Внеклассное мероприятие " СЕХТЕ МАЗЫЙ МИНЕК КЕЛЕСЬ"
материал

СЕХТЕ МАЗЫЙ МИНЕК КЕЛЕСЬ

Эрьва келесь эсь койсэнзэ

Мазый, эрявикс, питней.

Илядо стувто эйсэнзэ,

Путодо тензэ седей.

                С. Люлякина

Эрзянь келесь - тиринь келенек, конась ютась касомань ды келейгадомань пек кувака ки. Сон сюпав, мазый, гайтев. Сонзэ вельде максовить ды саевить эрьва кодат содамочить, евтавить мельть арсемат, невтевить ежомарямот.

Келесь  - сехте эрикс, сехте кеме сюлмо, кона вейсэнди народонть, сонзэ нееень ды сыця шкань ломантнень. Рузонь ине педагогось К. Д. Ушинский сермадсь: «Еминдеряй келесь, народось а ули».

Зярос гайги эрзянь валось -                         Чачи келем кулындеряй,

Семс монгак эрян,                                Мерть монгак кулан.

Ялгатненень - шабратненень                         Сонтемензэ мон а эрян:

«Шумбрачи» мерян.                                Мезекс маштован?..

А Лежиков

Тиринь келесь - арсемань лув. Сон ловови народонь сюпавчикс, оймень лисьмапрякс. Тетянь-авань келесь, тиринь, кудосо марязь валось пингезэть кадовить мельс - превс, зярдояк а стувтовить.

Минек икеле ашти покш паро тев: вадрясто содамс, тонавтнемс тиринь келенть, вечкемс, ванстомс ды сюпалгавтомс сонзэ, кода тень зярыя пингень перть тейсть эрзянь ломантне.

Эрзякс арсян, эрзякс моран,                        Ды тердян минек народонть -

Эрзякс ловнан ды сермадан,                        Сыре ломантнень ды одонть -

Родной келем мон а кадан                        Тердян эсь келенть вечкема!

Тень коряс монь валом кеме.

Н. Нарваткин.

Лисить ветицят

1-цесь: Шумбрачи, вечкевикс инжеть!

2-цесь: Примадо минек пельде седейшкавань поздоровт ды уледе азоркс тиртнь келентень алтазь вастовомасонть.

1-цесь: Эрьвась вечксы эсь велензэ,

           Те вечкемасонть покш вий,

           Эрьванть истямо мелезэ:

           Сынст енксось сех пек мазый.

2-цесь: Монгак вечкчкса минек енксонть

           Вечкса весе, пестэ пев,

           Истя, кода васень евксонть.

           Конань авам тень евтнесь.

           Вечксынь виртнень ды лугатнень,

           Пекшень панжовома шканть,

           Эрексия лисьмапрятнень,

           Конань ведест - медень тансть.

1-цесь: Мон кинь эйстэяк а сепса,

           Кинь мелезэ  - кадык сы,

           Сехте вадря минек енксось,

           Минек велесь - сех мазый.

                                                Е. Пятаев

Ловнови А. Сульдинань «Кудов» стихезэ.

Таго капшан вечкевикс ульцяванть,

Шожда вармась чамасон кутьки,

Тештне почодовсть менель пацяванть,

Пильгем ало росасо шлязь ки.

«Кудов, кудов» - морась седеесь,

Се таркатнес, козонь мон чачинь,

Вана килеесь, конань алов пелезь

Васенцеде вечкемантень сынь.

Сярдов кедензэ венстизе калесь,

Кутмордамом састыне капши.

Парсте вастымим чачома велем,

Секс седейсэм лаказь лаки пси.

Гайги «Кавто церат тикше ледить» морось.

2-це ветиц.: Мон вечкса эсенек веленть.

                 Сонзэ велькссэ сэнь менеленть,

                 Сонзэ перька виртнень, лейтнень,

                 Сюпав паксятнень, килейтнень,

                 Цецяв лушмотнень ды латктнэнь,

                 Весе пуртнезь китнень - янтнэнь.

Е. Пятаев.  

1-це ветиц.: Ков иля варшта -

                 Цветить садтнэ -

                 Касыть кудот, кодат мазыйть!

                 Лымбить,

                 Лымбить сюронь волнатне

                 Ды чамас паламо бажить.

2-це ветиц.: Келей китнева чинек-венек

                 Ливтить машинат - пест арасть.

                 Палыть-цитнить минек тештенек,

                 Сынь прок менельстэ тезэнь прасть.

1-це ветиц.: Чачома край! Вечксынь паксят, виреть,

                 Лугат, шольниця ведеть домка лейсэ, -

                 Тон свал монь седейсэ гайгат

                 Морыця нармунень седейсэ.

П. У. Гайни

2-це ветиц.: Тиринь мастор, родной эрзянь велем,

                 Пингень перть эйстэть морот моран.

                 Тонь славасо кепети вайгелем,

                 Тонь кувалма яла мон касан.

Морави С. Люлякинань «Россиям, те весе тонь...» морось.

1-це ветиц.: Чачома край, тиринь мастор,

                  Эжди эйсэнь лембе седееть,

                  Эльнить-кольнить теке сазорт,

                  Сурась ды Мокшась - валдо лееть.

2-це ветиц.: Мокшо-эрзянь вечкевикс край!

                 Мон секс моросо шнан тонь эйсэ;

                 Тон свал сыргостят валдо май

                 Гайгевстэ морыця седейсэнь.

П. У. Гайни.

Евтневи Н. Вачаевень «Велявтома» стихесь:

Гайги эрзянь моро веленть велькссэ,

Сонзэ пева таргавсь виде ян,

Вана таго эряза эскелькссэ

Моронть каршо те янганть молян.

        Армиясо печтинь иеть кавто.

        Кода одкстомсь те шкастонть велем!

        Ужо, седей, пек иля капшавто,

        Кадомак хоть васькавтса мелем.

Тон варштака, икеленк мезе!

Те аволь тамаша, евкссо он,

Те од школа, парк, эйсэнзэ эземть,

Истя цвети ерзямокшонь енкс.

        Вана каршон сыть ломанть эсь велень,

        Шожда коштсонть  - сынст вайгелень гайть,

        Содавикс мизолкс палы икелень.

        Мон серьгединь: «Шумбрачи, авай!»

Киштема «Косо, косо да Утяша».

1-це ветиц.: Мон вечкса енксонть эрзянсенть,

                 Весе оймесэм вечкса,

                 Мастораванть, раськень лавсенть,

                 Кутмордасо, эждяса.

                 Тензэ мон серьгедян моро,

                 Евтан потмо оймень вал.

                 Арсян тензэ ансяк вейке:

                 Эрязо, улезэ свал.

Гайги «Мнек Россиясо» морось.

1-це ветиц.: А келесь –

                  Минек эрзянь келесь!

                  Морак морот ды сермадт стихть.

                  Сон ней гайги масторонть келес

                  Эйсэнек пек васов вети.

И. Пиняев.

Евтневи Е. Пятаевень «Родной келесь» стихезэ:

1-це ветиц.:Аволь чаво паксяс валги мором.

                Оймем неи, - валдо шкатне сыть.

                Кеман, карми кортамо мастором

                Тиринь кельсэ, апак визде, чить.

                Весе карми истя, кода мерить.

                Тенек минек превтне, оймень псись –

                Эрикст сеть, кить эсест койсэ эрить,

                Ды кинь седейс ванны маней Чись.

Ч. Журавлев.

Гайги «Эйте, ялгат, паро ялгат, прурнавтвно вейс…» морось.

2-це ветиц.: Миненек пек вечкевсь те лембе вастовомась. Сон кармавты лиякс варштамо эрзянь келенть лангс, арсезевемс весе эрямодонть, минек вандынь чиденть.

1-це ветиц.: Евтатано покш сюкпря весенень седейшкавань вастовоманть кис. Кадык сон ули аволь меельцекс. Кемтяно, минь пачк кадовтано паро ялгакс.

2-це ветиц.: Меельцепелев арсетяно тенк паро ежо, ламо кеняркст, валдо мельть-превть, кеме шумбрачи, ояксчи, эрьва тевсэ – изнявкст.

Уледе шумбрат! Вастомазонок!