Сценарий. Яңа ел бәйрәме мәктәпкә әзерлек төркеме өчен
материал (подготовительная группа)

                                          Яна ел бәйрәме.(мәктәпкә әзерлек төркеме)

1а.б.:  Бәйрәм бүген Яңа ел,
Бөтен җиргә кар кунган.

Яңа елны каршылап,
Кунаклар да җыелган.

                    2а.б. Тышта нурлы, күңелле

                      Җиргә ап – ак кар ятты.

                      Җырлап – биеп каршылыйбыз

                      Яңа ел таңы атты.

1а. б. Әйдә, килегез, балалар,
Чыршы янына чыгыйк.
Бергәләшеп уйнап-көлеп,
Яңа елны каршылыйк.

Бию биеп кереп, ярымтүгәрәккә басалар
2 а. б. Балалар, игътибар белән тыңлагыз әле, мин сезгә бер табышмак әйтәм:
Төсен үзгәртми бер дә,
Гел яшел күлмәк кия.
Матур бизәнеп, һәр елны
Безгә кунакка килә.Кем ул?
Балалар. Чыршы, чыршыкай.
2а. б. Әйе, бик дөрес. Менә ул безнең чыршыбыз. Әйдәгез, хәзер чыршы тирәли сәяхәткә чыгыйк. Андагы матур уенчыкларны карыйк.
Балалар, кулга-кул тотынып, чыршы тирәсендә йөриләр,түгәрәккә басалар

1а.б.:Чыршыбыз бигрәк матур, бигрәк күркәм. Бәйрәмгә ул купшы күлмәкләрен киеп, бизәнеп-ясанып килгән. Балаларны һәм өлкәннәрне Яңа ел бәйрәмендә сөендерим дигән. Әйдәгез, шушы купшыкайга багышлап, җыр башкарыйк.

Җыр «Чыршы янында».
Алып баручы. Балалар, сез чыршы турында шигырьләр беләсезме? Әйдәгез, сөйләп күрсәтегез әле.

Даниэль: Дед Мороз прислал нам елку,

Огоньки на ней зажег.

И блестят на ней иголки,

А на веточках - снежок!                                                                                      

Риана: Елка наряжается -

Праздник приближается.

Новый год у ворот,

Ребятишек елка ждет.

Хәмзә: Җәй көне җиләк җыярга
Урманга барган идек.  
Яшел чыршыЯңа елга
Кунак булып кил дидек.

Эльвина: Исәнме, чыршы, исәнме,
Яңа ел килеп җитте.
Күңелле чыршы бәйрәмен
Без бик сагынып көттек.

Дарья: Была зеленой елочка,
Сегодня — вся в огнях,
И каждою иголочкой
Приветствует ребят.

Иделия:Нинди матур безнең чыршы!
Җем-җем килеп яна ул.
Башлыйбыз Чыршы бәйрәмен,
Котлы булсын Яңа ел!  Чыршыда утлар кабынып китә.                                                       
Җыр “Белые снежинки»”   (Ишек артында бәхәсләшкән тавышлар.)
2а. б. Балалар, мин ниндидер тавыш ишетәм. Сез дә ишетәсезме?(Ике Кар малае килеп керә, һаман бәхәсләшүләрен дәвам итәләр):
1 нче кар малае. Мин бирәм, мин бирәм. Минем бирәсем килә!
2 нче кар малае. Юк, үзем, үзем тапшырам!
2 а. б. Исәнмесез, Кар малайлары?! Нишләп тавышланышасыз? Ни булды?
1 нче К.М.. Без сезгә хат китердек. Хатны балаларга үзем бирәсем килә.
2 нче К.М. Минем дә бирәсем килә.
1 а.б. Туктагыз әле, дуслар, тынычланыгыз. Кайсыгыз җитез, шул тапшырыр хатны. Ә моны белү өчен мин сезгә бер уен тәкъдим итәм. Тыңлагыз. Менә бу урындыкны күрәсезме? Музыка уйнаганда сез урындык тирәли йөрерсез. Музыка туктауга урындыкка кайсыгыз тизрәк утыра, шул безгә хатны тапшырыр. Аңладыгызмы? Килешәсезме? Менә хәзер кем беренче икәнен күрербез. Башладык.
Уен «Кем беренче?»
2а.б. Ай, нинди җитез икәнсез. Афәрин! Шулай да менә бу дускай урындыкка беренче булып утырды. Я тапшыр инде хатыңны тизрәк.(Хатны алып баручыга бирәләр. (Конвертны ача. Укый). «Кадерле балалар, тиздән сезнең Яңа ел бәйрәменә килеп җитәм. Күчтәнәчләр, бүләкләр алып киләм. Көтегез. Кыш бабагыз.»
1 а.б: Рәхмәт сезгә, дуслар. Рәхмәт яхшы хәбәрегезгә, безне сөендерүегезгә! Безнең бәйрәмебезгә рәхим итегез. Кунак булырсыз. (Кар малайлары  шатланышалар, сикергәләп алалар.) Сезнең шикелле шаян-шук кар малайлары  бездә дә бар. Әйдәгез, алар белән бергә биеп алыгыз әле.
Кар малайлары биюе.
2 а.б. Рәхмәт яусын үзегезгә, бик матур биедегез. Кар малайлары, безнең бәйрәмебездә калыгыз, бергә-бергә күңел ачарбыз. Ә хәзер күмәкләшеп җырлап алыйк.
Җыр. «Чыршы янында»
1а.б. Балалар, бәйрәмебез күңелле генә бара, ләкин шушы бәйрәмнең төп кунаклары-Кыш бабай белән Карчәчәк тә булса, тагын да ямьләнеп китәр иде ул. Чакырабызмы аларны?
( музыка астында  Кыш бабай белән Кар кызы килеп керә.)
2а.б: Исәнмесез, Кыш бабай, Карчәчәк! Бәйрәмебезгә рәхим итегез! Түрдә узыгыз!
Кыш бабай.
Исәнмесез, балалар!Килдем ерак-ерактан.
Салкын, карлы төньяктан.
Көтүегезне белдем,Кар-буран алып килдем.
Хәзер мин сезгә кар-бураннарымны җибәрәм, кулларыгызны өшетәм. Саклап кала алырсыз микән кулларыгызны суыктан. Яле, кулларыгызны сузыгыз әле, ә мин килгәндә, яшерегез! Ыыз-ыыз итәм.
Уен: «Өшетәм».
Кыш бабай. Ай-һай, сез бик җитез, батыр, матур балалар икәнсез. Минем дә оныгым бик уңган, җитез. Таныш булыгыз, аның исеме – Карчәчәк. Ә хәзер кызым син сынап кара әле үзләрен.
Карчәчәк. Исәнмесез, нәни дусларым!
Мин - Кар кызы булам.

Кардан йолдызлар ясап
Җир өстенә яудырам.
Ә бит алар гади түгел, серле кар бөртекләре. Аларда табышмаклар яшеренгән. Тыңлагыз игътибар белән. (Кар бөртекләренә язылган табышмакларны укый.)
Ак ашъяулык таптым,
Җир өстенә яптым.(Кар.)
Килделәр агайлар балтасыз,
Салдылар күперне тактасыз.(Боз.)
Кемнең кигән киемнәре –
Энҗе кар бөртекләре,
Кемнең көмештәй сакалы,
Чәчләре, керфекләре?(Кыш бабай.)
Карчәчәк. Дөрес җавапларыгыз өчен рәхмәт дусларым, бу юлы да сынатмадыгыз.
Алып баручы. Кыш бабай, син килгәч бераз суытып та җибәрде. Әйдәгез, балалар җылынып алыйк әле.

Хоровод уены”Ручки-ручки”
2а.б. Әйдәгез, бәйрәмебезне дәвам итик. Безнең балалар бик матур итеп шигырь сөйли беләләр. Кыш бабай, Карчәчәк, тыңлап карагыз әле, сезгә ошар микән?                                                                              

Гаяз: Кыш бабай, кыш бабай,                                                                                                                                                                                                                                    Исән- сау килдеңме?                                                                                                                                                                                                                                               Син бездә яңа ел                                                                                                                                                                                                                                                Икәнен белдеңме?  

 Радмир: Әй, Кыш бабай, Кыш бабай,
Хуш киләсең, уз бире.  
Кунак булып килер дип  
Күптән көттек без сине.                                                                                                                                

Ләйлә: Белдеңме син безнең                                                                                                                                                                                                                              Сагынып көткәнне.                                                                                                                                                                                                                                         Үзең дә көттеңме                                                                                                                                                                                                                                                  Яңа ел җиткәнне.

Элиза: Кто пришел? Что принес?
 Знаем мы:Дед Мороз,                                                                                                                                                                                       Дед седой,с бородой
Он наш гость дорогой.                                                                                                            

Камил: Кулга кул тотынып                                                                                                                                                                                                                                       Ясыйк та түгәрәк                                                                                                                                                                                                                                               Әйдә кил ,кыш бабай,                                                                                                                                                                                                                               Жырлыйк бергәләп.

Альмир: Дед Мороз, хоть старенький, 
Но шалит, как маленький: 
Щиплет щеки, нос щекочет, 
Ухватить за уши хочет. 
Раиль: Кто в нарядной теплой шубе,
С длинной белой бородой,
В Новый год приходит в гости,
И румяный, и седой?
Айсу: Он играет с нами, пляшет,
С ним и праздник веселей!
- Дед Мороз на елке нашей
Самый главный из гостей!

 Раяна:  Пусть звучат повсюду песни

                 Веселится весь народ.

                В каждый дом заходит радость

                Новый день и Новый год!

Ильмир: Кто стоит там у ворот?
Это праздник, Новый год.
Двери мы ему откроем,
Вкусный стол скорей накроем.

Кәмилә: Кыш бабай, кадерлем,
Озак көттек без сине.
Сагындырдың килмичә,
Китмисең биемичә.
Җыр.  “Кыш бабай”          

 1а.б. Кыш бабай, сезгә безнең шигырьләребез, җырыбыз ошадымы?
Кыш бабай. Ошады, бик ошады. Бик зур рәхмәт сезгә!
2а.б. Кыш бабай, ә син үзең шигырьләр беләсеңме?
Кыш бабай. Беләм,беләм. Ничек белмәскә! Хәзер сөйләп тә күрсәтәм. Балалар, мин бик карт инде, хәтерем дә начарланды. Әгәр онытып җибәрсәм, миңа ярдәм итәрсез микән?
Балалар. Итәрбез, итәрбез.
Игра “Угадай-ка”
1а.б. Булдырдың бит, Кыш бабай! Ә уйнарга яратасыңмы соң?                                                                         Әй, Кыш бабай, Кыш бабай.
Безнең сөйгән кунак син.
Ямьле үтсен кичәбез,  
Безне көлдер, уйнат син.    
Кыш бабай. Яратам. Бик яратам. Хәзер уйныйбыз, балакайларым.
Уен: «Мы повесим шарики».
Кыш бабай. Арыдым,балалар.
2а.б. Ярый алайса, бабакай, утырып тор, ял итеп ал.
Кыш бабай. Бик күп һөнәрләр беләсез икән, нәни дусларым. Минем оныгым да һөнәрсез түгел бит. Кызым, Карчәчәк, әйдә, бер биеп тә күрсәт инде.
Карчәчәк. Бабакай, мин үземнең дусларым – Кар бөртекләре белән биим. Әйдәгез, Кар бөртекләре, биик бергә. 
Кар бөртекләре биюе.
Кыш бабай.Күңелле булды бәйрәм,
Уйнадык әйлән-бәйлән.
Матур җырлар җырладык,
Кунак булып туймадык.
Тик китәр вакыт җитте.
Көтә безне янә юл.
Рәхмәт сезгә, балакайлар,
Котлы булсын Яңа ел!
Софья:  Рәхмәт, бабай, сүзләреңә,
                 Бик матур теләкләрең.
                 Алып килдем, дигән идең,
                 Кайда соң бүләкләрең?
Кыш бабай. Ай,кызым,оятлы була яздык бит. Әйдәле, кызым, алып чыгыйк бүләкләрне .
(Чыгып китәләр. 2 капчык өстерәп, Убырлы карчык килеп чыга, капчыкларны чыршы артына куя.Аның берсендә шарлар, икенчесендә чын бүләкләр була).
Убырлы карчык.
Менә хәзер күрерсез,
Кем икәнем белерсез.
Әбиегездән башка гына
Бәйрәм итеп йөрисез.
1а.б.: Убырлыкай- сылукай, син бүген шундый чибәр, танып та булмый үзеңне, нигә инде ачуланып торасың, әйдә, син дә бәйрәмгә рәхим ит! Балалар белән берәр уен уйнап ал.
Убырлы карчык. Ел да шулай юмалыйсыз да, ә икенче яңа ел килеп җиткәч, сүзегезне онытасыз. Я, ярый, үземнең фирменный уенымны уйнатыйм инде булмаса, миннән булсын яхшылык. Үзегез күрәсез, мин хәзер Убырлы карчык түгел, ә Убырлы ханым. Себеркем дә минем искереп беткән, алама себерке түгел, ә соңгы дизайн белән үзгәртелгән күз явын алырлык аксессуар.

Уеным “Җилдән җитез-кем җитез” дип атала.

Убырлы:Эх, балалар, бик шәп уйнадыгыз. Ләкин кыш бабайга булган үпкәм тагын исемә килеп төште бит.
Кыш бабайның бу кылмышын
Гафу итмим беркайчан.
Бәйрәмгә чакырмаганга
Капчыгын урлап качам.
(Убырлы карчык шар тутырылган капчыкны алып чыгып китә. Күңелсезләнеп, Кыш бабай белән Карчәчәк чыгалар.)
Карчәчәк елый.
Бабакай, хәзер нишлик,
Бүләкне кайдан эзлик?(Шулвакыт ашыгып тиен килеп керә.)
Тиен(Мөнир). Әй, Карчәчәк, елама.
         Мин булганда урманда.
         Берни эзсез югалмас,
         Бүләк табылмый калмас.
        Агачлардан-агачларга
        Сикергәләп йөрдем мин.
        Яңа ел бүләкләрен
        Кем алганын күрдем мин. Ул – Убырлы.
Карчәчәк (күз яшьләрен сөртеп). Рәхмәт, тиенкәй.
Кыш бабай. Карчәчәк, тиен акыллым, зинһар Убырлыны куып җитәргә ярдәм итегез !
(Тиен, Кыш бабай, Карчәчәк ашыгып чыгып китәләр. Убырлы карчык йөгереп керә.)
Убырлы карчык.Кая барыйм, кая качыйм?!
Мин бит сезнең әбиегез,
Зинһар, мине яшерегез.
2 а.б.Тоттык, тоттык каракны. Китер капчыкны тизрәк!
Убырлы карчык. Мин бит бу капчыкны урламадым. Таптым мин аны. Менә бүләкләрне балаларга китердем. Яңа ел бүләкләре.   
2а.б. Дөрес сөйлиме ул, балалар? Сез ышанасызмы аңа?
Балалар. Юк, дөрес сөйләми. Урлады ул капчыкны.
 2а. б. Бир тизрәк бүләкләрне!
Убырлы карчык. Мәгез, мәгез, үземә генә тимәгез.(шарлы капчыкны бирә)
Капчыкны калдырып чыгып чаба. Шулвакыт Кыш бабай белән Карчәчәк кайтып керә. Бүләкләрне күреп шатланалар.
Кыш бабай :Рәхмәт сезгә, дуслар. Әйдәгез, балаларны шатландырыйк. Бүләкләрне өләшик.(Капчыктан шарлар очып чыга)
Кыш бабай: Бу нинди могҗиза тагын, шул юньсезУбырлының эше инде бу.Әйдә, кызым, бүләкләр салынган чын капчыкны чыршы тирәләреннән эзләп карыйк.(Эзлиләр, соңыннан табалар) Әһә, табылды бит бүләкләр.(Музыка астында бүләкләрне өләшәләр.  )
Кыш бабай: Бик күңелле сезнең белән, Куандырдыгыз безне.
                    Тик китәргә вакыт җитте, Башкалар  да көтә безне.
                    Күңел тынычлыгы телим, Яңа елда һәркемгә.
                   Өлкәннәрнең сүзләрен  Һәрвакытта тыңлагыз.
                   Сау булыгыз, дусларым!
Карчәчәк: Сау булыгыз дусларым! Сау – сәламәт булыгыз!
1а.б.: - Сау бул, Кыш бабай! Сау бул, Кар кызы! Хәерле юл сезгә. Рәхмәт изге теләкләрегезгә.
2а.б.:Кадерле балалар, хөрмәтле әти-әниләр, килгән кунаклар! Менә безнең бәйрәм ахырына якынлашты. Сезне барыгызны да тагын бер кат бәйрәм белән котлыйбыз! Сезгә саулык-сәламәтлек, тынычлык, муллык, иминлек, бәхет телибез. Күңелләрдән иман нуры, йөзләрдән елмаю китмәсен!

1а.б.: Яңа еллар килсен бәхет алып,
Яңа еллар килсен елмаеп.
Күңелләрдә мәңге шатлык булсын,
Яшәмәгез дуслар моңаеп.

2а.б.: Яңа ел котлы булсын,
Дөньялар тыныч торсын,
Җирдә бәхет һәрчак ныклы булсын,
Котлы булсын бу ел, котлы булсын.
Дуслар, бәйрәмебез тәмам. Игътибарыгыз өчен зур рәхмәт.