Мои разработки: "Аннесен уявĕ валли çырнă литмонтаж" 27.11.2019г.
материал (старшая группа)

Аннесен уявĕ валли çырнă литмонтаж.

Тĕллевсем: Аннене хисеплеме, юратма, хаклама вĕрентесси; ашшĕ-амăшĕпе ачасем хушшинчи пĕр-пĕрне ăнланас, пулăшас туйăма вăйлатасси, ачасен çыхăнуллă пуплевне, шухăшлавне аталантарасси.

                                               Литмонтаж йĕрки.

С.Н.  1-мěш ертсе пыракан: Ырă кун пултăр, хаклăран та хаклă аннесем!

М.В.  2-мěш ертсе пыракан: Сире чунтан-чĕререн аннесен уявĕ ячĕпе саламлатпăр. Ырлăх-сывлăх, иксĕлми телей, пурнăçра ăнланупа килĕшÿ сунатпăр.

С.Н.  1-мěш ертсе пыракан: Тăван çĕршыва юратасси те аннерен пуçланать, этемлĕх те аннепе çыхăннă. Кашни çыншăн «анне» тени пĕрремĕш сăмах, пĕрремĕш çын, пирвайхи туйăм…

М.В.  2-мěш ертсе пыракан: Анне…Аннеçĕм… Чи юратнă çынна кăна çапла çепĕç чĕнме пулать. Çак асамлă сăмахра чун-чĕре ăшши, пурнăç кунçулĕ.

С.Н.  1-мěш ертсе пыракан: Аннесем, пире эсир ырă та вашават, ăслă та пултаруллă, йăваш та сăпайлă пулма вĕрентетĕр. Пăхса ÿстеретĕр, ура çине тăратса телей парнелетĕр.

М.В.  2-мěш ертсе пыракан: Яланах ырă канашсем парса пурнăçри кăткăс лару-тăрура упратăр, çавăнпа эпир сире чунтан-чĕререн ( пурте пĕрле) ЮРАТАТПĂР!!!

С.Н.  1-мěш ертсе пыракан: Даша, эсĕ аннÿне юрататăн-и?

Даша: Эпĕ унсăр пурăнма пултараймастăп.

М.В.  2-мěш ертсе пыракан: Эсĕ вара, Надя, аннÿне юрататăп тесе каланă- и?

Надя: Тен, каламан та пулĕ, анчах эпĕ уншăн тем тума та хатĕр.

С.Н.  1-мěш ертсе пыракан: Эсĕ вара, Настя?

Настя:

Юратнă аннеçĕм,

Эс ман чĕрере.

Эс маншăн илемлĕ

Çут çăлтăр пекех.

Мана эс çуратнă,

Вĕрентнĕ утма.

Юратнă аннеçĕм,

Ялан пул манпа.

Йывăр чух пулатăн

Ялан эс çумра.

Мана пулăшатăн

Чăн-чăн çын пулма.

(Ачасем юрă юрлаççĕ: «Ман анне»)                                           

   Юрă: «Пирĕн анне».

Анне эсĕ ир тăран

Ир тăран та ĕç тытан. 2раза

Пахчара йăран çумлан,

Апатне лартса яран.

Васкаса ĕне сăван,

Кĕтÿне те хăвалан.

Ла-ла-лалала.

Ла-ла-лайла.

Ытарми хитре анне

Ывăнми ĕçчен анне.2раза

Çĕнĕ кунăн ыйхине

Эс сиретĕн пулмалла

Шуçăмне те хĕвелне

Эс чĕнетĕн пулмалла.

Ла-ла-лалала.

Ла-ла-лайла.

Анне эсĕ ир тăран

Ир тăран та ĕç тытан. 2раза

Пахчара йăран çумлан,

Апатне лартса яран.

Васкаса ĕне сăван,

Кĕтÿне те хăвалан.

Ла-ла-лалала.

Ла-ла-лайла.

С.Н.  1-мěш ертсе пыракан: Арсений, сан аннÿ мĕнле çын?

Арсений: Вăл пуринчен те илемлĕ, ырă кăмăллă, алли вара ылтăн.

М.В.  2-мěш ертсе пыракан: Надя, аннесемшĕн чи хакли мĕн-ши?

Надя: Темле япалана та туянма пулать, амăшĕшĕн ачисенчен хакли ним те çук. Кашни пепки ылтăнран та хаклăрах. Эсир килĕшетĕр-и манпа?

С.Н.  1-мěш ертсе пыракан: Çаплах, аннен çепĕç аллисем лăпканине, ачашланине мĕн çиттĕр енте.

Катя Т.: Анне пуртан эпир телейлĕ.

Ева: Вăл манăн вĕрентекен, юлташ, чи çывăх тус, вăл манăн чи çывăх çын.

М.В.  2-мěш ертсе пыракан: Виолетта, эсĕ аннÿне час-часах пулăшатăн-и?

Виолетта: Паллах, хуçалăхра ĕç нумай. Аннесем ан ватăлччăр тесен вĕсене яланах пулăшмалла. Пирĕн пулăшу вĕсене кирлĕ.

С.Н.  1-мěш ертсе пыракан: Оля! Санăн аннÿ тума пĕлмен ĕç пур-и?

Оля: Манăн анне пур ĕçре те маттур. Ларса канма пĕлмест, эреветлĕ-теветлĕ чĕкеç тейĕн. Пире те мĕн пĕчĕкрен ĕçе хăнăхтарать, ĕç вăл- пурнăç илемĕ-çке.

М.В.  2-мěш ертсе пыракан: Ксюша! Аннÿне мĕнле савăнтаратăн?

Ксюша: Эпир лайăх вĕренсен аннесем пуринчен ытла савăнаççĕ, мĕншĕн тесен амăшĕсем хăйсен ачисене ăслă-тăнлă, пысăк культурăллă, анлă тавракурăмлă курасшăн.

С.Н.  1-мěш ертсе пыракан: Аннен чи ырă чĕре теççĕ, тĕрĕсех-ши, Надя?

Надя:

Манăн анне питĕ ырă.

Куçĕ хăмăр, çӳçĕ çырă.

Мана ăшшăн çупăрлать,

Хăйĕн çумне чăмăртать. 

Унпа лайăх калаçма,

Пĕрле юмах вулама.

Сăвă калама вĕрентет,

Лайăх каласан хĕпĕртет. 

(Ачасем юрă юрлаççĕ: «Мамина улыбка»)

Мамочка родная я тебя люблю.

Все цветы весенние тебе я подарю.

Пусть солнце улыбается, глядя с высоты.

Как же это здорово, что у меня есть ты.2р.

Мамина улыбка вносит счастье в дом.

Мамина улыбка мне нужна во всем.

Мамину улыбку всем я подарю.

Мамочка родная я тебя люблю.2р.

Нет на свете лучше и милее глаз.

Мама всех красивее скажу я без прикрас.

Ведь без тебя мне мамочка не прожить и дня.

Как же это здорово, что ты есть у меня.2р.

Гриша: Манăн анне те тĕнчере чи ырри, айăпа кĕрсен те каçарать. Ачасем, ан кÿрентерĕр аннĕрсене! Вĕсем хисепе тивĕç.

М.В.  2-мěш ертсе пыракан: Катя С., эсĕ чи çывăх çынран каçару ыйтса курнă-и?

Катя С. : Астумастăп, анчах халĕ çак уявра эпĕ каçару ыйтасшăн. Каçар, аннеçĕм, кӳрентернĕ пулсан.

С.Н.  1-мěш ертсе пыракан: Настя, аннÿне тав тăвас килет-и?

Настя:

Тавах сана, анне, пире çуратнăшăн,

Пĕчĕкренех тӳрĕ çула тăратнăшăн.

Эс маншăн тĕнчере пĕр чи хакли,

Чечексенчен те эсĕ чи хитри. 

Родион:

Тавах сана, анне, эсĕ пурришĕн,

Çемçе те ырă кăмăллă пулнишĕн.

Санăн хитре, илемлĕ йăл-кулли

Сар пысăк хĕвелтен те чи ăшши. 

Руслан:

Аннеçĕм!

Эс нихăçан ан ватăл, ан куллян,

Эс пур пулсан, эп пуринчен пуян.

Музыкальная пауза – Танец «Мы матрешки»
Мы Матрешки, вот такие крошки,
А у нас, а у нас розовые щечки.
Мы Матрешки, вот такие крошки,
А у нас, а у нас чистые ладошки.
Мы Матрешки, вот такие крошки,
А у нас, а у нас модные прически.
Мы Матрешки, вот такие крошки,
А у нас, а у нас пестрые платочки.
Мы Матрешки, вот такие крошки
А у нас, а у нас красные сапожки.

С.Н.  1-мěш ертсе пыракан: Эпир анне умĕнче парăмра, çавăнпа та яланах хисеплесчĕ, юратасчĕ, ĕмĕрех пĕрле пуласчĕ, нихăёан та сире сăмахпа та, ĕçпе те кӳрентерес марччĕ.

 Ксюша:

 Ырă кăмăллă аннеçĕм,

Тав тăватăп пуç тайса

Пире пăхса ӳстернишĕн.

Юратнишĕн лăпкаса. 

Катя С.

Ыррине çеç вĕрентетĕн,

Тӳрĕ кăмăллă пулма.

Яланах пире пиллетĕн

Пурнăçра телей курма. 

Катя Т.

Çут хĕвелĕм эс, аннеçĕм.

Сывлăху сан пултăр çирĕп

Нумай-нумай пурăнма.

Юрататпăр пит сана.

Арсений: Çулсем иртнĕçемĕн аннесен сывлăхĕ хавшать, çавăнпа та сире чĕререн каланă ăшă сăмахсемпе савăнтарас килет.

Настя:

Анне эс пире ӳстернĕ,

Пăхнă пире ир те каç.

Ырă пурнăç эс пилленĕ,

Çĕр çултан та иртсе каç. 

Тав сăмахĕ шав калатпăр

Сана анне кунсерен.

Ырлăх-сывлăх, вăй сунатпăр,

Пулсам пĕрле çулсерен.

Надя:

Анне, анне, аннеçĕм!

Сана эп юрататăп!

Пĕр саншăн çеç çурхи ир

Хире чупса тухатăп.

Хитре чечек тататăп,

Ăна сана паратăп.

Пĕрле ачасем калаççĕ:     Аннеçĕм, ман, аннеçĕм!

Сана чунтан саватăп!

                                           Такмаксем.

Аттене те хывман эп,                          Эп юрлама юратап,

Аннене те хывман эп.                         Эп ташлама юратап,

Шупашкарти артистсен                      Юрланипе, ташланипе,

Кукамăшне хывнă эп.                         Аннене савăнтарап.

Утсассăн та, чупсассăн та,                  Эпир сире юрататпăр,

Эпир шыва каяс çук.                           Уявпа саламлатпăр.

Юрласан та, ташласан та,                   Сывлăх, телей, юрату

Эпир намăс курас çук.                        Сирĕн пултăр кашни кун.

 (Аннесемпе пĕрле юрлаççĕ «Солнечный круг»)