Җыр дөньясына сәяхәт.
план-конспект урока (2 класс) на тему

Татарстан Республикасы Актаныш районы                                                                                                                                                 Түбән Гәрәй башлангыч белем бирү мәктәбе

Җыр дөньясына    сәяхәт.

                                   Хабирова Лилия Рифовна

                                Тема: Җыр дөньясына сәяхәт.

Максат:1.Укучыларны җыр дөньясы ,аның үзенчәлеге белән таныштыру.

                2.Укучыларның музыкаль белемнәрен үстерү.

                3.Төрле жанрдагы музыкаль әсәрләргә карата кызыксыну тәрбияләү.

Җиһазлау: компьютер,музыкаль диск,музыка уен кораллары(агач кашыклар,бубен,кыңгырау,гармун),композитор портретлары,җырчыларның фотосурәтләре,тест биремнәре,плакатлар.

Дәрес тибы: гомумиләштерү.

                                       Дәрес барышы.

I.Оештыру өлеше.

    1.,,Исәнме музыка”-сәламләү җыры.

    2.Кереш әңгәмә.

-Балалар,сез музыка яратасызмы?

-Музыка безгә ни өчен кирәк?

-Әйе,музыканы яратмаска мөмкин түгел,кеше шатланса да ,моңсуланып күңеле тулса да , аңа һәрвакыт ярдәмгә музыка килә.Ул кешенең күңелен күтәрә.

-Без бүген җыр дөньясына сәяхәт итәрбез.Сәяхәтебез тукталышлардан торыр.

II .Төп  өлеш.

     1.Ноталар тукталышы.

 а) ноталар яңгырый.

 -Нәрсә яңгырады?

-Димәк,1нче тукталышыбыз –ноталар.

-Нәрсә соң ул нота?

-Нинди ачкыч белән ишек ачып булмый?

-Нәрсә соң ул скрипка ачкычы?

б)Индивидуаль эш(музыкаль ребус чишү).  

Нәтиҗә ясау.

   2.Композиторлар тукталышы.

-Киләсе тукталышны белү өчен минем сорауга җавап бирергә кирәк .

-Музыка әсәрен иҗат итүче кем ул?

-Әйе,композитор.

-Кемнәрне беләсез?(портретлар күрсәтелә).

          ,,Нәрсә?Кайда?Кайчан?” уены.

-Бу кем?(С.Сәйдәшев портреты)

-С.Сәйдәшев кем булган?

-Ул кайда туган?

-Кемдә тәрбияләнгән?

-Нинди ансамбельдә уйнаган?

-Ничә спектакльгә музыка язган?                            

1 укучы С.Сәйдәшев турында сөйли.

Нәтиҗә ясау.

  3.Музыка уен кораллары тукталышы.

-Киләсе тукталышны белү өчен табышмакларга җавап бирергә кирәк.

1)Сырлы-сырлы ул,безнең белән җырлый ул.(гармун)

2)Җанлы җансызны кыйный,җансыз үкереп елый.(барабан).

3)Кылларыма кыллар белән сызсаң,бик күп җырлар беләм.(скрипка)

-Болар нәрсәләр?(музыка уен кораллары рәсеме күрсәтелә)

Тукталышның исемен ачыклау.

-Гармун турында нәрсә әйтә аласыз?

-Курай турында?

-Скрипка турында?

Нәтиҗә ясау.

     4.Ял минуты.

Мин сезгә музыкаль әсәр куям,ә сез нинди музыкаль уен кораллары катнашуын әйтерсез.

(муз.дискта ,,Шүрәле”җыры)

     5.Җырлау күнегүләре тукталышы.

-Җыр күнегүләре ни өчен кирәк?

Дискка кушылып җыр күнегүләрен башкару.

    6.Җыр тукталышы.

-Нәрсә ул җыр?

-Нинди җырлар беләсез?

,,Бииләр итек-читекләр” җыры башкарыла(М.Минһаҗев көе,Ш.Галиев сүзләре).

Нәтиҗә ясау.

    7.Җырчылар тукталышы.

-Шигъри әсәрләргә композиторлар көйләр яза ,ә аларны кемнәр башкара?

-Бүгенге көн эстрада җырчыларыннан кемнәрне беләсез?(фотокарточкалары күрсәтелә)

-Безнең районнан чыккан нинди җырчыларны беләсез?

Ә.Авзалова турында сөйләү.

Нәтиҗә чыгару.

III .Йомгаклау.

-Димәк,җыр дөньясына нәрсәләр керде?(тукталыш карточкаларын карап чыгу).

Билгеләр кую.

,,Сау бул,музыка”җырын җырлау.