Татар теленнән дәрес планы."Бертөрле ике тартыкның янәшә килүе" 2 сыйныф
план-конспект урока (2 класс) по теме

Тема:Бертөрле ике тартык аваз хәрефләренең янәшә килүе Максат:1.Укучыларның икеләтелгән тартык авазлы сүзләрне дөрес язарга, юлдан-юлга дөрес күчерергә өйрәтү.

                 2.Матур язу күнекмәләрен                                                                                                                                                                                                                                                                                               камилләштерү.

                  3.Логик фикер йөртү сәләтен үстерү.

                    4.Туган телгә ихтирам ,кызыксынучанлык, дуслык,табигатькә сакчыл караш тәрбияләү.

Метод һәм алымнар: әңгәмә,тикшерү,өлешчә эзләнү.

Технология:коммуникатив үстерелешле укыту,компьютер технологиясе

Планлаштырылган нәтиҗә:1.Бертөрле ике тартык аваз хәрефе булган сүзләрне истә калдыру;

2.Янәшә килгән бертөрле ике тартык аваз хәрефләре булган сүзләрне дөрес язу һәм юлдан-юлга дөрес күчерү.

Җиhазлау:таблицалар,индивидуаль-дифференциаль карточкалар,кроссворд,компьютерда слайдлар,ябалак,пингвин,күбәләк рәсемнәре.

Материал:Татар теле 2 сыйныф.И.Х.Мияссарова,К.Ф.Фәйзрахманова. “Кызыклы граммтика” С.Г.Вәгыйзов. “Мәгариф” журналлары.

Уку эшчәнлегенең универсаль уку гамәлләре

Дәрес барышы

1.Оештыру өлеше

Укучыларны дәрескә әзерләү

-Хәерле иртә, балалар,дәресебезне башлыйбыз.

2.Төп өлеш

1.Матур язу

Дөрес итеп утырып

Язам җайлап матурлап

Ярамый бит дәфтәргә

Төшерергә кара тап.

Кк  Мм  Сс  Шш  Зз

2.Алган белемнәрне актуальләштерү

1)-Ә хәзер узган дәресне кабатлап алыйк.Чөнки белемнәрне кабатлап торганда гына белем нык була.Сезгә биремнәрне пингвин алып килгән.(пингвинда инд. карточкалар.Карточкада я,ю,е хәрефләренең дөрес язылышы буенча эшләр. Шуны эшлиләр.)Бер-берегезнекен тикшерегез.

2) Уен “Күбәләкне үз чәчәгенә кундырырга”.Аңлатмалы сүзлектән бу  сүзләрнең дөреслеген тикшер.

3)”Сүзләр төзе” уены.

Таблицадагы сүзләрне төзү.

 Т                П              К                    Т        

         А                               Ү  

        У                                  А          

Т                  К              К                   К    

 Нинди тартыкка беткән?

-Саңгырау.

-Дөрес.

3.Яңа материал өстендә эш

-Хәзер балалар,менә бу таблицадагы сүзләргә күз салыгыз әле.Бу сүзләрнең язылышына игътибар итегез.Сез нәрсә әйтә аласыз?

    -Сүздә ике бертөрле хәреф рәттән язылган

-Нинди авазны белдерә алар?

-тартык

-Димәк,ике тартык янәшә килгән.

Физ-ка

 -Дәреслектәге 76 нчы күнегүне табыйк әле.Күнегүне кем аңлатып бирер икән? –

-Күнегүне укып чыгарга һәм бертөрле ике тартык янәшә килгән сүзләрне күчереп язарга.

-Аңлатмалы сүзлектән грипп сүзенең  мәгънәсен ачыклыйк әле.

-Бу сүзнең мәгънәсен, язылышын истә калдырыгыз.Грипп белән авырмас өчен ниләр эшләргә кирәк? Ничек уйлыйсыз?

-....

Мөстәкыйль эш дәфтәре буенча эш. 31 нче бирем (28 бит)

-Ә юлдан-юлга ничек күчерербез икән без бу сүзләрне?

-Иҗеккә бүлеп күчерәбез. Ләкин берсе бу якта кала, икенчесе икенче юлга күчә: хок-кей,пер-рон.

4.Алган белемнәрне ныгыту өстендә эш.

Хәзер менә бу таблицага кеше  исемнәре язарга кирәк

  -Ә хәзер мин сезнең яңа теманы ничек аңлаганыгызны тикшереп алыйм әле.Дәфтәргә 77 нче күнегүне эшлибез.

-Сезгә зирәк ябалак та табышмаклар алып килгән.

            Вокзал алдында поездга

            Утыра торган урын

             Ике  р белән языла

             Исеме аның ....(перрон)

              Тимер юлдан үтә ул

               Еракларга китә ул

                Сүз ахыры ике с

               Аның исеме ......(экспресс)

            Краннарны борасың

             Су тутырып куясың

             hәркем юына анда

         аның исеме........(ванна)

-Бик әйбәт,тырыштыгыз

-Ә үзегез нинди сүзләр беләсез?Сүзлектә нинди сүзләр очраттыгыз?

(Россия,класс,аккош,....)

3.Өй эше.

78 нче күнегү

4.Дәресне йомгаклау

-Без дәрестә нәрсә турында сөйләштек?

5.Рефлексия

Сезнең кәефегез ничек булды?Теманы син аңлый алдыңмы?

Дәрестә үзеңә нинди билге куяр идең?