Сынньалан чаас сценарийа
материал (старшая группа)

Аан дойду дьахталларын күнүн сценарийа

Сыала: кыыс оҕону кэрэни кэрэхсииргэ, алаһа дьиэ араҥаччыта буоларыгар, үтүө майгыга иитии; ситимнээн саҥарар, ыллыыр, үҥкүүлүүр дьоҕуру сайыннарыы.

Бэлэмнэнии үлэ:

- үҥкүү хамсаныыларын, ырыа, хоһоон тылларын  үөрэтии;

- бэсиэдэ;

- хартыыналары, открыткалары көрүү.

Сандал сааспыт барахсан сандаарыйан кэллэҕэ, күлэн-үөрэн мичилийэн бырааһынньыгы аҕаллаҕа!

Үтүө күнүнэн күн күбэй ийэлэр, кыталык мааны кыргыттар! Эһигини барыгытын бу бастакы сааскы бырааһынньыгынан итиитик-истиҥник эҕэрдэлиибит! Баҕарыа этибит эһиэхэ алаһа дьиэ сылааһын, бары саҕалааһыннаргытыгар ситиһиилэри, дьолу-соргуну, кырачаан кыргыттарбытыгар дьоллоох оҕо сааһы! Итинник истиҥ тыллары этэн туран эһиэхэ анаабыт аралдьыйыыбытын саҕалыыбыт.

Ийэ диэн күндү киһи

Киниэхэ тэҥнээх ким баарый?

Ийэ диэн күн киһи

Кинини өрүү харыстыыр буолуҥ!

(Ырыа “Мамочка”)

(Хоһоон)

Ыал ийэтин сандалыта минньигэс, араас элбэх астаах буолар. Киниэхэ куруук кыыс оҕото илии-атах, көмө буолан иннигэр-кэннигэр түсүһэр. Билигин ийэлэр кыргыттарын кытта түргэн-тарҕан хамсаныынан тупсаҕай көстүүлээх канапэ оҥорон таһаарыахтара. (Канапэ)

1. Таһырдьа хайа буолар, дьиэҕэ уу буолар баар үһү (Хаар).

2. Муора ортотугар көмүс кытах уста сылдьар уьу. (кун)

3. Бала5ан урдугэр барча тохто сытар уьу (сулустар)

4. Туерт ааттаах биир кыыл баар уьу (дьыл кэмнэрэ)

5. Тыына сиик, суорҕана туман, тэллэҕэ сиэркилэ баар уьу. (Уу)

6. Устар –устар даҕаны устан бүппэт, сүүрэр-сүүрэр да сүүрэн тохтообот баар үһү (Өрүс).

7. Саас үөрдэр, күһүн сөрүүкэтэр, күһүн аһатар, кыһын ириэрэр баар үһү (Тыа).

Билигин кыргыттар Большакова Арина Алтыбаевна джинсы материалтан фантазиялаан тикпит авангард муодатын көрдөрүөхтэрэ.

(Муода)

Оонньуу  (помада)

Сүрэх быһыылаах кумааҕыга кыргыттар уостара ойууламмыт, ийэлэр оҕолор уостарын быһыытынан бэйэлэрин оҕолорун уостарын булуохтаахтар.

Кустук араас өҥүнэн оонньууллар

Кэрэчээн бэйэлээх сибэккилэр,

Сүрэҕим үөрүүтүн үллэстэллэр,

Күннээҕи олохпун киэргэтэллэр.

Сибэккилэр, сибэккилэр,

Сибэккилэр мин тэлгэһэбэр

Сиэдэрэй ойуу-бичик буоланнар

Үҥкүүлүүллэр мин тулабар.

(«Сибэккилэр» - үҥкүү)

Сир аайыттан дьиэрэйдин

Сахалыы ырыа-тойук,

Дуоһуйа истиэҕин

Кыргыттарбыт ырыаларын!

(«Чороон» - ырыа)

Оонньуу (“Кыыскын бул”)

Ийэлэр харахтарын симэн круг оҥорон төгүрүччү тураллар, круг иһигэр кыргыттар. Музыка тыаһыыр ийэлэр круг устун төгүрүччү эргийэллэр. Музыка тохтуур, ийэлэр илии иминэн оҕолорун илиилэрин булуохтаахтар.

(Хоһоон “Мамочка”)

Күндү ийэлэр өссө төгүл сааскы сырдык бырааһынньыгынан барыгытын эҕэрдэлиибит уонна кыргыттар ийэлэргэ ис сурэхтэн онорбут бэлэхтэрин туттарыахтара. Манан Аан дойду дьахталларын күнүгэр анаммыт аралдьыйыыбыт түмүктэнэр. Биһиэхэ кэлэн ыалдьыттаабыккытыгар махталбытын тиэрдэбит.