"Авырлыкны тою"
методическая разработка (2 класс) по теме

Тема: Авырлыкны тою.

Максат:

1. Авырлыклары буенча предметларны чагыштыру.

2. Капшап карап тою, күрүне координацияләү, вак моториканы үстерү;

3. Ихтыяр көчен ныгыту, түземлелек, тәвәккәллек тәрбияләү.

Материал: Күрү гимнастикасы плакаты, бармак гимнастикасына рәсемнәр, 2 сулы савыт, төрле авырлыктагы предметлар (гер, йозак, кайчы, кулъяулык) һ.б., төсле карандашлар, альбом бите, компьютер, магнитафон.

Дәрес барышы:

I. Психогимнастика.

II. Дәреснең темасы белән таныштыру.

- Бүген без сезнең белән предметларның авырлыгын билгеләрбез һәм рәсемнәрен ясарбыз. Математика дәресләрендә сез билгеле бер предметның авыр, ә икенчеләренең җиңел икәнен белдегез. Ә кайбер очракта без боларны күзаллап та билгелибез, ә кайчакта үлчәп карыйбыз. Үлчәү өчен нинди прибор кулланабыз инде без? (Үлчәү) Безнең чорда үлчәүләр ярдәмендә теләсә нинди предметның авырлыгын үлчәп була: тузан бөртегеннән алып филгә хәтле.

- Сез игътибар иттегезме, мин авырлыкны нинди сүзләр белән белдердем? (авыр һәм җиңел). Бу сүзләр тактада бар һәм сез аларны кирәк чакта куллана аласыз.

III. Бармакларны язу.

- Ә хәзер, безнең алыштыргысыз ярдәмчеләребез - бармакларны язып алыйк.

- Безнең кулда 5 бармак:

Баш бармак бау ишә

Имән бармак имән кисә,

Урта бармак ут эзли,

Атсыз бармак ат җигә,

Чәнти бармак чәй эчә.

IV. Бармак гимнастикасы.

1. Элмәк
2. Чылбыр
3. Фил
4. Туп
5. Өй
6. Чәчәк

V. Күрү гимнастикасы.

- Ә хәзер безне икенче алыштыргысыз ярдәмчеләребез – күзләр көтеп тора.

а) йомып алу;

б) күзне кысып алу, йомып алу;

в) күз белән ату: уңга-сулга, өскә-аска.

г) күз белән рәсем ясау;

д) бармаклар белән күз тирәли массаж ясау.

е) еракка карыйбыз- борын очына;

з) йомып-йомып алабыз.

VI. Төп өлеш

1. Предметларның авырлыгын билгелә.

(Өстәлдә 4 предмет: агач шакмак, пластмас помидор, тимер шөреп, балчык шакмак)

1. Минем янга килеп, һәрберегез өстәлдә яткан предметларны капшап карагыз.
2. Зурлыклары һәм формалары белән бертөрле предметларны атагыз.
3. Аларның авырлыклары тигез булырмы? Ә ни өчен? (Чөнки алар төрле материалдан ясалганнар: агачтан, тимердән, балчыктан, пластмассадан).
4. Ә хәзер иң авырыннан башлап җиңеләя бару тәртибендә урнаштырыгыз. Уйлап карагыз әле, безнең өстәлдә шөреп иң кечкенәсе булуга карамастан, иң авыры булырмы?

2. “Рәсемгә карап предметның авырлыгын билгелә”

5. Ни өчен үлчәүнең савытлары төрлечә тора: берсе өстә, берсе аста?
6. Ни өчен аю белән шундый очрак булган?
7. Ни өчен бу ике кеше икесе ике төрле бара?( чемодан һәм сумка күтәргәннәр)
8. Карбыз авырмы, әллә помидормы?
9. Нәрсә җиңелрәк: тычканмы, сыермы?
10. Нәрсә авыррак: аюмы, әллә куянмы?

3. “Батарга тырышма уены”.

Сулы савытка йөзә торган савыт куябыз һәм әкренләп савытка акча салабыз.Ничә тиен акча салгач савыт батуын билгелибез.

4. “Нәрсә җиңелрәк, нәрсә авыррак икәнен билгелә”

Компьютерда авырлыклары кимүгә таба тезелгән хайван рәсемнәре.

11. Ни өчен фил иң беренче, ә күбәләк иң азакы? (Чөнки фил иң авыры)
12. Аларны авырлыклары буенча чагыштырыйк:
13. Фил иң авыры;
14. Бегемот үрдәктән авыррак, ә филдән җиңелрәк;
15. Үрдәк....
16. Куян...
17. Тычкан...
18. Күбәләк иң җиңеле.

5. Иң җиңел хайванны яса.

19. Сезнең алда хайван рәсемнәре. Ләкин авырлыклары төрлечә: берләре авыр, ә икенчеләре җиңел. Шаблоннар ярдәмендә бу хайваннарның иң җиңелен ясыйбыз.

VII Йомгаклау.

1. Рәсемнәргә йомгак ясау.
2. “Тылсымлы капчык”тан берешәр әйбер алыгыз һәм түгәрәккә басыгыз. Предметларны кулдан-кулга тапшырабыз һәм иң авыры нәрсә икәнен билгелибез.