"Минең ҡурсағым"
план-конспект занятия по развитию речи (средняя группа)

Баймаҡ ҡала хакимиәтенең мәғәриф бүлеге

Муниципиаль мәктәпкәсә белем биреү учереждениеһы

Бала үҫтереү үҙәге – «Айыуҡай» балалар баҡсаһы

Уртансылар төркөмөндә телмәр үҫтереү буйынса дәрес өлгөһө

Тема:«Минең ҡурсағым»

                                                                       Тәрбиәсе :Рамаҙанова Г.Р.

Тема: «Минең ҡурсағым».

Маҡсат: ҡурсаҡтарҙы тасуирларға һәм сағыштырырға, һөйләмдәр төҙөргә өйрәтеү, күҙәтеүсәнлек, иғтибарҙы үҫтереү, «Ҡ» өнөн нығытыу, ҡурсаҡтарға һаҡсыл ҡараш тәрбиәләү.

Һүҙлек эше: ҡупшы, ҡунаҡ.

Типик грамматик конструкциялар:Зәһиҙә  ҙур ҡурсаҡ. Зөлфиә бәләкәй ҡурсаҡ. Ул ҡупшы күлдәк кейгән.

Йыһазландырыу: ҙур һәм бәләкәй ҡурсаҡтар.

Дәрес барышы

   -Балалар, ҡурсаҡ шиғыр һөйләй,әйҙәгеҙ,тыңлайыҡ.

    Сәп-сәп-сәпәкәй,

                                               Минең ҡурсаҡ бәләкәй,

                                               Ҡулын күтәргән була ла,

                                               Сәпәкәй иткән була.

Ошо шиғырҙы отоп алайыҡ..(Шиғыр һүҙҙәренә ярашлы хәрәкәттәр башҡарып, балалар шиғыр ятлайҙар,        " Ҡ"өнөн  нығытып үтәләр.)

• Ҡарағыҙ әле был ҡурсаҡҡа.Уның исеме Зәһиҙә.( Ҡурсаҡтың исемен ҡабатлау).
• Зәһиҙә өҫтөнә нимә кейгән?
• Зәһиҙә күлдәк,ойокбаш,туфли,кейгән.
• Зәһиҙәнең күлдәге ниндәй?
• Зәһиҙәнең күлдәге матур,ҡупшы.Зәһиҙәгә бер үҙенә уйнауы күңелһеҙ.Ул үҙенә

 ҡунаҡҡа иптәш ҡыҙын саҡырған.( Тәрбиәсе ишекте шаҡыған тауыш сығара һәм ҡулына икенсе ҡурсаҡ ала).

-Балалар бына Зәһиҙәнең иптәш ҡыҙы ла килеп етте.Уның исеме Зөлфиә.( Исемен ҡабатлау.)

- Иғтибар менән Зөлфиәгә ҡарайыҡ әле.Ул нисек кейенгән?

- Зөлфиә тун, башлыҡ кейгән.

-Дөрөҫ , тышта  һалҡын булғанға,ул йылы кейенгән.( Уйын майҙансығында ҡурсаҡтар өсөн ике яһалма бүлмә эшләнгән.Өй йыһаздары төрлө размерҙа.)

-Балалар, әйҙәгеҙ ҡурсаҡтарҙы сағыштырайыҡ.Ҡайһы ҡурсаҡ ҙур?

-Зәһиҙә ҙур ҡурсаҡ.

-Ә Зөлфиә бәләкәй ҡурсаҡ.

-Бүлмәләр  нимә менән айырыла?

-Бер бүлмә ҙур ,ә икенсе бүлмәлә бәләкәй өй йыһаздары ҡуйылған.

-Зәһиҙәне һәм Зөлфиәне һеҙ ҡайһы бүлмәләргә индерер инегеҙ?

-Зәһиҙәне бәләкәй бүлмәгә индерер инек.

- Ни өсөн?

-Сөнки Зәһиҙә  ҙур ҡурсаҡ,ә Зөлфиә бәләкәй ҡурсаҡ.

-Афарин , балалар!Хәҙер ҡурсаҡтар менән уйнарға була.

Сюжетлы-ролле уйын: «Ҡурсаҡтарҙы ашатайыҡ».