куштар керегинде табышкактар
картотека (младшая, средняя, старшая, подготовительная группа)

КУШТАР КЕРЕГИНДЕ ТАБЫШКАКТАР ЛА ŸЛГЕРЛЕР

Куштар керегинде табышкактар

Нени кöргöнин,

Нени укканын,

Ончозын jартлайт.

Копты – jипти jетирет.

(саныскан)

Будактардын ортозында

Турачак турат.

Турачактын эжигинде

Айыл ээзи отурат.

(Баарчык)

Jас ла келзе,

Jанкылдада эдет.

Ÿнин укса,

Ÿзе улус сÿÿнет.

(Кÿÿк)

Кызыл öдÿктÿ,

Јалбан – jалбан  базытту,

Кыjыран кылыкту,

Кызыл – jалбак тумчукту.

(Кас)

Кеен чÿмдÿ кийимдÿ,

Кызыл jараш сагалду.

Чазы jокко öйди билер,

Чат эрте улус ойгозор.

(П)

Кызыл тöбöлÿ öрöкöн

Оны кем кайда кöргöн?

Агаш токпоктоп отурар,

Курт – курсагын чыгарар

(Томыртка)

Коп – коо сынду,

Узун чичке буттарлу

Кандый jараш куш

Ады онын не?

(Турна)

Тÿште уйкулу

Тÿнде кожонду

Ÿ – ÿ- ÿ! Ÿ-ÿ-ÿ!

(Ÿкÿ)

Кÿр – кÿр ÿндÿ

Кÿрен тере тонду.

(Ÿкÿ)

Кÿс олорды аткарар,

Јас олорды jандырар.

(Кеткин куштар)

Куштар керегинде ÿлгерлер

Кас

Јаланга кас отоп барды,

Гаак, гаак, кара кас,

Јараш чечек сен баспа,

Јажыл öлöн сен ÿспе.

Јымжак калаш берерим,

Јаныс мени тиштебе!

Е. Чарушин

Кÿÿле

Кÿÿле, кÿÿле, кÿÿлечек,

Кÿмÿш  - чанкыр öндÿ куш.

Куркун – канат талбандап,

Кÿн – jарыкта учкан куш.

Алтын тÿгин мызылдап,

Ару кейде айландын…

Албаты – jон, jаш ÿйе

Аш – курсакла кÿндÿлейт.

Амырды сÿÿген бойына

Алкыш – быйан ол кÿÿнзейт.

Тенеринин тандагы –

Айазардын темдеги.

Тегерик канатту сен, кÿÿле,-

Амыр – энчÿ белеги.

Ч.А.Чунижеков

Тарал

Тар – р, тар-р, мен – тарал!

Таштар кыбына ÿр – рен суккам.

Талдама мöштöр – р кöп öзöр –р,

Тар – р, тар-р, мен – тарал!

Кöктöш

Јыл кел,

Јыл кел!

Мен – кöктöш.

Јайыла курттар jоголтып,

Јакшы кожон чÿмдегем.

Кожонымды угала,

Јыл эбирип келип jат!

Јыл эбирип келип jат!

Јыл кел,

Јыл кел!

Мен – кöктöш.

Кÿÿлелер

Канаттар табыжы тызыр – тызыр,

Кандый бирлик, эрчимдÿ!

Кÿÿлелер öрö учуптыр,

Кÿнге бийик колчабыжу.

Ÿренчи деп кушкаш бар

Кöбÿктий  jеп – jенил, jап – jараш,

Кичинек, шулмус кушкаш

Аркага сен кирзен,

Ару тамчы ол ÿндÿ.

Бир чокыыр,

Эки кöрöр.

Эки чокыыр,

Тöрт кöрöр.

Кушкажак jеп – jенил,

Кöрзöн оны,  кöбÿктий.

Канаттары эпчил,

Талбандаза, jалбыштый.

Ÿкÿ

Карануй арка тÿбинде

Кöрзöм: эки сары от.

Куу чакынын тöзинде

Кураанымды ол ширтейт…

Байагы оттор öчÿп калт –

Бу ÿкÿ дем эм билдим.

Саныскан керегинде

Саныскан, саныскан,

Сары чöлдö ол аскан.

Эмди jаныс саныскан

Сары чöлдö – jаныс каан!

Кöстин jажын агыскан,

Саныс чайнайт jаныскан…

Саныскан

Öлö – чоокыр саныскан

Учуп чыкса, jаныскан.

Арка – ташка ол копчы,

Јуртка тÿшсе, конокчы.

Боро кушкаштар

Канаттарын jайгылап

Кÿлÿктер учкылайт.

Курсак таап jиирге

Саска тÿшкилейт.

Секирип, чокынып,

Курсак тапканга сÿÿнгилейт.