Конспект НОД по алтайскому языку "Jерлик тындуларга айылдап"
план-конспект занятия по развитию речи (средняя группа)

Министерство образования и науки Республики Алтай

БПОУ РА «Горно-Алтайский педагогический колледж»

Конспект занятия по родному языку

Jерлик тындуларга айылдап

Выполнила: Майманакова Аэлита

Студентка 41 группы ДО

г. Горно-Алтайск, 2022

Балдардыҥ јажы: 4-5 јашту.

Балдарла ӧмӧ-јӧмӧ ӧткӱрер иштиҥ ууламјызы: «Эбире телекейле таныштыру».

Бӱдӱретен амадулары: балдарды јерлик тындуларла таныштырары, тындулардыҥ аттарын чын айдарына темиктирери, сӧзлигин байыдары, бой-бойыла нак болорына таскадары.

Таскамал уулантылар:

1. Ӱредӱ-темиктирӱ билгирлерин чокымдаары;
2. Эрмек-куучынын, тилин темиктирери;
3. Су-кадыгына темигӱ берери;
4. Keендик-јарашты оҥдоорына таскадары.

Озолодо ӧткӱрер иш: јерлик тындулар кӧргӱзилген јуруктарды ајыктаары, кезилген јуруктарла иштеери.

Таскадаачыныҥ тузаланар эдимдери: ИКТ, айуныҥ, койонныҥ, бӧрӱниҥ, тӱлкӱниҥ јуруктары, кезилген јуруктар, кайырчак.

Ӧйи: 25 минут.

Балдарла ӧмӧ-јӧмӧ иштиҥ ӧдӧр аайы

1. Солун, сакыбаган учурал. Билгирин эске алып, чокымдаары.

Таскадаачы: Jакшылар, балдар! Мен бӱгӱн бистиҥ турачакка кирип келеримде, јараш кайырчак туру. Бу кайырчактыҥ ичинде не бар, ајыктап ийектер. Кезилген јуруктар эмтир. Столдорго отурып, јуруктарды јууп ийектер.

Таскадаачы: Кандый тындулар јуралган эмтир?

Балдар: Айу.

Таскадаачы: Айу нени эдет?

Балдар: Турат, јадат.

Tаскадаачы: Бу кандый тынду?

Балдар: Койон.

Tаскадаачы: Койон нени эдет?

Балдар: Отурат, калыйт.

Таскадаачы: Бу кандый тынду?

Балдар: Бӧрӱ.

Таскадаачы: Бӧрӱ нени эдет?

Балдар: Турат.

Tаскадаачы: Бу не?

Балдар: Тӱлкӱ.

Таскадаачы: Тӱлкӱ нени эдет?

Балдар: Маҥтайт.

Tаскадаачы: Чын, балдар! Бу тындулар ончозы кайда jӱрет?

Балдар: Aгаш аразында.

2. Амыраар ӧй

 Таскадаачы: Эмди туруп ийеле, бу тындуларды кӧргӱзип ийектер:

Соок, соок кышкыда (колчабыжу)

Койон тоҥот аркада, (калтыраар)

Тӱлкӱ ле бӧрӱге (колчабыжу)

База соок кышкыда (калтыраар)

Jаҥыс јылу айуга

Ол тереҥ уйкуда (эки колын јастанып, уйкуда деп кӧргӱзер)

3. Jаҥы билгирге ууланары.

Таскадаачы: Эмди, балдар, бис бу тындуларга айылдап барарыс, кӧстӧристи јумала, агаш аразына барып јатканыс деп са- нанып ийектер. Агаш аразына једип келдис, је ончо тындулар бистеҥ јажынып калган. Олор биске кӧрӱнзин деп, табышкактарды табар керек.

1 mабышкак:

Jелмер тӱктӱ,

Талтак бутту,

Кышкыда уйкулу,

Jaйгыда базыттy

Не тынду? … (Айу-баштапкы слайд)

2 mабышкак:

Узун кулактарлу,

Чолтык куйрукту,

Ак тонычакту,

Тотылдаак кожоҥду, ол не? … (Койон-экинчи слайд)

3 mабышкак:

Соок кышкы аралда

Кырсылдаган тиштерлӱ,

Кӧк боро тонду.

Кардым куру-у-у деп улышта јӱрет,

Ол не? (Бӧрӱ - ӱчинчи слайд)

4 mабышкак:

Кандый јараш куйрукту,

Кызыл-јеерен аҥычак!

Ӧҥӧлӧп јӱрзе, јалканчак,

Качар болзо, ол чыйрак! (Тӱлкӱ-тӧртинчи слайд)

4. Рефлексия. Бӱдӱрген ишти ле билгирлерди кемјиири чокымдаары.

Таскадаачы: Слер сурекей санаалу балдар эмтиригер, табышкактарды табып, јерлик тындуларга айылдап јўргенигер, је эмди турачакка јанар керек. Кӧстӧристи јумала, ойто ачып ийектер.

Таскадаачы: Кару балдар, бис бӱгӱн кайда барып jӱрдис? Aгаш aразында кандый тындулар јӱрет?

Таскадаачы: Jаан быйан слергe! Jакшы болзын!