" Адыгэ джэгу"
материал по теме

ДЖЭГУР  К1ЭЛЭЦ1ЫК1ОУ  ТЫГЪЭЦ1ЫК1УМ  ИСМЭ  ОРЭД  ДАХЭК1Э  КЪЫЗЭ1УАХЫ.

К1ЭЛЭП1УР ПЧЭГУМ  А.Куловым иорэдэу «Уейжьи» зыфиорэмк1э къехьэ.

К1элэп1ур:  Гур  к1энк1экоу  орэкъабзэ.

                       Зигъэлъап1 уилъэпкъ ихабзэ.

                       Зафэу ц1ыфыр пшъхьэ фэгъад-

                       Ч1ыпц1э 1ахьыр тизэфэд.

Амир:  Ныбджэгъум къытфищагъэшъ

              Шъэогъухэр тызэлъэчэф.

             Тичылэ щыгуш1уагъошъ,

              Бжыхьапэр тыгъэу къэнэф.

Асхьад: Типщынэу адыгэ пщын,

                Зэфак1ом темызэщын

               Пхъэк1ычэр къытфэрэжъынчи,

               Къэшъуак1ом къык1рерэмгъэч.

Диан:    Тихъярышъ адыгэ джэгу,

                Чылагъор зэлъыгъэджэгу.

Расим:  Джэгуак1ор утыгу чэрэгъу,

               Тиныси мафэ тфэрэхъу.

К1элэп1уп: Исламыер адыгэ къашъоу,

                       Ышъок1и , ыгук1и тэ тщыщ.

                       Зызызэк1ищырэм гъаш1оу,

                       Пшъашъэр шъабэу къыхещы.

                       Исламыер   тхъагъом  ил1ык1оу,

                      Гуит1ум азфагу ехьэ.

                      Едэ1урэм  хъярыр  гуры1оу ,

                       Гуш1уагъор  ц1ыфмэ къахелъхьэ.

Къашъоу  « Исламый»

К1ълъп1ур:   Пчэгур, пчэгур, пчэгур!

                         Зэ1ук1отыгъэ огур,

                        1эгур, 1эгур, 1эгур!

                        Теу 1эгум, Къыгъаджэу ч1ыгур.

Къашъоу « Налмэсыр къаш1ы»

К1элэп1ур:      Чэф пшъэшъэжъыер, чэф шъэожъыер,

                          Къыщэшъох пчэгум зэдырагъаштэу.

                           Шъуашэу ащыгъхэр зэпэжъыужьых,

                          Саехэр есых, цыехэр бгъашъох.

К1элэп1ур:   Джы к1элэц1ык1ухэр гущы1эжъхэр зыш1эрэм шъукъыхэк1.

 Аринэ  ц1ык1ур: « Джэгур – блэк1ыгъэмрэ къэк1ощтымрэ зыщызэрапхырэ к1ып1.»

Амир:                     «  Джэгур хэбзэ зехьап1.»

Мурат:                   « Джэгум хъярыр къыдэк1о».

Расим:                   « ДЖэгур гугъэ лъап1».

Орэдэу  «     Адыгэ джэгу»

К1элэп1ур:    Адыгэхэм шъошэ дахэхэр ащыгъыгъэх. Ахэр дышъэ 1уданэк1э хадык1ыщтыгъэх.

                       Япа1охэр  к1алэхэмрэ пшъашъэхэмрэ  зэтефыгъэхэу щытыгъэх.

    ------               К1элэц1ык1ухэр хэта къэзы1он зылъэк1ыщтыр сыд  фэдэу джэгум пшъэшъэ къэшъуак1охэр къыхащыщтыгъэха?

------------  Хэта ахэмэ ак1алъагъак1ощтыгъэхэр?

Къашъоу: « Адыгэ джэгу»   къэзы1орэр Аслан Тхакумашевыр ары.

-------------- К1элэц1ык1ухэр хэта къэзы1он зылъэк1ыщтыр, хэта джэгур зезгъак1орэр?

---------------Хьатияк1ор ары.

Агу тытео ти Хьатияк1о пчэгум къех1э.

Хьатик1ор:  Шъуихъярышъ сышъуфэгуш1о,

                      шъуиныси огъурлы шъуфэхъунэу сышъуфэлъа1о.

Къэшъуак1охэр пчэгум къетэгъэблагъэх джэгур етэгъажьэ.

Тиныо етэгъэжьэжьы благъэмэ гъагъэуцужьы.

Нысак1эр ныомэ ахэтэщэ, къэтэх.

Орэдэу «Адыгэ нысэ» зыфи1орэр къэ1у нысэр шэк1 гъогум рык1озэ пчэгум къехьэ.

Кътэх ыке1и нысэр етэщэжьы.  Къэшъуак1охэр къэшъуэх  нахь тахэу ижъырэ къашъохэр къэзыш1ыгъэмэ дэжъые быракъхэр афэтэгъэшъуашэх.

Тиджэгу тихьэк1э лъап1эхэу « Адыгэ хасэм къик1ыгъэхэм хъохъур къытфа1уагъ.

Ти адыгэ 1анэу лъэкъуищым адыгэ шхынхэр зытетым бисымлахьыр а1онэу къедгъэблэгъагъэх.

                     Тиджэгоу – тихъярыр джащ щытыухыгъ.

: