Ойын сабақ
план-конспект занятия ( класс) на тему

Ересектер тобына арналған ойын-сабақ .

«Мемлекеттік тіл тірегі-балабақша»


Мақсаты:  - Балалардың қазақ тілінен меңгерген білімдерін пысықтау;

                     -Ойлау қабілеттерін дамыту, байланыстыра сөйлеу дағдыларын    

                       қалыптастыру;

                     -Отансүйгіштікке, ынтымақтастыққа, достыққа тәрбиелеу;                            

Көрнекіліктер: ойыншықтар, суреттер, үлестірме материалдар

Әдіс-тәсілдер:  түсіндіру, сұрақ-жауап, ойын.

Сабақтың барысы:

Жылулық шеңбері:

Кел, балалар күлейік,

Күлкіменен түлейік.

Күлкі көңіл ажары,

Күліп өмір сүрейік  - деп бір-бірімізге алақанымызды тигізіп, жүрек жылуын сыйлайық.

Қазақстан Республикасының мемлекеттік әнұранын орындаймыз.

     Балалар, тіл мәселесі қазір ең маңызды мәселенің бірі. Біздің бүгінгі егемен елімізде мемлекеттік тілге үлкен мән беріліп, оның бүгіні мен ертеңіне айрықша алаңдаушылық білдіруде. Бүгінде тіл жөнінен көп жетістікке қол жеткіздік. Мәселен, ана тіліміз - қазақ тіліне Мемлекеттік статус беріліп, Тіл туралы Заң қабылданды. Тіл ұлттың белгісі, халықтық мұрасы. Ендеше «Мемлекеттік тіл тірегі-балабақша» сайыс сабағымызды бастайық.

Балаларды екі топқа бөлеміз: " Тұлпарлар" тобы және "Сұңқарлар" тобы

Енді сайыс сабағымызды бастамас бұрын әділқазыларды сайлап алайық, сосын сайысымызды бастаймыз.

1) Сұрақ- жауап:

Біз қай мемлекетте тұрамыз?

Президентіміз кім?

Астанамыз қай қала?

Туымыздың түсі қандай?

2) Ойын: "Кім көп сөз біледі ?"

Ойынның барысы: қай топ қазақша көп сөз айтады сол топ ұтады.

3) " Ойлан тап " ойыны. Бұл ойында қолмен сипап сезу арқылы заттың атын тауып, қазақша айту.

4)  "Кім жоқ" ойыны.Магнитті тақтаға ілінген суреттер бойынша ойналады.Балалар көздерін  жұмады. Осы кезде бір сурет алынып тасталады. Балалар кім жоқ екенін тауып қазақша атайды.

Сергіту сәті : қазақтың ұлттық ойыны " Теңге алу"

5) " Жануарларды жинау" ойыны. Шашылып жатқан карточкалардан бір топ үй жануарларын , екінші топ жабайы жануарларды жинау керек және қазақша атауларын айту керек.

6) " Қуыршақты киіндір" ойыны. Қуыршақтарды киіндіре отырып киімдердің қазақша атауларын атау керек. Дұрыс айтқан топ ұтады.

Осымен балалар ойын сабағымыз аяқталып келеді.

Әділқазылар ұпай санын шығарғанша келіңдер балалар " Қара жорға" биін билейік.

Балаларды марапаттау.

Рахмет сау болыңдар балалар.