Мыр æмæ дамгъæ Къкъ.
план-конспект урока (1 класс)

Ахуыры темæ: Мыр æмæ дамгъæ Къ.

Хъомыладон хæс: Сабитæн уарзын кæнын æрдз, ахуыр сæ кæнын æрдзыл аудын, фæллой уарзыныл.

Ахуыры нысан: Бацамонын сабитæн мыр къ æмæ дамгъæтæ Къ,къ.

Ног дзырдтæ: къуыбар, къуыбыр, къул, къамбец

Ахуыры цыд :

1. Рацыд æрмæгыл æрныхас кæнгæйæ, сбæрæг кæнын, сабитæ куыд бахъуыды кодтой азы афонтæ æмæ сæ бæрæггæнæнтæ.

• Сабитæ, зæгъут-ма, цавæр азы афон æвдыст цæуы ацы нывы, цæмæй бæрæг у?
• Цавæр азы афонтæ ма зонут? Цавæр бæрæггæнæтæ сын ис?
• Цавæр азы афон уарзыс æппæты фылдæр? Цæмæн цæуы дæ зæрдæмæ?

2.Аулæфын кæнын сабиты.

3.Ног æрмæгыл бакуыст.

• Чи мын зæгъдзæн, цавæр азы афон у ныртæккæ?
• Цавæр бæрæггæнæнтæ ис зымæгæн?
• Мит бирæ куы ныууары, уæд уый сывæллæттæн æхсызгон цæмæн вæййы?
• Цы фæаразынц сабитæ митæй?
• Миты къуыбæрттæ.
• Æмæ кæм фæбырынц сабитæ?
• Къуыбырыл.
• Ноджы ма цæмæй фæхъазынц?
• Фезгъорынц къахдзоныгътыл.

4. Цавæр иумæйаг мыр ис дзырдтæ къуыбыр, къуыбар æмæ къахдзоныгъ-ы?

5.        Хъæрæй-ма зæгъæм иумæ - къ къ къ къ къ къ .

- Чи уæ цавæр дзырдтæ зоны мыр къ-имæ?

Къæбæр, къах, къух, къаффет, кърандас, къул, къус, къона, къæлиндар.

Уæдæ нæ чи нæ зоны нæ уарзон поэт ... .Къостайы.

6.        Беседæ « Хæдзарон фос цы пайда сты адæймагæн?»

• Цавæр хæдзарон фос зонут?
• Къ-йæ цавæр фосæн райдайы йæ ном?
• Къамбецæн.
• Цы пайда хæссы къамбец?
• Цы фæхæры къамбец?
• Цавæр фос ма дæтты æхсыр?
• Цавæр хæринæгтæ кæнынц æхсырæй?
• Хъæуты кæм фæдарынц хæринæгтæ?
• Къæбицы?
• Цавæр арфæтæ зонут къæбицы тыххæй?
• Уæ къæбиц алцæмæй дæp дзаг куыд уа, куыд ныкуы сафтид уа?
• Цæмæй къæбиц дзаг уа, уый тыххæй та цы хъæуы?
• Хъæуы кусын.
• Кæд хъæуы райдайын кусын, цæмæй къæбиц байдзаг уа?
• Уалдзæджы куы нæ бакусай, уæд дæм исты уыдзæн? Цæуылнæ?
• Цы хъуамæ зона алчи дæр?
• Царды алы хорздзинад дæр кусынæй кæй цæуы. Бавдисын сывæллæттæн ахæм нывтæ, кæцыты:
• кусынц сабитæ æмæ хистæрæтæ;
• фынджы уæлхъус бадынц æмæ хæрынц бинонтæ.

Бафæрсын сабиты:

• Цæмæн сты афтæ хъæлдæзг ацы бинонтæ?
• Сæхи фæллойæ кæй хæрынц, уый тыххæй.

Хорз фæллой кæнын ирон адæммæ стыр кадыл нымад кæй уыдис, уый бæрæг у æмбисæндтæй:

Уалдзæджы фæллой - фæззæджы сой.

Уалдзыгон бон афæдз дары.

Чи нæ кусы, уый нæ хæры.

Хорз куыстæн - хорз кад.

Сымах та куыд хъуыды кæнут, хæдзары ууыл ахъуыды кæнут.