Презентация к уроку Г.Лотфи “Песнәк белән Әнисә” хикәясен уку.
план-конспект урока (4 класс) по теме

Предмет.Әдәби уку..

Сыйныф. 4 Б

Тема: Г.Лотфи “Песнәк белән Әнисә” хикәясен уку.
Максат:

1. Укучыларда аңлап уку күнекмәләрен  формалаштыру; балаларның кошлар турында күзаллавын конкретлаштыру.
2. Укучыларның бәйләнешле сөйләм телен үстерү,баету.
3.Укучыларда кайгыртучанлык сыйфатлары, кошларга сакчыл караш тәрбияләү. 
Җиһазлау: компьютер, презентация, дәреслек  “ Күңелле татар теле.”1 кисәк, Р.З.Хайдарова, 4нче  сыйныф. 
Дәреснең төре: яңа материалны өйрәнү. 
Предметара бәйләнеш: әйләнә-тирә дөнья. 
Дәрес барышы. 
1.Оештыру өлеше. 
Укытучы: Исәнмесез, балалар! Хәерле иртә! 
Укучылар:

Хәерле иртә миңа!

Хәерле иртә сиңа!

Хәерле иртә аңа!

Хәерле иртә сезгә!

Хәерле иртә безгә!

Хәерле иртә барыбызга да!

(Дежур укучы белән әңгәмә)

2. Белемнәрне актуальләштерү. 
 Балалар, әйдәгез,өйрәнгән сүзләрне искә төшерик.
1)Фонетик күнегү. Прослушайте и укажите слова со звуком (Ә)

- Әнисә, тәрәзә, кыш, салкын,  песнәк, җәй,әдәпле, кар ,акыллы,шатлана мәрхәмәтле,рәхмәт,песнәк.

2)Кайбер  сүзләрнең тәрҗемәләрен дә искә төшерик әле.

(Мәсәлән,акыллы- умный, мәрхәмәтле- мелосердный, әдәпле- вежливый ,песнәк- синица,шатлана- радуется)

3.Яңа белем һәм күнекмәләрне  беренчел үзләштерү.
(Укучыларга дәреснең максатын әйтү, яңа материал кабул итәргә уңай мотивация тудыру . )

- Балалар, тәрәзә каршына нинди кош килгән икән, табышмакны тыңлагыз әле. 
Түшләрендә кояш төсе 
Аркасында яз төсе. 
Кышын тәрәзәмә килеп: 
“Таныйсыңмы?” ди төсле. Бу нәрсә?
-Песнәк
-Әйе,дөрес.

-Укучылар, без бүген сезнең белән Гасыйм Лотфыйның” Песнәк белән Әнисә” хикәясен укырбыз.

-Хәзер тактадагы сүзләргә  игътибар итегез. Сүзлек эше. ( Башта сүзләрне үзем укыйм ,аннары укучылардан кабатлатам  һәм тәрҗемәләрен укытам)

кунды – подсела

чукый башлады – начала клевать

аның ашыйсы килгән – она проголодалась

канатын какты – махнула крылышком

- привыкла

-Балалар,бу сүзләр белән җөмләләр төзик.

-Аның алма ашыйсы килә.

- Ул чукый башлады.

- Яхшы,дөрес,балалар.Хикәя белән танышабыз.Китапларыгызның 58 нче битен  ачыгыз һәм 7 нче күнегүне игътибар белән карап барыгыз.(Текстны уку)

Песнәк белән Әнисә.

Кыш көне иде. Көннәр бик салкын. Беркөнне тәрәзәгә бер   песнәк  кунды. Ул тәрәзәне чукый башлады.

- Әни, нигә песнәк тәрәзәне чукый? – дип сорады Әнисә.

- Тышта нинди салкын! Аның ашыйсы килгән, - диде әнисе.

- Алайса мин аны ашатам, - диде Әнисә. Ул  тәрәзәне ачты   һәм бер кисәк май куйды. Песнәк бик шатланды. Канатын какты, Әнисәгә рәхмәт әйтте.

Песнәк көн саен тәрәзәгә килеп куна иде. Ул Әнисәгә ияләште һәм  ачык тәрәзәдән өйгә  керә башлады.

(Гасыйм Лотфи)

-Укучылар,хикәяне кем ничек аңлады,әйдәгез ,русча сөйләгез әле.( балалардан сөйләтү)Рәхмәт,ә хәзер  чылбырлап укыйбыз һәм тәрҗемә итәбез.( тәрҗемә эше)

4.Физминутка.

Җил исә,исә,исә

Агачларны селкетә.

Җил тына,тына,тына.

Агачлар үсә,үсә,үсә.

5.Яңа белем һәм күнекмәләрне  беренчел үзләштерүне тикшерү.

1)Хикәя буенча әңгәмә кору. 
- Көн нинди  ? 
- Тәрәзәгә нәрсә кунды ? 
- Әнисә әнисеннән нәрсә дип сорый? 
- Ни өчен песнәк тәрәзәне  чукый? 
- Әнисә песнәккә ашарга бирәме ? 
- Ул аңа нәрсә бирә ? 
- Кош Әнисәгә рәхмәт әйтәме ? 
 
 2)Ситуатив күнегү эшләү.

Спроси у друга:

-любит он птиц;

-помогает ли он птицам;

-сделал ли он кормушку;

-кормит ли птиц.

6.Яңа белемнәрне ныгыту. 

Дәреслегезне ачыгыз, 61 нче бит, 6 нчы күнегү.

1)Җөмләләрне дәвам ит.
1.Әнисә яхшы кыз, чөнки ... 
2.Әнисә миңа ошый, чөнки ... 
3. Әнисә кошларны ярата, шуңа күрә ... 

2) Җөмләләрне текстның эчтәлеге буенча дөрес тәртиптә куегыз. 
а) Әнисә песнәкне ашатырга булды. 
б) Кыш көне иде. 
в) Песнәк көн саен тәрәзәгә килә башлады. 
г) Тәрәзәгә песнәк кунды. 

3.Диалогтагы төшеп калган репликаларны әйтегез:

-..........

-Әйе,бүген көн салкын.

-........

-Әйе,песнәкнең ашыйсы килгән.

7.Йомгаклау 
-Балалар,  бүгенге дәрестә без кем  турында сөйләштек?

-Без Әнисә турында  сөйләштек.

-Әнисә нинди кыз?

- Әнисә акыллы, мәрхәмәтле,әдәпле кыз

- Ул кошларга ярдәм итәме ? 

-Әйе,ул кошларга ярдәм итә.

-Ә сез кошларга ярдәм итәсезме?

-Әйе,ярдәм итәбез.

-Ничек ярдәм итәсе? Җимлекләр ясыйсызмы?

-Әйе,ясыйбыз

- Рәхмәт ,укучылар. Кышын кошларга салкын, шуңа күрә дә без аларга җимлекләр ясарга тиеш .
Әйдәгез, балалар, кошларны саклыйк .
8. Өй эше. 59 нчы бит,11 нче күнегү,хикәяне сәнгатьле укырга өйрәнегез.Без дәрестә “ Иң яхшы укучы” конкурсы уздырырбыз.

9.Рефлексия (дәрескә йомгак ясау)Укучыларның белемнәрен,дәрестәге активлыкларын бәяләү.

-Дәрес тәмам,укучылар,барыгызга да рәхмәт.Сау булыгыз.