"Исем" темасын кабатлау,
план-конспект урока на тему

 Әтнә районы  Сибгат Хәким исемендәге Күлле-Киме гомуми белем мәктәбенең  Үртәм филиалы.

Тема: ”Исем” темасын кабатлау.

               Башкарды: Әтнә районы  Сибгат Хәким исемендәге Күлле-  Киме гомуми белем мәктәбенең Үртәм филиалының башлангыч сыйныф укытучысы   Газизова Гөлүсә Рәхиман кызы.

Максат;укучыларның исем сүз төркеме,исемнәрнең грамматик билгеләре

турында алган белемнәрен сиатемалаштыру,камилләштерү;

-бәйләнешле сөйләм телен һәм иҗади фикерләү өстендә эшне дәвам итү,

-укуга җитди караш игътибарлылык  тәрбияләү,бер-береңнең фикерен хөрмәт итеп килешеп эшләү күнекмәсен булдыру,сәламәт яшәү рәвеше турында омтылыш тәрбияләү.

Җиһазлау:”Серле алан”, чәчәкләр,сүзләр язылган плакат,магнитофон язмасы.

Метод һәм алымнар:әңгәмә,биремнәрне аерым-аерым үтәү,парларда эш.

Дәрес төре: гомумиләштерү дәресе.

Дәрес барышы.

1.Мотивлаштыру-ориентлаштыру этабы.

2.Уку мәсьәләсен  кую.

-Укучылар бүгенге дәрестә без гади укучылардан эзләнүчеләргә әверелерсез,һәм бергәләп бер аланга яшәү яме биреребез.(Тактада чәчәксез алан рәсеме)Бу аланга нәрсәләр  җитми?

_Укучылар,кешеләргә чәчәкләр,үләннәр ни  өчен кирәк ? Әйдәгез,парларда уйлашыйк әле.(укучылар җавабы тыңлана)

-Әйе,мин сезнең белән килешәм. Чәчәкле аланнар –мең сергә ия булган табигатьнең гүзәл бер өлеше.Табигать  белән аралашканда кешенең рухи һәм физик дөньясы сәламәт була.Без дә шушы матурлыкны күрә белик,аңа сокланыйк.

-Сез бүген дәрестә  элеккеге алган белемнәрегезне күрсәтерсез.Дәрестә теләп һәм актив катнашырсыз дип ышанам.

-Укучылар!  Хәзер рәсемдәге серле аланга игътибар итегез әле.Ни өчен серле соң ул?

-Чөнки анда чәчәкләр урынына хәрефләр.Ә ул хәрефләрдән сез нинди сүз төзи аласыз?(Парларда эш.Укучылар җавабы тыңлана)

-Әйе,укучылар ,бүген без исем темасын кабатларбыз,белемнәрне гомумиләштерербез һәм нәтиҗәләрне шушы агачта модельләштерербез.

3.Операциональ –башкару этабы.

Ә  хәзер, укучылар ,тест биремнәре . Парларда уйлагыз һәм дөрес җавапны билгеләгез.

Исем-

А) нинди,кайсы сорауларына җавап бирүче сүз төркеме.

Б) Кем?,нәрсә? соравына җавап бирүче сүз төркеме.

Исем-

А) хәрәкәтне белдерә.

Б)Билгене белдерә.

В)Предметны белдерә.

-Димәк,исем нинди сүз төркеме?  Нәтиҗәне  бер –берегезгә  сөйләгез.Исем предметны белдереп,кем?,нәрсә?сорауларына җавап булып килә.

-Афәрин укучылар.Нәтиҗәне серле аланыбызда да күрсәтик.Сезнең тырышлык белән аланыбызны чәчәкләр белән бизик.

-Сезнең алдыгызда үз-үзеңне бәяләү таблицалары бар. Тест буенча үзегезгә билгеләр куегыз.

-Укучылар ,дәфтәрләрегезне ачыгыз,число һәм сыйныф эше дип языгыз.(Язганда дөрес утыру кагыйдәләре искә төшерелә)

-Тактада язылган җөмләләрне матур итеп укыйбыз.Табигать  -кешенең дусты.

-Укучылар,хәрефләрне тиешле авышлыкта һәм дөрес итеп тоташтырып,җөмләне дәфтәрләргә языгыз.(Матур язу күнегүе)

-Сез бу җөмләне ничек аңлыйсыз? Нәрсә ул табигать?  (Тактада рәсем)

-Әйе,табигать-бик киң төшенчә:һава,җир,су ,хайваннар ,үсемлекләр .Без табигатьтән башка яши алмыйбыз.Шуңа күрә табигатьне сакларга һәм якларга кирәк.

-Укучылар,тактада  язылган сүзләрне эчтән генә укып чыгыгыз.(Аннан соң  бер укучы сүзләрне кычкырып укый: ромашка,кыңгырау,мәтрүшкә,чәчәкләр,

гөмбәләр,балан,җиләкләр.

-Укучылар,ә бу сүзләрне нинди ике төркемгә бүлеп була? Парларда фикерләшкәннән соң сүзләрне ике төркемгә бүлеп дәфтәрегезгә языгыз.

(Укучыларның җавабы тыңлана)

-Нинди нәтиҗә чыгарабыз? Нәтиҗәне бер-берегезгә сөйләгез.(Исемнәр берлек  һәм күплек саннарда киләләр.)Димәк,сез бу биремне дә җиңел генә үтәдегез.Тактадагы болынга укучылар чәчәкләр эләләр.

-Икенче бирем буенча үзбәяләү.

-Серле аланыбыз матурайганнан –матурая ,хәзер шул аланда күбәләкләр булып очып алыйк.(Талгын музыка уйнала, физкультминутка ясала)        

-Алдагы этапны башкару алдыннан сезнең төркемнәргә мин иҗекләр өләшеп чыгам.Ә,сез төркемнәрдә шул иҗекләрдән сүзләр,аннан соң җөмләләр төзегез

-Нинди җөмлә килеп чыкты?(Укучылар  җавабы тыңлана,аланга чәчәк беркетелә)

Килешләр турында эшне башлаганчы әйдәгез килешләрне искә төшерик.(1 укучы килешнең исемен атый,икенчесе соравын әйтә.)

-хәзер дәфтәрләрегезне ачып “Серле аланда”гы 2 чәчәкне килеш белән төрләндерегез.

-Төгәлләдек. Ничек төрләндердегез?(Укучылар җавабы тыңлана,нәтиҗә ясала,аланга чәчәкләр беркетелә)\

-Укучылар инде безнең аланга бары тик ике чәчәк кенә беркетелмичә  утыртылмыйча калды?

-Нинди чәчәкләр ул?

-Миләүшә һәм ләлә чәчәкләре.
-Әйдәгез,укучылар сез  дәфтәрләрегездә  белән шул сүзләрне кертеп ике җөмлә төзегез.Беренче җөмләдә миләүшә сүзе кем соравына ,икенче җөмләдә нәрсә соравына җавап булып килсен. (Укучылар җавабы тыңлана,нәтиҗә ясала.)

-Бу бирем буенча да үзегезгзә  билгеләр  куегыз.

4.Бәяләү этабы.

-Укучылар,хәзер үзебезнең “Серле алан”га күз салыйк әле.Без аңа ничек итеп яшәү көче бирдек?

Ә без утырткан чәчәкләр сезгә ярдәм иттеләрме?(Укучылар җавабы тыңлана)

-Әйе,укучылар без аланыбызга чәчәкләр утыртып сезнең белән исем сүз төркемен кабатладык, аланнарыбыз һәрвакыт матур булсын дисәк без  нәрсәләр эшләргә тиеш соң? (Укучылар җавабы тыңлана,нәтиҗә ясала)

-Бүгенге дәрес сезгә охшадыма?

-Кем үзенә 5ле билгесе куйды ?

-Кем 4 ле билгесе куйды?

 Молодцы  укучылар, мин дә сезнең билгеләр белән килешәм.

5.Өйгә эш бирү.