Конспект НОД по Краеведению "Адыгэ фащэм и махуэ"
план-конспект занятия (старшая группа)

МКОУ « Прогимназия № 4 г.Баксана»

Конспект НОД по Краеведению

в старшей группе «Утенок» на тему:

«Адыгэ фащэм и махуэ»

        Подготовила и провела воспитатель старшей группы:

Назарова Т.Т.

        Октябрь 2024г

Фащэ ящыгъыу сабийхэр къыщ1охьэхэр муз.пэшым

Гъ-к1уэ: Фи махуэ ф1ыуэ, ц1ык1ухэ!

Ц1ык1ухэ: Нэхъыф1ыжу.

Гъэсак1уэ: сэлам гуапэ зэдывгъэххэт дэри, ди хьэщ1эхэми.

Сабийхэр: Уи махуэ ф1ыуэ дыгъэ ц1ык1у!

                   Уи махуэ ф1ыуэ уафэ!

                   Уи махуэ ф1ыуэ псы уэршэр,

                   Фи махуэ ф1ыуэ ди хьэщ1э лъап1эхэ!

Гъ-к1-уэ: Ц1ык1ухэ, хэт къызжи1эн, сыт хуэдэ къэрал дэ дыщыпсэурэ?

С-хэм: Россия-Урысей.

Гъ-к1уэ: Пэжщ. Дэ ди хэку дыздэпсэур хэт къызжи1эн?

Сабийхэм: Кабардино - Балкарская Республика, Къэбэрдей-Балкъэр

Гъ-к1уэ: сыт хуэдэ лъэп1къ щыпсэухэр  ди республикэм?

Сабийхэм: Адыгэ, урыс, бэлкъэр, нэгъуэщ1 лъэпкъхэри

Гъэсак1уэ: Тэмэмщ. Мис ахэм псоми езым я фащэ я1эжу щытщ. И нэхъыбэ лъэпкъым ящыгьыр адыгэ фащэщ.

Нобэ дэри догъэлъап1эр Адыгэ фащэм и махуэр.

Ц1ык1ухэ сэ фезгъэблэгъэну сыхуейщ Сэтэней гуащэ и 1уэхущ1ап1э унэм, адыгэ фащэ зэридым нэ1уасэ фыхуэсщ1ынщ. Ауэ соплъэри солъагъу бжэхэр зэхуэщ1ащ.

Гъ-к1уэ: мыдэ, сэ мыбдежым зы тхылъ гъэщ1эгъуэн солъагъу. Сыту пэрэ мы тхылъым на1уэ ищ1ыр?

(Тхылъыр зэ1уехри къоджэр:)

Гъэсак1уэ: Илъэс куэдк1э узэ1эбэк1ыжмэ, ижь- ижьыж лъандэрэ, акъылыф1э л1ы нэхъыжьхэр зэхуэсри мурад ящ1ащ , я лъэпкъым и щэхухэр ягъэпщк1уну,яхъумэну, ик1и ину темыпсэлъыхьыну, ар псори я сабийхэм ирагъэщ1эну ик1и ахэм я быныжхэм 1уралъхьэжыну. А щэхур хэт и лъэпкъи и1а джэгухэр, псалъэжьхэр, усэхэр.

Иджы игъуэ нэсауэ нэхъыжьхэм къыдолъытэри, а щэхухэр нахуэ, ящ1ыфамэ, Сэтэней гуащэ и 1уэху щ1ап1э унэм и бжэхэм зызэ1уихынущ.

Гъэсак1уэ: Ц1ык1ухэ, сэ сощ1э фэ а л1ы 1ущхэм я щэхухэр на1уэ зэрыфщ1ыфынур.

Псалъэжьхэр: 1.Нэмыс здэщымы1эм нэсып щы1экъым.           Мухаммад            2.Мэлыхъуэ уимы1эм, мэл гуарти уи1энукъым.                           Лея

3.Уи псалъэ гъэ1эси, уи нэмыс гъэбыдэ.                                            Салим

4. Уи япэк1э бдза мывэм, ухуозэж.                                             Медина

5. Лэжьыгъэм уегъэлъап1э, щхьэхынагъэм уегъэпуд.                      Лана

6.Гупсыси псалъэ, зыплъыхьи т1ыс.                   Амилия Бакова

7. 1ей пщ1ауэ, ф1ым ущымыгугъу.                                    Умар

8. Ф1ы пщ1амэ, ф1ы къыпок1уэ.                                    Гешева

9. Улажьэмэ лыжь пшхынщ, умылажьэмэ лажьэ бгъуэтынщ.             Абдуллах

10. Гъатхэм жеяр бжьыхьэм мэгъыж                                Амалия Бештоева

11.Уи нэм къе1эм и псэм е1эж                               Ассана

12.Щхьэ къуийм и лажьэр щхьэ псэум  ищ1эркъым                     Амирхан

13. Гуауэ зымылъэгъуам гуапэ зэхищ1ык1ыркъым                        Усман

14.Гугъуехь зымылъэгуам тыншыгъуэ ищ1эркъым                        Али М.

15. Хьэщ1ап1эр ф1ыми, уи унэжь нэхъыф1ыжщ                           Ибрагим

16.Ер вы бжьакъуэм къок1                                                                Шогенова Р.

17. Дунейр шэрхъщи, мэк1эрахъуэ                                                    Малик

18.Зи ныбэ изым гунакъуэгъуэ ищ1эркъым                                    Дорогова Р.

19.Быдэ и анэ гъыркъым                                                                    Шаова Р.

20.Акъылым и анэр гупсысэщ                                                            Мурсал

21.Гушы1эк1э зымыщ1эр 1эшт1ымк1э мауэ                                 Салман

22.Насыпыншэр махъшэм тесми , хьэ къодзакъэ                            Алия К.  23.Узэджэр къок1уэ                                                                            Алоев А.    24. Адэр дэм хуэдэщи, анэр нэм хуэдэщ                                  Милисса       

                   Усэхэр:

1Адыгэ уафэ, Адыгэ щ1ылъэ,

Уэгум сихьамэ, Щ1ылъэр си плъап1эщ.

Адыгэ уафэ, Адыгэ щ1ылъэ,                                         Милина

Уи лъахэм ситмэ, Дунейм сытеткъэ. 

2.Щ1ыналъэ дахэу, Адыгэ лъахэ!

Адыгэ псом иди уардэщ.                                                 Самия

Ехъул1эныгъэхэр уи гъуазэщ,

Щ1эблэ гъэсахэр къыпщ1охъуэ.

2.Си псэ лэрыпсу, адыгэ пшынэ,
      Анэдэлъхубзэм дыхуэгъэсакъ.                                Али А.
      Ди бзэр к1уэдынк1э сф1ощ1ри сошынэ
      Уи 1эпэхэр щ1эуэу к1уэдыжмэ уи макъ.

    3.Нэхулъэ вагъуэу адыгэ пшынэ,
      Адыгэ ныпын дыхуэгъэсакъ.                                     Сафия
      Бэракъ жьауэншэ хъунк1э сошынэ
      Дызэкъуэувэу демжьыумэ уи макъ.

     4.Сызыхуэхъуну къурмэн си пшынэ,
       Солъэ1у, ди ФАЩЭМ дыхуэгъэсакъ.                    Сулейман
       Хамэ щыгъыну ящ1ынк1э сошынэ
       Зэхимыхыжмэ Ислъэмей макъ.

 5.Адыгэ фащэм, ди адыгэбзэм
        Адыгэ тхыдэм, ныпым хуэсакъ.                          Самира
        Хъункъым уанэншэ ди адыгэшыр,
        Адыгэ пшынэ, щ1этмэ уи макъ!

       6.Адыгэ пщащэ, адыгэ фащэ,

       Мы дунейм теткъым фэр нэхъ дахащэ.             Саида

       Адыгэ пщащэ, адыгэ фащэ,

       Сыту фэ т1ури фызэхуэфащэ!

***

      7.Адыгэ пщащэ, адыгэ фащэ

        Дунейм ц1эры1уэ фэ фыщыхъуащ

       Адыгэ лъэпкъым и1э дахагъыр,                            Дарина

       Зэман блэк1ахэм фэ щыфхъумащ.

       8.Къызэрыпык1ау мастэпэм                                                                                                                                             Схуидащ нанэ, цей щ1эрыпс.

Щыст1эгъакъэ  -                                                          Ныров

Къызок1упсыр,

9.Си 1эпкълъэпкъым ар хуэф1ыпсщ.

Ар псынщ1абзэщ,

Ар гурыхьщ,         Ихсан

Ар адыгэ цей бэлыхьщ!

Гъэсак1уэ: Ди тхылъым ит дерсхэр дгъэзэщ1а хуэдэу кьысщохъу ик1и Сэтэней гуащэм и унэм деблэгъэфынущ.

( адыгэ мэкъамэ щэхуу къо1у.Бжэ1упхъуэр зэ1ок1ри, сабийхэр   пэсэрей унэ пэсэрей унэм къыщохутэхэ. Пэшыр пэсэрей 1эмэпсымэк1э гъэнщ1ащ.)

Гъ-к1уэ: ц1ык1ухэ, дэ дыкъыщыхутащ Сэтэней и 1уэху щ1ап1э унэм.

Сыт хуэдэ таурыхъ зыхэтар Сэтэней?

Ц1ык1ухэм: «Сосрыкъуэ».

ГЪ-к1уэ: дыбгъэдэвгъыхьи сэлам едывгъэх Сэтэней.

Ц1-хэр: Уи махуэ ф1ыуэ!

Сэтэней: Нэхъыф1ыжу, фыкъеблагъэхэ!сыту ф1ыуэ фыкъэк1уа нобэ си 1уэху щ1ап1э унэм. Сэ нэ1уасэ фыхуэсщ1ынщ адыгэ фащэм. Лъэпкъэгъуу дунеим тетым езым и фащэ и1эжщ. Дэри ди1эщ апхуэдэ фащэ дахэ. Сыт абы зэреджэр?

Ц1-хэм: Адыгэ фащэ.

Сэтэней: Адыгэ фащэр зэщымыщу зыщат1агъэу щытащ. Махуэ къэс зы фащэ, хьэгъуэл1ыгъуэм нэгъуэщ1.

Феплъыт мы бзылъхугъэ фащэм и дэхагъым.

Гъ-к1уэ: Сэтэней гуащэ, ди сабийхм яц1ыхур адыгэ фащэм игъусэхэр.къэдывгъэц1ыхужхэт ц1ык1ухэ.

Ц1-хэм: бохуцей, бгъэ1улъхьэ, 1эгъуапэ, пы1э 1элъэщ1 игъусэу, дыщэ е дыжьын бгырыпх. Бзылъхугъэхэм я щхьэм пы1э дахэу хэдык1ауэ ящхьэрыгът.

Гъ-к1уэ: а фащэм хэдык1ам кьи1уатэт адыгэхэр къэк1ыгьэм, 1эщым зэрелэжьхэр. Хадык1т мы1эрысэ къудамэ, мэл бжьакъуэ,псэущхьэхэм я лъэкъуап1э, тхьэмпищ уагъэ. Иджыри зы фащэм ехьэл1ауэ -1эгъуапэ. 1эгуапэр бэхуцейм пальхъэт пщащэр нысашэ щык1уэк1э. кыщыфэк1э и 1эр къэмыплъэну, щ1алэ къыздэфэри 1эм къемы1усыну.

Гъ-к1уэ: апхуэдэкъабзэуи щ1алэхэми езым я щыгъын я1эжщ. Хэт иц1ыхурэ сыт абы зэреджэр?

Ц1-хэм: Адыгэ цей. Цейм игъусэщ джанэ, гъуэншэдж, лъей, бащлыкъ,( сурэт), щ1ак1уэ.

Гъ-к1уэ: сыт зэрагъэдахэрт цейр?

Ц1ык1ухэм: хьэзырхэмк1э.

Гъ-к1уэ: Пэжщ. Цейм и бгъэм лъэныкъуит1ымк1и тырадэт гъэзырхэр шалъэ. Лъэныкъуэ зэрызым и бгъум и1эхэр нэщ1у къагъанэт. И зы бгъум иралъхьэт лы ф1ыуэ гъэгъуауэ, шыуауэ, ищхын щимы1эжым ар къыщхьэпэжт. Адрейм мастэ 1уданэ ирагъэлът, зауэм здэ1утым зыгуэрэ къыщыщ1мэ и цейм идыжыфт.

Сэтэней: Сэ къызгуры1уащ фэ ди адыгэ фащэр ф1ыуэ зэрыфц1ыхур, ауэ си зы фащэ схунэгъэсакъым, фыкъыздэ1эпыкъун? Абы и 1эгъуапэхэм уагъэ ц1вк1ухэр тегъэпщ1энхуейщ.

(Ц1ык1ухэм загуэшри 1эгъуапэм уагъэхэр трагъапщэри, Сэтэней гуащэ иратыж.

Сэтэней: Тхьэм фигъэпсэу си сабийхэ.

Гъ-к1уэ: Ц1ык1ухэ, сощ1э сэ фэри фезэшащ. Иджы ди 1эпкълъэпкъым т1эк1у зедгъэгъэпсэхунщ.

Физминутка

Сэ сыхъуащ иджы инышхуэ

Жыжьэу лъагэу зызо1эт

Зызошэщ1 аргуэру лъагэу

Ауэ лъакъуэм симы1эт.

Си 1э ц1ык1ухэр щ1ызоупск1э

Лъапэ ц1ык1ухэм загъэсыс

«Хэт ищ1энт апхуэдэу псынщ1эу

Ин сыхъуну?- согупсыс.

Дыгъэ къуэпсыр нэгум щ1едзэ.

Щабэу напэм толъэщ1ыхь.

Джэгу зэпеуэм къыщ1ыдодзэ

Зы, т1у, щы, пл1ы, тху, хы, блы.

Им 1эгу ину дрегъауэ

Бгъум ди лъакъуэм къыщежыхь.

Ди щхьэр пщ1ым егъэуназэ

Щэхуу псоми зыдодзых.

Гъ-к1уэ: Мис нобэрей ди зыплъыхьыгъуэр ик1эм нэсащ  гъэщ1эгъуэн куэди къэтц1ыхуащ.

Сыт щ1алэм и фащэм зэреджэр?

- Щ1алэм и фащэм цейк1э йоджэр.

Сыт хъыджэбзым и фащэм зэреджэр?

- Хъыджэбзым и фащэм бохуцейк1э доджэр.

Фащэхэр сыт зэрыхадык1ыр?

-Дыщэ,дыжын 1уданэк1э хадык1ырт.

А фащэхэм щхьэк1э сыт ц1ык1ухэ дэ жыт1эфынур?

-Фащэ дахэ,фащэ зэк1уж,фащэ ц1эры1уэ!

Тэмэмщ,сыту фы1ущ фэ ц1ык1ухэр!

Гъэсак1уэ:

             Лъэпкъ зэхуэмыдэу

             Исхэм Кавказым

            Зыр адрейм пеуэу

            Уэ укъащтащ.

            Зэф1эк1ыу я 1эр

            Ягъэлъэгъуэну

            Ежьэм и фащэу

            Къищтэр уэращ.

Гъэсак1уэ: Лъэпкъыр лъэпкъ зыщ1ыр,

Абы и къэк1уэныр зэпхар

Щ1эблэ къытщ1эхъуэр арщи;

Я узыншагъэр куэду,

Я акъылым хэхъуэ зэпыту,

Дэрэжэгъуэ я куэду,

Гуф1эгъуэ дыщамыгъащ1эу,

Хабзэр ящымыгъупщэу,

Псэун щ1эблэ Аллыхьым тхуищ1.

Тхьэм фигъэпсоухэ,гъащ1э к1ыхь фыхъу!

Къек1уэл1ахэми ину берэчэт бесын.

танец