Конспект ОД по развитие тувинской речи Тема: "Тыва спортсменнер"
план-конспект занятия по развитию речи (подготовительная группа)

Муниципальное автономное дошкольное учреждение Детский сад «Хээлер» г. Чадаана Дзун Хемчикского кожууна Республики Тыва

Конспект НОД по развитие тувинской речи

в подготовительной группе

Тема: «Тыва спортсменнер»

Воспитатель:

Хомушку Чойган Кок-ооловна

г.Чадана

Тема: Тыва спортсменнер

Программа: «Төрээн Тывам»

Хар-назыны: школаже белеткел болук 6-7харлыг.

Угланышкыны: билигни шингээдип сайзырадыыры, чугаа сайзырадыыры.

Өске өөредиглиг адырлары-биле холбаазы: «Билигни шингээдип сайзырадыыры», «Ниитилелге харылзажырын сайзырадыры». «Күш-культура сайзырадылгазы»

Эрттирер хевири: Өөредилге хевирлерин оюн дузазы  - биле кѳргүзери.

Сорулгазы: 

Өөредиглиг ажыл чорудулгазы: Уругларга спортун хевирлерин билиндирер, Тыва спорчуларны таныштырып ѳѳредиир.

Сайзырадылгалыг ажыл чорудулгазы: Уругларга спорт  дугайында билиглерин быжыктырып, угаан бодалдарын, дылдын уран-чеченин сайзырадыыр.

Кижизидикчи ажыл чорудулгазы: Тыва Республиканыӊ спортчуларын танып анаа чоргаарланып чоруурунга кижизидер.

 Чедип алыр туннели: Уруглар Тыва спортчуларны танып, оларны ат сывын болгаш спортчу хевирин билирин чедип алыр.

 Ажыглаар арга методтары: сөс, оюн, көргүзүг хевирлери. сѳстуг арга, оюн аргазы, деӊнелге аргазы.

Көргүзүг материалы: Янзы бүрү спорт хевирлериниӊ чуруктары, Тыва спортчуларныӊ портрет чуруктары, ЖК-телевизор.

Уругларны организастаары: сандайга чартык төгерик кылдыр олуртур, сула шимчээшкин.

Тускайлан ажыл: бот тускайлан ажыл (столдарга пазылдарны тургузуп орары).

Словарлыг ажыл: күчүтен, спорт мастери, кикбоксинг, сумо хүрежир, делегей чергелиг, чаа адар.

Белеткел ажыл: Спорт хевирлеринин чуруктарын кооруп таныжар, тыва хурештин видеофильмин корулдези.

Кичээлдин чорудуу:

Кижизидикчи башкы:  Экии, уруглар! 

Уруглар: Экии, башкы.

Кижизидикчи башкы: Бѳгүн биске аалчылар келген, ол аалчыны силер билир силер уруглар Кудерек-биле Долаана. 

Кудерек биле Долаана: Экии, уруглар!

Уруглар: Экии Кудерек, Экии Долаана.

Кижизидикчи башкы: Кудерек-биле Долаана бистин Тыва Республиканын сураглыг спортчулар дугайында видеофильм кѳргүзер дээн. Кичээнгейлиг долгандыр олуруп алылынар уруглар, кичээнгейлиг кѳѳлүнер.

Кижизидикчи башкы: Кандыг спортчу хевирлер Тыва Республикада хѳгжүп турар дыр, уруглар?

Уруглар: тыва хүреш, бокс, чаа адары.

Кудере биле Долаана: Хостуг хүреш, сумо хүреш, кикбоксинг, аъттыг чарыш.

Кижизидикчи башкы: Эр-Хейлер, уруглар, Кудер, Долаана.

Тыва Республиканын сураглыг спортчуларынын чамдызы-биле таныжып кѳрээлинер (башкы спортчуларныӊ чуруктарын кѳргүзүп таныштырар):

• Хертек Батый  кикбоксиниӊ делегей чергелиг спорт мастери;
• Ооржак Лориса хостуг хүрешке делегей чергелиг спорт мастери;
• Хертек Андрей Тыва Республиканыӊ Чаан мѳгези;
• Бурбучук Буян делегей чергелиг сумо хүрештиӊ спорт мастери;
• Кара-Сал Седен-Очур Тыва Республиканын Чаан мѳгези;
• Елена Достай делегей чергелиг мастер спорта, Алдарлыг спорт мастери Россиянын чаа адар спортуӊ;
• Аяс Монгуш делегей чергелиг мастер спорт сумо хүрештиӊ, Күчүтен мѳге Тыва Республиканыӊ.

Кудерек: Монгуш Аяс Семис-оолович Тыва Республиканын малчынар Наадымнын 17 дакпыр шүүлген мѳгези, ынчангаш Күчүтен мѳге деп аттка тѳлептиг болган, уруглар.

Долаана: Уруглар мен силерге оюн ойнадыптайн шын кичээнгейлиг дынааш харылаар силер уруглар:

 оюн «Адын тып?»

- мячикти бут-биле тевер оюн? (футбол)

- холдар-биле шанчар оюн? (волейьбол)

- мячикти соктап ойнаар оюну?

- күжүн шенежиир оюн? (хүреш)

- дошка халыр оюн? (конькилээр)

- сугга чаржыыр оюн? (эжиндирер)

- мунукчулуг адан-мѳѳрей? (аът чарыжы)

- хере тыртып  адар оюн? (чаа адар)

Кижизидикчи башкы: Долаананын ойнаткан оюну дыка солун, ѳѳредиглиг болду уруглар. Ам «Дыӊнаксанчыг тыва чугаа» ажылчын кыдыраштарныӊ 6 арынында «Тыва эр улустун оюннары-биле» таныжар дыр бис, уруглар.

Сула шимчээшкин:

Футбол ойнаар – буттар шимчээр,

Бокс ойнаар – холдар шимчээр.

Волейболдаар – херлип озер…

Артывысче холду сунаал.

Өрү херил, чайганыыл,

Оожум таваар олуруп аал!

Карактарга сула шимчээшкин.

Кудере биле Долаана оюн ойнадыыр:

Оюн «Спортсмениӊ адын тып?»

- Тидим, күжүн шенешкен кыс? (Лариса Ооржак)

- 17 дакпыр Наадымга шүүлген мѳге? (Аяс Монгуш)

- Алдарлыг спорт мастери Россиянын чаа адарынга? (Елена Достай)

- сумо хүрештиӊ тергиин мѳгези Бурбучук? (Буян)

Ажыл чорудулганыӊ рефлексиязы:

Кижизидикчи башкы: Эр-Хейлер, уруглар! Бѳгүн онгза солун аалчылар Күдере биле Долаана келгеш силерге Тыванын сураглыг спорт маадырлары- биле таныштырды. Ам аалчыларывыс-биле байырлажыылынар, уруглар.

Күдере биле Долаана: Байырлыг, уруглар!

Уруглар: Байырлыг Күдерек, байырлыг Долаана!

Кижизидикчи башкы:

- Бис бѳгүн кымнарныӊ дугайында ѳѳрендивис, уруглар? Кым чугаалаптарыл?

- Тыва оолдарнын үш оюну чүү?

- Кандыг, улус спортун тергиини болурул, уруглар?

- Эр-хейлер, уруглар! Силер бѳгүн кончуг эки, идекпейлиг ажылдадынар.