Сценарий инсценировки русской народной сказки "Репка" на якутском языке
материал (младшая, средняя группа)

Сценарий инсценировки русской народной сказки “Репка” на якутском языке

автор сценария инсценировки Лебедева М.П.

Уһуйааммытыгар Остуоруйа киэһээтэ...

«Эриэппэ»

нуучча норуотун остуоруйата

(музыкальный фон:  русские  народные мотивы)

 Остуоруйаһыт:  -Араай биирдэ олорбуттара эбитэ үһү, оҕонньордоох эмээхсин.  

Биир үтүө күн эмээхсин эппит: - оҕонньоор, саас буолла дии,  тахсаҥҥын эриэппэтэ олордоор эрэ.

Оҕонньор:  - ээ, сөп, олордон бөҕө буоллаҕа дии.

Остуоруйаһыт:  - Оҕонньор тахсан эриэппэ сиэмэтин буорга  олордон кэбиспит. Сарсыҥҥытыгар тахсан  көрбүтээ, эриэппэтэ уп-улахан буолан үүнэн турар эбит. Оҕонньор тарда сатаабыт, тарда сатаабыт да кыайан туура тардыбатах.

Оҕонньор:   - оо, эриэппэм олус улахан буолан сатаан туурбатым дии, бээ, эмээхсиммин ыҥырыахха...  - эмээхсин, кэл, кэл, көмөлөс!

Остуоруйаһыт:  Эмээхсин кэлэн көмөлөспүт.  Эриэппэни тарпыттар, тарпыттар да сатаан туура тардыбатахтар.

Эмээхсин:  - бээ, эрэ сиэн кыыспытын Машеньканы ыҥырыахха. Машенька, кэл, кэл көмөлөс..

Остуоруйаһыт:  - Сиэн кыыстара тиийэн кэлбит, эриэппэни тардыбыттар, тардыбыттар  да сатаан туура тардыбатахтар.

Машенька:  - ыппытын Жучканы ыҥырыахха. – Жучка, Жучка кэл, кэл көмөлөс биһиэхэ...

Остуоруйаһыт:  - ыттара Жучка үрэ-үрэ сүүрэн кэлбит. Эриэппэни тардыбыттар, тардыбыттар  да сатаан туура тардыбатахтар.

Жучка:    - куоска Баасканы ыҥырыахха, куоска Бааска кэл, кэл көмөлөс...

Остуоруйаһыт:    - куоскалара ньааҕынаан сүүрэн кэлбит. Эриэппэни тардыбыттар, тардыбыттар  да сатаан туура тардыбатахтар.

Куоска Бааска:     - кутуйаҕы ыҥырыаххайын. Кутуйах, кутуйах кэл, кэл көмөлөс...

Остуоруйаһыт:  -кутуйах обургу сүүрэн кытыгыраан кэлбит. Эриэппэни тардыбыттар, тардыбыттар, дьэ туура тардан ылбыттар.

Остуоруйаһыт:    -  эриэппэлэрин дьэ тууран үөрүү үгүһэ, үҥкүү бэртээхэйэ буолбут,  (хоровод русская -плясовая) дьэ итини этэн эрдэхтэрэ норуот күүһэ көмүөл күүһэ диэн. Манан остуоруйабыт бүттэ болҕомтоҕут иһин баһыыбаларын.

Оруоллары толордулар:

Остуоруйаһыт –

Эриэппэ –

Эмээхсин –

Оҕонньор –

Сиэн кыыс Машенька –

Жучка –

Куоска Бааска –

Кутуйах –