң назлы сүзләр.

2. Алар бирәләр иң дөрес киңәш

Алар булалар иң якын сердәш.

Иң нечкә күңел, иң саф зур йөрәк

Иң кайнар сөю, иң изге теләк (2).

          Куш: шул ук.

3. Иң җылы куен тик әниләрдә

Бәхет бар алар булган өйләрдә.

Яшәү ямен сез биргән бит безгә

Әниләр, рәхмәт, мең рәхмәт сезгә.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                      Куш: шул ук.

Укытучы:Ә хәзер безнең иң якын кешеләребез өчен – үзебезнең бөтен күңел җылысын биреп эшләгән бүләкләребезне кабул итеп алыгыз. ( Әти- әниләргә бүләк тапшыру).

       Рафил: Чәчәк тотып әле бүген генә

        Килгән кебек сиңа мәктәбем.

         Инде менә сиңа, укытучым

        Сау булыгыз, - диеп әйтәмен.

Сөмбел:Моңайма әле куукытучым,

Сагынып сезгә килербез.

Онытмыйча Сезне һаман

Сезнең хәлегезне белербез.

Җыр. “Хәтерлим мин”

1.Хәтерлим мин әле бүгенгедәй

Сентябрьнең бере җиткәнен.

Хәтерлим мин әле бүгенгедәй

Көтә-көтә арып беткәнем.(2)

2. Иң беренче булып килим диеп,

Өскә матур яңа күлмәк киеп.

Хәтерлим мин әле бүгенгедәй

Ашыга-ашыга чыгып киткәнем.(2)

3.Ләкин миннән бик күп алда килеп

“Хуш киләсең, әйдә-әйдә “ , - диеп.

Хәтерлим мин әле бүгенгедәй

4. Шушы көннән башлап безнең өчен

Кызганмады үзенең бөтен көчен.

Безне сөйде, безгә белем бирде

Рәхмәт аңа изге эше өчен.

Рәхмәт аңа изге эше өчен.

Бәйрәмнең икенче өлешендә җыелыш һәм компьютер презентациясе (  Һәр бала һәм класс тормышы турында слайдлар)