"Сыйфат" темасын кабатлау өчен тест
тест (4 класс) по теме

«Сыйфат» темасы буенча тест

Гульнур Хуснутдинова,

Әтнә районы Югары Сәрдә башлангыч мәктәбенең башлангыч сыйныфлар укытучысы

Кулланма 4 нче сыйныф укучыларына “Сыйфат” темасы буенча белемнәрен контроль тикшерү максатыннан төзелде.

1 нче вариант

А өлеше

А1. Сыйфат нәрсәне белдерә?

1. предметның эшен белдерә
2. предметның билгесен белдерә
3. предметны белдерә
4. предметның санын белдерә

А2. Ясалышы ягыннан болар нинди сыйфатлар?

ярдәмчел, егәрле

1. тамыр
2. кушма
3. ясалма
4. парлы

А3. Кайсы сыйфатны барлык дәрәҗәләрдә дә кулланып булмый?

1. сары
2. ал
3. әче
4. көчле

А4. Хаталы сүзләр рәтен билгеләгез.

1. чыдамлы, эшчән
2. уңан, гәзиз
3. пөхтә, җыйнак
4. тыныч, егәрле

А5. Туры килгән хәрефне (хәрефләрне) күрсәтегез.

җи...и

1. т
2. тт
3. дт
4. тд

А6. Һ хәрефе төшеп калган сүзне табыгыз.

1. ...әйләкәр
2. ...авалы
3. ...аталы
4. ...олыксыз

А7. Нечкәлек билгесе (ь) төшеп калган сүзләр рәтен табыгыз.

1. мәг...нәле, иг...тибарсыз
2. ям...-яшел, яш...ле
3. ниг...мәтле, мик...дарлы
4. мәг...лүматлы, дәг...вачыл

А8. Сыйфатның чагыштыру дәрәҗәсе ничек ясала?

1. -лы, -ле
2. -рак, -рәк
3. -гылт, -кылт
4. -лар, -нар

А9. Иҗекләргә дөрес бүленгән сүзләр рәтен билгеләгез.

1. сө-ек-ле,  сал-кын-ча-рак
2. сө-ен-еч-ле, ак-ыл-лы
3. йо-мшак, по-чмак-лы
4. а-кыл-лы, бәх-ет-ле

А10. Болар нинди сыйфатлар?

Каты – йомшак, якты – караңгы

1. омоним сыйфатлар
2. синоним сыйфатлар
3. монда сыйфатлар юк
4. антоним сыйфатлар

А11. Сыйфатларның сораулары:

1. нинди? кайсы?
2. кемнең? нәрсәгә?
3. нишли? нишләр?
4. ничәнче? кем?

А12. Сузыклары калын сузыклар булган сүзне табыгыз.

1. дәртле
2. буранлы
3. җепшек
4. җемелдәвекле

А13. Вакытны белдергән сыйфатлар  төркемен табыгыз.

1. көндезге, җәйге
2. яссы, гүзәл
3. юаш, уңайсыз
4. хуш исле, зур

А14. Артык сүз булган рәтне табыгыз.

1. куркак, читен
2. урман, өмет-хыял
3. аксыл, ямь-яшел
4. зәвыклы, килешле

А15. Бирелгән җөмләдән сыйфатны табыгыз.

Көмеш кыңгыраулар авазы ишетелә.

1. көмеш
2. кыңгыраулар
3. авазы
4. ишетелә

В өлеше

1. Сокландыргыч җылы, аяз көннәр җәйне хәтерләтәләр. (2)Агачлардагы куе яшеллек тә сакланды. (3)Яңгырга мул булган көзге болытлар да нигәдер күренмәделәр.

В1. 2 нче җөмләдән төп дәрәҗәдәге сыйфатны табып языгыз.

_________________________________________________________________

В2. 1 нче җөмләдән тиңдәш кисәкләрне табып языгыз.

________________________________________________________________

В3. 3 нче җөмләдән ясалма сыйфатны табып языгыз.

__________________________________________________________________

В4. 2 нче җөмләдәге сыйфатның антонимын языгыз.

________________________________________________________________

В5. Куе сүзендә ничә аваз бар?

__________________________________________________________________

“Сыйфат” темасы буенча тест (4 класс)

2 нче вариант

А өлеше

А1. Сыйфат:

1. предметның эш-хәлен белдерә
2. предметның исемен белдерә
3. предметның билгесен белдерә
4. предметның санын белдерә

А2. Ясалышы ягыннан болар нинди сыйфатлар?

Кап-кара, төп-төз

1. тамыр
2. кушма
3. ясалма
4. парлы

А3. Кайсы сыйфатны барлык дәрәҗәләрдә дә кулланып булмый?

1. кара
2. зәңгәр
3. татлы
4. әче

А4. Хаталы сүзләр рәтен билгеләгез.

1. оста, эшчән
2. караңгы, юп-юан
3. йомшак, биек
4. ис киткеч, югеш

А5. Туры килгән хәрефне (хәрефләрне) күрсәтегез.

кү...елле

1. ң
2. нг
3. н
4. нн

А6. Һ хәрефе төшеп калган сүзне табыгыз.

1. пө...тә
2. ...исле
3. ...әлсез
4. ...өнәрле

А7. Нечкәлек билгесе (ь) төшеп калган сүзләр рәтен табыгыз.

1. Шөгыл...ле, яш...келт
2. дәг...валы, мәг...нәдәш
3. дик...катьле, вәг...дәсез
4. гам...ле, иг...тибарлы

А8. Сыйфатның чагыштыру дәрәҗәсе нәрсә өчен кулланыла?

1. Предметның гадәттәге билгесен башка предметның шундый ук билгесе белән чагыштырмыйча белдерү өчен
2. Бер предметтагы билгенең шундый ук предметтагы билгедән бик күпкә артык булуын белдерү өчен
3. Предмет билгесенең гадәттәгедән ким булуын белдерү өчен
4. Бер предметтагы билгенең башка предметтагы шундый ук билгедән артыграк булуын белдерү өчен

А9. Иҗекләргә дөрес бүленгән сүзләр рәтен билгеләгез.

1. хө-рмәт-ле,  вә-гъдә-сез
2. ә-һә-ми-ят-ле, бор-ын-гы
3. ка-раң-гы, ка-ба-рын-кы
4. бө-кре-рәк, шыб-ыр-дык

А10. Болар нинди сыйфатлар?

Чибәр, гүзәл, сылу, зифа

1. омоним сыйфатлар
2. синоним сыйфатлар
3. монда сыйфатлар юк
4. антоним сыйфатлар

А11. Сыйфатларның сораулары:

1. нишли? нишләр?
2. кемгә? нәрсәгә?
3. нинди? кайсы?
4. кем? ничә?

А12. Сузыклары нечкә сузыклар булган сүзне табыгыз.

1. алдынгы
2. ягымлы
3. басмалы
4. эшсез

А13. Кеше  холкын белдергән сыйфатлар  төркемен табыгыз.

1. моңлы, оста
2. сөйкемле, усал
3. чиста, уңайлы
4. аңлаешлы, баллы

А14. Артык сүз булган рәтне табыгыз.

1. язгы, кышкы
2. ап-ак, зуп-зур
3. кызгылт, яшелрәк
4. әби-бабай, җыр-моң

А15. Бирелгән җөмләдән сыйфатны табыгыз.

Елмаеп, язгы кояш чыкты.

1. елмаеп
2. язгы
3. кояш
4. чыкты

В өлеше

1. Син, яланаяклы малай! (2) Олыларча кулларыңны артка куеп, тузанлы юлга баскансың да тауга карап торасың. (3) Зәңгәр тау – ераклыгы белән серле, серлелеге белән ерак.

В1. 3 нче җөмләдән тамыр сыйфатны табып языгыз.

_________________________________________________________________

В2. Тексттан кушма сүзне табып языгыз. __________________________________________________________________

В3. 2 нче җөмләдән ясалма сыйфатны табып языгыз.

__________________________________________________________________

В4. Зәңгәр сыйфатын төрле дәрәҗәләргә куеп языгыз.

________________________________________________________________

В5. 2 нче җөмләдәге сыйфатны үзе бәйләнеп килгән сүз белән бергә языгыз.

__________________________________________________________________