Открытый просмотр занятия на тему: "Моя семья" на (родном) калмыцком языке
план-конспект занятия (средняя группа) на тему

МКДОУ ДС «Джангар»

Открытое занятие по калмыцкому языку

 в средней группе «Долда»

«Төр: «Өрк-бүл»»

Воспитатель: Гугуева Саглара Николаевна

Май –п. Улан Хол, 2018г.

Төр: «Өрк-бүл» (2-гч кичәл давуллһна эв-арһ: «Кеемән өрк-бүл» - гидг наадн).

Күсл: Амн-үгин зөөр олзлад, өрк-бүлд бәәх улсин олн дундын бәәдл тодлҗ авлһинь батлх. Хальмг келнə әс чикәр келдг дасхх. Үгин көрң байҗулх. Өрк-бүлдән дурта болдг, нег-негән күндлдг, тевчдг сурһмҗ өгх.

Давтх үгмүд: өрк-бүл, эгч, ах, эк, эцк, ээҗ, аав.

Дасх үгмүд: ни-негн бәәнә.

Олзлх эв-арһс: күүндвр, сурврмуд, «Хурһарн наадлһн», «Өрк-бүл» - гидг дидактическ наадн.

Дөңцл: мнемосхемс, зургуд, күүклдәс, «Өрк-бүл» - гидг нааднд олзлх юмс: альчур, махлас болн нань чигн.

Кичәлин йовуд:

1. Оргмомент:

Психогимнастик (1-гч кичәл хәләх).

1. Мендллһн, теңгрин бәәдл (1-гч кичәл хәләх).
2. Әәһин көдлмш (1-гч кичәл хәләх).
3.  Дассан давтлһн ( «Өрк-бүл» - гидг дидактическ наад олзлад, дассан давтх).

Багш: Эндр бидн паровозд сууһад, Кеемән өрк-бүлд гиичлҗ одхмн. Намаг дахад давттн: (Бичкдүд нег- негнәннь ардас бәрәд йовна.)

Паровоз йовна,

Вагоһан чирнә.

Холагшан чирнә,

Җиг-җиг гинә.

Күүклдә Кеемә: Мендвт, бичкдүд! Ортн, суутн.

Бичкдүд: Мендвт!

Багш: Хәләтн, эн Кемән өрк-бүл (ширән ард күүклдәс сууна: эк, эцк, ээҗ, аав, эгч, ах). Күүклдә Кеемә эврәннь өрк-бүлтәһән таньлдулна: Эн мини ээҗ. Эн мини аав. Эн мини эк. Эн мини эцк. Эн мини эгч. Эн мини ах.

Багш: Саша, чамд аав бәәнү?

Саша: Аав бәәнә.

Багш: Чини аав ямаран?

Саша: Мини аав сахлта.

Багш: Света, чамд ээҗ бәәнү?

Света: Ээҗ бәәнә.

Багш: Чини ээж ямаран?

Света: Мини ээҗ сәәхн. (Тиигәд: дурта, чидлтә, сән гидг үгмүд давтх.)

2. Шин төр:

1. Наадна эклц:

Багш: Ода Кеемән өрк-бүлд кен бәәхинь сергәһәд давтхмн. (Күүкдин дурар дүрмүд хувана. Ээҗин дүр багш наадна. Күн болһнд йилһҗәх юмс өгх. Үлгүр: Экд – альчур; эцкд – махла; болн нань чигн юмс).

Багш: Бичкдүд, ода цуһар босад, күрәлң кетн. (Бичкдүд күрәлң кенә.) Багш күн болһнас сурна: «Чи кембч?»

Бичкдүд: Би эк./ Би эцк. / Би аав./ Би ах.

Багш: Бичкдүд, һар һарасн бәрцхәтн, төгәләд зогстн. Мадн -өрк-бүл. Мана өрк-бүл ни-негн!  (Бичкдүд һарасн авлдад, нег-негнүрн өөрдәд, 2-3 дәкж давтна.)

Багш: Мана өрк-бүл ямаран?

Бичкдүд: Мана өрк-бүл ик. Мана өрк-бүл ни-негн.

Багш: Бичкдүд! Хамдан келхмн: Мадн цугтан ни-негн өрк-бүл! (2-3 дәкҗ давтх.)

2. Амрлһн. (Эн төрәр 1-гч кичәл хәләх.)

3. Шин үгмүд батллһн (Хурһдын наад олзлад, дассн үгмүдән давтх.)

Багш:

Эн хурһн - эцк,

Эн хурһн – эк,

Эн хурһн – аав,

Эн хурһн – ээҗ,

Эн хурһн – би,

Эн мини өрк-бүл!

Ода бидн паровоздан сууһад хәрхмн. Сән бәәтн, Кеемә!

Паровоз йовна,

Вагоһан чирнә.

Холагшан чирнә,

Җиг-җиг гинә.

Багш: Нә, бидн садтан күрч ирүвидн. Тадн эндр йир сәәнәр көдлвт. Тиигәд бидн бийән магтхмн.

Би сән, би сәәхн,

Би ухатав, би цаһан седклтәв,

Би чамд, чамд дуртав! Сән бәәтн, бичкдүд! Байрта харһхмн!