"Ҫӗнӗ технологисемпе усӑ курса тавра-курӑма аталантаратпӑр"
занимательные факты (старшая группа)

Ҫӗнӗ технологисем ачасене ҫеҫ мар ,воспитательсене те тавра-курӑмне  аталантарма , тарӑн шухӑшлама, ӑс-тӑнне ӳстерме пулӑшаҫҫӗ. Пӗр пек , пӗр енлӗ кӑна ӗҫлесессӗн пӗр вырӑнта ларатпӑр,ҫавӑнпа та ачасене нумайрах кирлӗ япала парас тесен, воспитателӗн те ҫӗнӗ мелсем ҫӗнӗ технологисем вӗренмелле, аталанмалла.

Элӗкри 2-мӗш номерлӑ ача сачӗнче «Непоседы» ушкӑнра ҫӗнӗ технологипе паллашрӑмӑр. «Миллефиори»технологийӗ. Питӗ интереслӗ те питӗ хитре техника. Ку технологипе пластилинпа ӗҫленӗ чухне усӑ куртӑмӑр. Миллефиори тени- пин-пин тӗс тенине пӗлтерет. Ку технологи япалан сӑнарне хитререх тума май парать. Ачасемпе ху ҫине ӳкернӗ юмахри асамлӑ кайӑка илемлетме шутларӑмӑр.

Чи малтанах виҫӗ тӗслӗ пластилин ҫаврашкисем хатӗрлерӗмӗр.Ҫак ҫаврашкасене пӗрерӗн илсе  пӳрнесемпе лапчӑтрӑмӑр,икерчсем турӑмӑр,кайран виҫӗ икерче пӗр-пӗрин ҫине хутӑмӑр та кӗнекене хупнӑ пек хуҫлатрӑмӑр. Малалла ӗҫлеме пире пластилин касмалли ҫӗҫӗ кирлӗ пулать.Ҫӗҫӗпе ҫӳхен кӑна касса илмелле. Касса илнӗ пая хитре якатмалла , ку кайӑкӑн тӗкӗ пулать.Ҫакӑнпек пӗчӗк пайсем нумай- нумай касса кӑлармалла. Пайсемпе асамлӑ кайӑка илемлетрӗмӗр.Ӗҫленӗ вӑхӑтра ачасене лӑпкӑ кӗвӗ ярса пани ачасен йывӑр шухӑшӗсене сирме пулӑшать, хӑйсене юмах тӗнчинче пулнӑ пек туйма май парать. Пирӗн кайӑк чӑннипех те асамлӑ пулчӗ.Унӑн ҫунаттисеи , хӳри темиҫе тӗслӗ пулчӗ.Чӑннипех те телей кайӑкӗ пулчӗ.

Ҫак техникӑпа усӑ курса хитре те  юмахри сӑнарсем калӑплама вӗрентӗмӗр .Ачасене кӑна мар хама та питӗ килӗшрӗ ку техникӑпа ӗҫлеме. Ҫӗнӗ технологисем ачасен тавра-курӑмне аталантарма , тарӑн шухӑшлама , илемлӗх эстетикине ӳстерме пулӑшаҫҫӗ.