“Минем Ватаным” темасына 2нче сыйныфның рус төркемендә үткәрелгән туган тел дәресе эшкәртмәсе
план-конспект занятия по иностранному языку (2 класс)

Биектау муниципаль районы

“Г.Баруди исемендәге 4нче номерлы Биектау урта гомуми белем бирү мәктәбе”

“Минем Ватаным” темасына

 2нче сыйныфның рус төркемендә үткәрелгән туган тел дәресе эшкәртмәсе.

Укытучы – Заһидулина Альбина Фәнис кызы.

Дәреснең максатлары

 Белем бирү максаты:.

-« Мин Татарстанда яшим» темасы буенча сүзләр белән танышу һәм грамматик    

 яктан дөрес төзелгән сөйләм телен үстерүне дәвам итү.

-«Туган ягым» хикәясе белән таныштыру.

- «Туган ягым табигате» темасына караган лексиканы  һәм төркемнәрдә эшләү  

 күнекмәсен ныгыту.  

Үстерү максаты:

- укытучы куйган максаттан чыгып, үз эшчәнлекләрен планлаштыру һәм аларны тормышка ашыру юлларын, чараларын эзләү, табу, сынап карау, нәтиҗә ясау;

укучыларның чагыштыру, анализ ясый белү һәм дәлилли белү күнекмәләрен үстерү, әдәби телдә дөрес һәм образлы итеп сөйләү телен үстерү, укучыларның сүзлек байлыгын арттыру.

Тәрбия максаты: 

укучыларда туган табигатебезгә, әйләнә-тирә мөхиткә,шулай ук  янәшәдәге кешеләргә игътибарлылык, дуслык хисен һәм дусларга карата хөрмәт хисе тәрбияләү.

Җиһазлау:  проектор, ноутбук, биремле карточкалар, файл эчендә ак кәгазьләр; җавапларны бәяләү өчен  өчен яшел яфраклар,  дәреслек: Күңелле татар теле: рус телендә төп гомуми белем бирү мәктәбе 2нче сыйныфы өчен дәреслек (рус балалары өчен), Р.З..Хайдарова, Н.Г.Галиева,Г.М.Ахметзянова,  -Казан: Татармультфильм, 2013.

Кулланылган структуралар: Тэйк оф – тач даун,  Тик-Тэк-Тоу ,Эй ар гайд, Микс-Фриз Груп, Континиус Раунд-Робин.

Дәрес барышы.

1.Оештыру өлеше.

1) Уңай психологик халәт булдыру. 

Хәерле көн, укучылар

Хәерле көн барчагызга

Телимен чын йөрәктән

Башлыйк дуслар дәресне

Шундый изге нияттән.

А ) Фонетик зарядка: Кабатлыйбыз:

Ү – үсә, түзә,үрдәк;

У – урман, тугыз, утын;

Ө – өч, өй, йөз;

Җ – җиде, җиләк, җыя;

Һ – һава, һәйкәл, шәһәр,

ң – яңа, яңгыр, сиңа.миңа.

б ) Ишетеп аңлау күнегүләре:

1.Прослушайте и укажите слова, отвечающие на вопрос  нинди?:

• яшел, чәчә,  матур, яши, зур, кайта, ак.

2.Прослушайте и в паузах скажите каждое слово во множественном числе:

• бүре,аю,куян,елга,урман,шәһәр,авыл.
• Тактада язылган сүзләрне укып,тәрҗемә итәргә.
•      Төн,ат, тәрәзә, аш, рәсем, су, такта, алма, нарат.
•  -Сүзләрнең беренче хәрефләрен җыеп,сүз төзергә. (Татарстан)
•  -Нинди сүз килеп чыкты?
•  -Ә нәрсә соң Татарстан?
•  -Без кайда яшибез?
•  -Татарстан зурмы?
•  -Татарстанның президенты кем?

II.Белем һәм күнекмәләрне кабатлау һәм ныгыту.

-Укучылар, без бүген туган ягыбыз булган Татарстан республикасы һәм аның гүзәл табигате  турындагы белемнәребезне кабатлауны һәм ныгытуны дәвам итәрбез.

Ә дәрес ахырында  белемнәрне шушы яфраклар саны буенча бәяләрбез.  Һәр дөрес җавапка бер яфрак биреләчәк. Дәрес ахырында һәр укучы үзенә шушы яфраклар санына карап билге куячак .Билге куюның шарты түбәндәгечә, әгәр  8 дән күбрәк яфрак җыйсагыз ”5” ле, 6 -7яфрак- “4” ле, 4-5 яфрак “3”-ле билгесе.  

-Ә хәзер алдагы дәрестә алган белемнәребезне искә төшереп алыйк әле.

а) Тэйк оф – тач даун  структурасы

(Укытучы  сорау бирә, риза булган укучы баса,риза булмаса басмый).

 -Татарстанда төрле милләтләр яши.

 -Татарстанның башкаласы- Мәскәү.

 -  Татарстанның  үз гимны бар .

         - Татарстанның президенты Минниханов Рөстәм Нургали улы.

         - Татарстанда  бик күп урманнар һәм елгалар   бар.  

 -Татарстан флагында өч төс бар.

б).Тик-Тэк-Тоу структурасы.( 2 минут вакыт бирелә)

Бирелгән сүзләрдән  3 җөмлә төзегез (вертикаль, горизонталь, диагональ).

Җөмләләрне  чылбыр тәртибендә укып чыгу, хаталарын төзәтү.нәтиҗә ясау.

Физминутка:

 Микс-Фриз Груп структурасы

- Хәзер ял итеп алабыз. Урындыкларны рәтләдек, парта артыннан чыгабыз һәм әйләнә буенча басабыз.  

 (Укучылар музыка башлангач әйләнә буенча йөриләр. Музыка туктауга укытучы кушкан эшне эшлиләр).  

-Сез ничәнче сыйныфта,шул кадәр басыгыз.

-Ничәнче  дәрес бара?

-Татарстан флагында ничә  төс бар?

-Казан сүзендә ничә хәреф бар?

-Баулы сүзендә ничә сузык хәреф бар?

-Татарстан сүзендә ничә иҗек?

III. Дәреснең төп өлеше.

1. Сүзлек өстендә эш :  

Шәһәр, елга, урман, кыр, поши, тиен, керпе, туган як, куе, усал, хәйләкәр, поши

4)Сорауларга җавап бирү.

   - Татарстан синең туган ягыңмы?

   -Табигате нинди?

   - Татарстанда нәрсәләр бар?

   -Урманнарында нинди җәнлекләр яши?

-Татарстанның башкаласы нинди шәһәр?

   -Сез нинди телдә сөйләшәсез? (На каком языке вы разговориваете?)

2. Укажите,что изменено во втором предложении каждый пары.

Татарстанда елгалар күп.

Татарстанда зур,озын елгалар күп.

Татарстанда шәһәрләр матур.

Татарстанда шәһәрләр чиста,матур.

3. Вместо точек подбери слова.

Татарстанда ...  урманнар, ... кырлар,күлләр бар.

Татарстанда ..., ...  елгалар күп.

Татарстанда ..., ... шәһәрләр күп.

 Слова: матур,куе,чиста,озын,киң,зур.

5.Континиус Раунд-Робин структурасы. (укучылар группада биремне тикшерәләр ,нәтиҗә ясыйлар)

IV. Йомгаклау.

- Укучылар, без дәрестә нәрсә турында сөйләштек?

- Безнең Татарстаныбызда  нинди елгалар бар?  

 -Кайсы шәһәрләрне истә калдырдыгыз ?

V. Билгеләр кую.

- Ә хәзер әйдәгез, үзебезгә билгеләр куябыз. Яфракларны алдык , саныйбыз һәм үзебезне бәялибез.

VI. Өйгә эш. 5 нче күнегү 105 бит укырга.

- Барыгызга да рәхмәт.  Дәрес бетте. Сау булыгыз.

  Дәрескә технологик карта