“ Хезмәткә – хөрмәт ” (Зурлар төркемендә сөйләм үстерү шөгыле)
план-конспект занятия по развитию речи (старшая группа)

      Максат: Балаларга хезмәтнең әһәмияте турында аңлату, өлкәннәр хезмәте турында     кузаллауларын киңәйтү. Хезмәт кешесенә хөрмәт, хезмәткә мәхәббәт тәрбияләү. Балаларның фикер йөртү сәләтен, бәйләнешле сөйләм телләрен һәм танып белү эшчәнлеген үстерү.

       Методик алымнар: Әңгәмә , кузәту, курсәтмә, уеннар, сорауларга җавап, мактау.  

       Җиһазлау :  Слайдлар, төрле һөнәрләр сүрәтләнгән рәсемнәр , уен өчен кулъяулык, “Өч дуңгыз баласы”  мультфильмы.

       Шөгыль барышы (оештыру моменты: уңай психологик халәт тудыру)

       Тэрбияче: хэерле көн, балалар! Кәефләрегез ничек? хәзер матур итеп, тугәрәккә басабыз, шөгылебезне  башлыйбыз.

     Кулларга без тотындык,

     Бер беребезгә елмайдык,

     Җылы китте кулларга,

     Рәхәт булды дусларга!

Тәрбияче: Балалар без буген һөнәрләр һәм хезмәткә хөрмәт турында сөйләшербез.

Тәрбияче: Нәрсә соң ул һөнәр?(һөнәр ул нәрсә булсада, җитештерү,ясау,белгечлек, профессия).

Тәрбияче: Балалар мин сезгә хәзер сораула бирәм.

• Кем безгә матур күлмәкләр тегә? (тегуче).
• Кем тәмле ашлар пешерә? ( пешекче).
• Кем биек йортлар төзи? ( төзүче).
• Кем авыруларны дәвалый? (табиб).

Тәрбияче: Балалар кайсысы иң  кирәкле һөнәр? ( Барысы да кирәкле).

Тәрбияче: Дөрес балалар барысы да кирәкле һөнәр. Әйдәгез хәзер һөнәрләр турында тулырак сөйләшик.

   Балалар:

          -Төзуче һөнәре ул бик кирәкле һөнәр, чөнки алар йортлар, балалар бакчалары, мәктәпләр төзиләр. Кеше яши торган өйләр җылы, уңайлы булсын өчен тырышып эшлиләр. Аларның хезмәте бик авыр һәм бик кирәкле.  

        - Табиб һөнәре һәркемгә кирәк. Ул кешеләр сәламәт булсын өчен авыруларны терелтү өчен тырыша.Табиблар – һәр кешегә игьтибарлы, ягымлы, мәрхәмәтле,шәфкатьле кешеләр.

           ( Шулай балалар бутән һөнәр ияләрен дә сөйләп чыгалар).

Физминутка:

Хәзер бераз ял итик,

Тәнебезгә көч кертик.

Биюче кебек йөрик,

Гәүдәбезне төз тотыйк.

Пешекче апа кебек,

Бергәләп камыр басыйк.

Менә шулай,менә шулай,

Тәмле пироглар ясыйк.

Дидактик уен: Хәзер балалар бер уен уйнап алабыз, “Парын тап” - дип  атала.

( һөнәр ияләре һәм эш кораллары рәсемнәре бирелә. Балалар дөрес итеп эш коралларын урнаштырырга тиешләр).

“Кулъяулык алыш” уены :

Балалар түгәрәккә басалар. Кулына кулъяулык алган бала әти әнисенең нинди һөнәр иясе  булуын әйтергә тиеш.

Тәрбияче: Кеше өчен һөнәрнең һәркайсы кирәк һәм әһәмиятле. Кеше бик тырышып эшләсә генә нәтиҗәсе була. Хәзер мин сезгә “ Өч дуңгыз баласы” дигән мультфильм күрсәтәм. Игътибар белән карап утырыгыз, ни өчен бүре Наф- Нафның өенә керә алмаган? Ә ни өчен  Ниф-Нифның һәм Нуф- Нуфның өе бүре өргәннән соң җимерелеп төшкән?

Мультфильмны караганнан соң, балаларга сораулар бирелә. Тырышып,җиренә җиткереп эшләгәнгә күрә Наф- Нафның өе чыдам, нык булган,диеп нәтиҗә ясала.

    Тәрбияче:  Балалар мин сезгә хәзер тырышлык һәм хезмәт турында мәкальләр әйтәм:

• Тырышкан табар ,ташка кадак кагар.
• Эш беткәч, уйнарга ярый.
• Ялкаулык - хурлык, тырышлык –зурлык.

                     Татарстан Республикасы   Әтнә районы

  мәктәпкәчә  белем бирү муниципаль бюджет учреждениесе

                                Олы Әтнә балалар бакчасы

                     “  Хезмәткә – хөрмәт ”

                 (Зурла төркемендә сөйләм үстерү  шөгыле)                

                                                                                      Тәрбияче: Зарипова  З.Х.