"Саха алпаабыта" остуол оонньуута
методическая разработка по развитию речи (старшая группа)

 «Саха алпаабыта» диэн остуол оонньуутугар ыҥырабын.

«Саха алпаабыта» оонньууга 4 саастарыттан саҕалаан 2 – 4 ахсааннаах оҕо оонньуур.

Сыала: Буукуубаны билэ үөрэнэрин, дорҕоону араара истэрин чиҥэтии, толкуйдуур дьоҕурун сайыннарыы, оонньуу көмөтүнэн оҕо тылын саппааһын байытыы.

Наборга киирэллэр:

- саха алпаабыт хонуута;

- хаамыска;

- фишка;

- смайликтар, лайктар.

1 көрүҥ:

Оонньуу «Саҕаланыыта» диэнтэн саҕаланар. Оҕо хаамысканы быраҕар, хас ахсааннаах хаамыска түспүтүнэн фишкатын «А» буукубаттан саҕалаан хаамтарар. Ханнык буукубаҕа фишка түбэһэр, ол буукубаны ааттыыр. Салҕыы кэлэр оонньооччу хаамар.

Бу көрүҥ оҕо буукубаны билэ үөрэнэрин, төрөөбүт тыл дорҕооннорун чуолкайдык саҥарар сатабылын чиҥэтии буолар.

2 көрүҥ:

Оонньуу «Саҕаланыыта» диэнтэн саҕаланар. Оҕо хаамысканы быраҕар, хас ахсааннаах хаамыска түспүтүнэн фишкатын «А» буукубаттан саҕалаан хаамтарар. Ханнык дорҕооҥҥо фишка түбэһэр, ол дорҕоонтон тахсар 1 тылы этэр. Салҕыы кэлэр оонньооччу хаамар.

Ҕ, Й, Ҥ, Һ дорҕооннортон тыл тахсыбат, онон салҕыы кэлэр оонньооччу хаамар.

Бу көрүҥ соруга чопчу дорҕоонтон саҕаланар тылы этии, толкуйдуур дьоҕурдарын сайыннарыы.

3 көрүҥ:

Оонньуу «Саҕаланыыта» диэнтэн саҕаланар. Оҕо хаамысканы быраҕар, хас ахсааннаах хаамыска түспүтүнэн фишкатын «А» буукубаттан саҕалаан хаамтарар. Ханнык дорҕооҥҥо фишка тубэһэр, ол дорҕоонтон тахсар тыллары 10 сөкүүндэ иһигэр этэр. Хас сөптөөх эппиэт аайы лайк бэриллэр. Оонньуу бүтэһигэр ким элбэх лайктаах ол кыайар.

Бу көрүҥ бэриллибит бириэмэҕэ элбэх тыллары түргэнник этэрин ситиһии.

4 көрүҥ:

Оонньуу «Саҕаланыыта» диэнтэн саҕаланар. Оҕо хаамысканы быраҕар, хас ахсааннаах хаамыска түспүтүнэн фишкатын «А» буукубаттан саҕалаан хаамтарар.  Ханнык дорҕооҥҥо фишка түбэспитин көрөн иитээччи көрөн тыл иннигэр, ортотугар, кэннигэр турар диэн түбэспит дорҕоонноох тыллары бул диэн сорудахтыыр.

Н, С уонна Т буукубаларга эбии сорудахтардаах

Н – НН, С – СС, Т – ТТ

Бу буукубаларга түбэстэҕинэ эбии хоһуласпыт бүтэй доҕоонноох тыллары булаллар.

Бу көрүҥҥэ тылга дорҕоон миэстэтин быһаарарын, дорҕоону арааран истэрин чиҥэтии.

Оонньуохха, толкуйдуохха, төрөөбүт тылбытын байытыахха!