Конспект ОД по развитие тувинской речи "Кызыл Тыва Республиканын тову. Шулук Л.Чадамба "Кызылым"
план-конспект занятия по развитию речи (подготовительная группа)

Муниципальное автономное дошкольное учреждение Детский сад «Хээлер» г. Чадаана Дзун Хемчикского кожууна Республики Тыва

Чугаа сайзырадылгазынын кичээлге конспект

Тема: Кызыл Тыва Республиканыӊ тѳвү.                 Шулук Л.Чадамба «Кызылым»

Кижизидикчи башкы:

Хомушку Чойган Кок-ооловна

г.Чадана

Тема: Кызыл Тыва Республиканыӊ тѳвү. Шулук Л.Чадамба «Кызылым»

Программа: «Төрээн Тывам»

Хар-назыны: школаже белеткел бѳлүк 6-7харлыг.

Угланышкыны: билигни шингээдип сайзырадыыры, чугаа сайзырадыыры.

Өске өөредиглиг адырлары-биле холбаазы: «Билигни шингээдип сайзырадыыры», «Ниитилелге харылзажырын сайзырадыры». «Куш-культура сайзырадылгазы»

Эрттирер хевири: Өөредилге хевирлерин оюн дузазы  - биле коргузери.

Сорулгазы:

Өөредиглиг ажыл чорудулгазы: Уругларга Тыва Республиканын тову Кызыл хоорайнын тургустунганын таныштырар. Л.Чадамбанын шулуу «Кызылым» оорениир.

Сайзырадылгалыг ажыл чорудулгазы: Уругларга Кызыл хоорайнын  дугайында билиглерин быжыктырып, дылдын уран  чечен аргаларынче кичээнгейни салып чугаа домаан шүлүктер дузазы-биле сайзырадыыр.

Кижизидикчи ажыл чорудулгазы: Уругларны Тыва Республиканын тову Кызылды билирин болгаш ынак болурунга кижизидер.

Чедип алыр туннели: Уругларга Тыва Республиканы товун Кызыл хоорайны кыска тоогузун, онзагай черлерин билиндирип, тараадан далганы кылып будуреринге кандыг херекселдер херегин быжыглап, бойдус бисти азырап турар деп билиндирип, далган  эн-не унелиг чем  деп чуулду кижизидер. 

 Ажыглаар арга методтары: сөс, оюн, көргүзүг хевирлери. сѳстүг арга, оюн аргазы.

Көргүзүг материалы: Кызыл хоорай дугайында чуруктар, онзагай тураскаалдар,  дугайында янзы-бүрү чуруктар,  ЖК-телевизор, эдилелдер, үлегер домактар.

Уругларны организастаары: сандайга чартык төгерик кылдыр олуртур.

Тускайлан ажыл: шилиттинген уруглар биле ажылды чорудар.

Словарлыг ажыл: Найысылал Кызылывыс, хогжум-шии театры, Енисейниӊ (Улуг-Хемниӊ), Азия тѳвүнүӊ тураскаалы.

Белеткел ажыл: Тыва Республиканыӊ тѳву Кызыл хоорайныӊ дугайында кыска видеофильм корулдези.  Леонид Бораевич Чадамбанын шулуу «Кызылым».

 Кичээлдин чорудуу:

Организастыг кезээ:

Кижизидикчи башкы: Уруглар, ам шупту тогерик кылдыр турупкаш, бот-боттарывыс – биле мендилежип корээлинер!(уруглар долгандыр туруптар)

Алдын хүнүм! Ак-кѳк дээрим!

Ада-ием! Арыг суум!

Ие-черим, эш-ѳѳрүм, башкыларым!

Амыр-ла, амыр!

Кол кезээ:

Кижизидикчи башкы: Уруглар мени кичээнгейлиг дынанар! Мен силерге шулук номчуп берейн чуу дугайында, кайы хоорай дугайында кичээл болурун шулуктен билип аар силер, уруглар: 

Өскен, төрээн Кызылым сен,

 Өӊнүүм, ынаам, төрээним сен,

Өөренип, ажы- тѳлдүг

Өөрүшкүм сен, чоргаарым сен.

Кажан-даа бол, каяа-даа бол

         Караам уунда көстүп чоруур

 Кызылымны-хоорайымны

Кымга-даа бол хөөрексээр мен.

Ийис чараш угбашкы дег

Ийи хемниӊ белдиринде

Азий диптиӊ хиндии болган

Ак-көк хемнер хоорайы.

 Енисейниӊ (Улуг-Хемниӊ)

Эриктерин каастай өскен

Херлип, бедип, чараштанган

Херелденген Кызылывыс.

 Чоогадыкчы, тургузукчу

Чонуӊ хөглүг хайнып турар

 Согун ышкаш кудумчуга

Чоргаарланган базып чор мен.

Акы-дуӊма хамык чоннар

Аалдап, мактап, сактып чоруур

Найысылал Кызылывыс

Найыралдыӊ хоорайы.

Кажан-даа бол, каяа-даа бол

 Кады чоруур Кызылымны

Чораан черге, чонга

Чоргаарланып хөөрексээр мен.

Уруглар: Кызыл хоорай дугайында шүлүк.

Кижизидикчи башкы: Эр-хейлер! Бѳгүн бис Тыванын Республиканын тѳвү Кызыл хоорай дугайында таныжып, билип аар бис, уруглар. Самбыраже кичээнгейлиг кѳрээлинер, ында Кызыл хоорайнын онзагай черлерин танып чугаалап кѳрээлинер, кымнар танып тур бо чүү дыр, уруглар?

Уруглар: кызылда хѳгжүм-шии театры.

Кижизидикчи башкы: Шындыр Виктор Шогжалович Кок-оолдун адын биле адаан Тыванын хѳгжүм-шии театры, Кызыл хоорайнын тѳп черинде турар.  Ам бо чурукта чуну кѳргүскен дир, уруглар?

Уруглар: Центр азыя тураскаалы

Кижизидикчи башкы: Азия тѳвүнүӊ тураскаалы дыр. Шупту тываалап шын чугаалап талынар уруглар Азия тѳву-Центр азия. (урглар шупту чугалаар)

Ам «Кызылым» деп шүлүктү шээжилеп алыылынар уруглар.

Артикультуг мергежилге унерге [а, у, и, о]

(уруглар шүлүктү шээжилеп ѳѳрениир)

Кижизидикчи башкы: Эр-Хейлер, Тыва Республиканын тѳвү Кызыл хоорай дугайында эки билип алдывыс.

Быжыглаашкын.

Оюн – викторина

1. Бистин бичии чуртувусту аданар?
2. Оон тѳвү чуу деп хоорай –дыр?
3. Кызыл хоорай чүү деп хемнин чанында турар- дыр?
4. Кызыл хоорайда кандыг онзагай черлери бар-дыр?
5. Чуу деп хемнин чанында Кызыл хоорай?

- Эр-хейлер, уруглар! Кичээливисте эки кичээлдеп шулукту оорендивис. Бажыннарынга катаптап оорениир силер, уруглар.