Тесты по тувинскому языку 2 класс
тест на тему

2-ги класска чыл төнчүзүнде чорудар хыналда  тестизиниң    бирги вариантызы

         Таан уязын узун ыяштың бажынга кылып алыр. Эр таан уя кылыр чээрген дилеп чорда, кыс таан кылып турар уязын кадарып олурар. Эр таан чедип келирге, ооң орнунга кыс таан чээрген дилеп чоруп каар. Олар уязын өскелерге хунаатпас дээш, ээлчежип кадарып турары ол. Чыып алган чээргенин чыый салып үндүре бээр – уяның кылдынганы ол болур. Таан-биле төрелдешкек кускун, каарган уязын база-ла ынчаар кылып алыр.

  Хамнаарак дээрге бичежек ак бөскектиг бора кушкаш болур. Чазын ол хову, шөлдер кырынга дыка бедидир ужуп үне бергеш, аян тудуп ырлаар. Ооң хөглүг ырлары талыгыр бедиктен-не дыңналып келир.

        Хамнаарак хову, шөлден кандыг-ла бир бичии оңгар тыпкаш, аңаа уя кылып алыр. Ооң чуургалары ол чер-биле өңнеш болур. Ындыг болганда, оларныңчаны-биле эртип чыткан кижи безин эскербейн баар.

        Ховунуң куу-бора торлааларының болгаш шынааның итпиктериниң уялары база-ла хамнаарактыы ышкаш болур. Ол куштарның чуургалары оът-сиген болгаш тараа-биле өңнеш. Ынчангаш оларны чүү-даа белен эскербес.    

А. Клыковтуу-биле.

2-ги класска чыл төнчүзүнде чорудар чижек хыналда тестиниң    бирги вариантызы

1. Сөзүглелде чүлерниң дугайында чугаалап турарыл?

            а) кушкаштар                            в) чечектер

            б) мөөгүлер                                г) уруглар

2. Таан уязын чүден кылып турарыл?

      а) дүктен                                      в) ыяштан

           б) чээргенден                               г) сигенден

3. Тааннар уязын чүге ээлчежип кадарып турарыл?

 а) шооча чок болгаш        в) эжии чок болгаш

    б) өскелерге хунаатпас дээш               г) чараш боорга

4. Таан-биле төрелдешкек куштарга чүлер хамааржырыл?

а) дуруяа, кас                     в) каарган, кускун                            

б) бора-хөкпеш, көге-буга               г) эзир, хартыга

5. Хамнаарак дээрге кандыг кужул?

           а) улуг, кара, дыргактары узун                      б) ак бөскектиг, бора

           в) бичии чараш үнүгг) узун моюннуг

6. Хову куштарының чуургалары чүге чер-биле өңнеш болурул?

  а) бичии болгаш                       в) дүрген чазылзын дээш

  б)  хөй болгаш     г) эскерттинмес болзун  дээш

7. Хамнаарак уязын каяа кылырыл?

           а) крыша кырынга                                в) бичии оңгарга

           б) терек бажынга                                   г) хем кыдыынга, элге

8. Хамнаарактың уязынга кайы куштарның уялары  дөмейил?

           а) дагааның, кастың

           б) эзирниң, дастың

           в) торлаа биле шынаа итпиктериниң

           г) таанның база дээлдигенниң

9. Торлаа биле итпиктиң чуургалары чүнүң-биле өңнежил?

          а) помидор, огурец                               в) дээр, булут

          б) оът-сиген, тараа                               г) хар, хөртүк

10. Автор эң кол чүнүң дугайында чугаалаксааныл?

           а) куштар дугайындаб) уяларны канчаар кылырының дугайында  

           в) хову, шөл дугайында г) чуургалар дугайында

2-ги класска чыл төнчүзүнде чорудар чижек хыналда тестиниң   ийиги вариантызы

       Черлик өдүрек болгаш кас уя кылырда, аксы-биле саваң дажыглавас. Олар сугдан ырак эвес чажыт черлерде овааландыр ужа берген хыыргыыш, оът-сигенни тып алгаш, оларның ортузун оңгарлай баскаш, ооң кырынга боттарының хоюг чөөгүн дөжектелдир чадып алырлар. Уядан ырадыр чемнеп чоруур деп барганда, чоорган ышкаш калбартып алган чөөгү-биле чуургаларын шуглап каарлар.

      Чазын арга иштинге «тук-тук» дээн даашты бо-ла дыңнап болур. Ол болза уя кылып турар торга-дыр. Ол кандыг-даа кадыг ыяшты үттей соктап кааптар. Шай согаажының ишти хире коңгулду өрүмнеп албаан шаанда, торга ажылын ара кагбас. Өрүмнеп турар хозунче торга чаңгыс-даа чоңгу киирбес, хамык богун удур арыглап кааптар, ырадыр шывадаптар.

      Торганың оолдары хоюг чыдын кылбаан, бүзүргей дүптүг уяга олура өзер. Олар доругуп келгеш,  диисти  дег чидиг дыргактары-биле коңгулдуң бүзүргей ханаларындан дырбактанып чыткаш, дашкаар үнүп келир.

А. Клыковтуу-биле.

2-ги класска чыл төнчүзүнде чорудар хыналда тестиниң  ийиги вариантызы

1. Сөзүглелде чүнүң дугайында чугаалап турарыл?

            а) кушкаштар              в) чечектер

            б) мөөгүлер                г) уруглар

2. Кандыг суг куштарын билип алдың?

            а) эзир, кускун                                  в) өдүрек, кас

            б) дээлдиген, таан                          г) хөкпеш, шилен

3. Суг куштары уязын каяа кылып алырыл?

а) суг ортузунга       в) даштар кырынга

б) сугдан ырак эвеске        г) орук кыдыынга

4. Суг  куштары уязын чүнүң-биле кылырыл?

        а) чөөгүнден                в) дажып алган саваң-биле

        б) улуг чээргенден     г) овааланган оът-сигенден

5. Куштар ырадыр чоруурда  чуургаларын чүнүң-биле шуглап  каарыл?

а) чөөгү-биле                                  в) оът-сиген-биле

б) чоорган-биле                        г) бүрү-биле

6. Торганың оолдары кандыг уяга өзерил?

         а) бүзүргей дүптүг уяга                г) ийи үттүг уяга

         б) ажык  соок уяга                        в) шаараш уяга

7. Өзүп келгеш, торганың оолдары уядан канчаар үнерил?

а) кылаштажып         тургаш             в) дырбактанып чыткаш

б) марштап   тургаш                г) үңгеп чыткаш

8.  Сөзүглелге кайы ат эң-не тааржырыл?

  а) Куштарның чуртталгазы.

  б) Куштар уяларын канчаар кылырыл?

   в) Куштар __ бистиң өңнүктеривис.

г) Куштарның чуургалары.

9. «Доругуп келгеш» дээн сөс каттыжыышкынын канчаар  билип тур сен ?

           а) чемненип алгаш                      в) семирий бергеш

           б) өзүп келгеш          г) караа частып келгеш

10. Сөзүглелде автор чылдың кайы үезин бижип турарыл?

           а) кышкы үени                        в) чайгы үени

           б) күскү үени                                   г) часкы үени

    2 класс. Чыл төнчүзүнде чорудар хыналда тестилерниң шын харыылары болгаш баллдары:

№   Вариант 1  Вариант 2 балл

1        аа          1

2        б        в        1

3        б        б        1

4        в        г        1

5        б        а        1

6        г        а        1

7        в        в        1

8        в        б        1

9        б        б        1

10        бг        1

Тестинин түңнелин үнелээри

18-9 балл- «5». Программаны  бедик  деңнелде  шиңгээдип  алган.

8-9 балл-«4». Программаны бедик деңнелде шиңгээдип алган.  

 7-6 балл-«3».  Программаны шиңгээдип алган.

5-тен куду балл-«2».Программаны  шиңгээдип албаан.