Кěркунне патěнче хăнара
план-конспект занятия (средняя группа)

Йěпреç районě Пучинке ялě «Пучах» ача сачě.

«Кěркунне патěнче хăнара»

(вăтам ушкăн  валли)

Воспитатель: Пашкова Т.А.

2020 г.

Кěркунне (воспитатель) ачасене хăйěн патне хăнана чěнеть. Хаваслă кěвěпе ачасем зала кěреççě.

Кěркунне: Кам сăрланă, ачасем

                   Вěрене çулçисене.

                   Пулнă тăнă симěсрен

                   Хěрлě сарă та кěрен.

Ачасем: вăл асамçă  кěркунне!

Кěркунне: Çапла, ачасем. Эпě  кěркунне, сирěн пата юрласа савăнма, сăвăсем калама  килсе çитрěм.

Ачасем: Килсе çитрě кěркунне

               Ылтăн тумěпе!

               Пахча тулли çимěçпе

               Сивě çилěпе.

               Ушкăн-ушкăн кайăксем

               Мал енне васкаççě.

               Йывăçсем те çулçăсем

               Куллен саралаççě.

               Йывăçсен çулçисем

               Хěрлисем, саррисем.

               Тăкăнаççě  хуллен

               Çěр çине майěпен.

Кěркунне: ачасем, эпě сирěн пата хěрлě, сарă çулçăсем илсе килтěм.

Юрăлла  ташă: «Хěрлě-сарă çулçăсем»

               Хěрлě, сарă çулçăсем

               Пахчара вěçеççě.

      Вěлěр - вěлтěр çаврăнса

               Çěр çине ўкеççě.

                  Айтăр - айтăр, ачасем

                  Савăнса ташлар- ха,

                  Çулçăсем пек вěтěр - вěлтěр,

                  Хуллен çаврăнар - ха.

Кěркунне: эсир çулçăсемпе ташланă вăхăтра çумăр пěлěчěсем  пуçтарăнчěç,  ăмăр çанталăк пуçланчě.

                Вăйă:«Хěвелпе çумăр».

(Вăйă  вěçленсен ачасем тенкелсем çине кайса лараççě).

Сăвăсем  калаççě:

                               Колхоз вěçлет хир ěçне,

                               Тыр-пул кěрет пўлмене.

                               Пуян, тулăх кěркунне

                               Савăнтарать çынсене.

                               Хир пушанчě çап -çара,

                               Купăста çеç пахчара,

                               Юлнă кив йăран çинче,

                               Çитмěл тутăр пуçěнче.

                              Саралса пăхмасть хěвел,

                              Сивěтет санталăк.

                              Сивě шартлама хěлле

                              Кěç уçас пек алăк.

Кěркунне: вăрманти чěрчунсем еплерех хěллене хатěрленеççě - ши, ачасем? Итлěр, тупмалли юмахăн тупсăмне калăр.

                              Хěлле шурă, çулла çырă,

                              Кашкăртан хăрать, кишěр çиме юратать. (Мулкач)

Юрăлла ташă: «Мулкачсем садра ташлаççě»

                          Сěрме купăс эп калатăп

                          Пили-ли, пили-ли,

                          Мулкачсем садра ташлаççě

                          Пили-ли, пили-ли.

                          Алла тытрăм балалайка

                          Пăнтăр-тăк, пăнтăр-тăк,

                          Мулкачсем садра ташлаççě

                          Пăнтăр-тăк, пăнтăр-тăк.

                          Параппан часах янрарě

                          Бум- бум- бум, бум- бум- бум,

                          Мулкачсем тарса пытанчěç

                          Бум- бум- бум, бум- бум- бум.

Кěркунне упа çинчен тупмалли юмах калать.

                          Пысăкскер, хытă мěкěреть,

                          Шăтăкра хěлěпех çывăрать. (Упа)

Йывăçсем айěнчен упа упаленсе тухать (аслă ушкăнри ача упа тумне тăхăннă)

Кěркунне: упа çывăрса каяйман-ха, сирěнпе выляма килчě.

Вăйă: «Упа упа утаман»

                           Упа упа утаман

                           Ик урапа утакан,

                           Ачасене тытакан.

(ачасем тараççě, упа хăвалать)

Упа: Ачасем, эпě ывăнтăм, манăн çывăрас килеть(йывăçсем айне кěрсе выртать).

Кěркунне: Ачасем,манăн асамлă тутăр пур.

Вăйă: «Асамлă тутăр» (Кěвěпе ачасем ташласа çуреççě. Кěвě чарăнсан пěшкěнсе лараççě те куçěсене хупаççě. Кěркунне асамлă тутăрпа пěр ачине хуплать. Пурте куçа уçсан кам çуккине пěлеççě.Вăйă темиçе хут пулать. Юлашкинчен тутăрпа карçинккана витеть.  Унта пахча çимěçсем тата ачасем валли кучченеçсем)

Кěркунне: Сире вали манран кучченеç- пахча çимěçсем. Çийěр, сывлăхлă пулăр, ан чирлěр, хěллене кěтсе илме хатěрленěр. Эпě вара сирěнпе сывпулашатăп,тепре тěл пуличчен!

Ачасем: тавтапуç!

           Хаваслă кěвěпе залран тухса каяççě.