«Әкиятләр иленә сәяхәт»
план-конспект занятия по развитию речи (старшая группа) на тему

                            «Әкиятләр иленә сәяхәт»

Белем бирү интеграциясе: матур әдәбият уку, музыка, коммуникатив, танып белү, социализация.

Балалар эшчәнлеге. уенлы, җырлы, коммуникатив, матур әдә-

бият аңлап өйрәнәү

Максат:

Әкиятләрне сәхнәләштерү аша балаларны туган телдә матур һәм сәнгатьле сөйләшергә өйрәтү.

Бурычлар:

-балаларны  әкиятләр белән кызыксынучанлыгын артыру;

-иҗади сәләтләрен үстерү;

-әкиятләр аша дуслык, тыйнаклык, шәфкатьлелек сыйфатлары тәрбияләү.

Көтелгән нәтиҗәләр. әкият буенча тамаша уйнау осталыгын үстерү. Сүз байлыгын арттыру.Җырны бергәләп башкару.

Җиһазлар:өй макеты, агач , әкият геройлары  маскалары;

Барысы бергә. Исәнмесез, кунаклар!

Раббания. Без бүген рус халык әкиятен татар телендә күрсәтәбез.

Васил. Әкият “Шалкан дип атала.

Икесе бергә. Рәхим итеп карагыз!

Илвина.  Мин- тычкан,чи-чи- чи!

Назилә.  Ә мин песи булам. Исемем- Мияубикә. Мияуу!Һау-һау-һау

Ранис.   Ә мин –малай,  исемем – Азат

Рәисә.   Ә мин –кыз, исемем –Гөлзирә.

Раббания. Мин әби булам инде

Васил.    Ә мин бабай булам.

Шалкан. Ә мин – шалкан

Алып  баручы. Бабай  шалкан  утырткан. Шалкан зур, бик зур үскән.

 Васил.     Ай Аллам, вай  Аллам!

                 Каян үскән бу шалкан?!

                 Кайсы ягыннан  тартыйм,

                 Ничек кенә чыгарыйм?

Тукта, әбине чакырыйм әле! Әбисе, әбисе, дим, чык  әле монда!

Раббания.     Ятып кына торыйм, дисәм,

                       Тагын нигә чакыра?

                       Нәрсә булган бу бабайга,

                        Шалканга  карап  тора?  

Васил.         Күр, әбисе, нинди шалкан

                    Үскән безнең бакчада!

                      Бергәләп  тартып чыгарыйк,

                     Тотын  минем аркага          

Алып баручы. Әби  бабайга, бабай шалканга тотынган, тарталар-

тарталар,  тартып  чыгара алмыйлар икән.

Раббания.      Булмый, бабай,  туктале,

                       Кызны чакырыйк  әле.

                       Кызым! Кызым! Гөлзирә!

                       Кил әле син бирегә!

Рәисә.          Ай, битләрем  алланды,

                     Иреннәрем кызарды.

                     Әбием,  тагын  нәрсәгә  

                     Мине өйдән чыгарды?  

(Кыз бии-бии, шалкан тирәли әйләнеп чыга)

Раббания  Тотын минем артыма,

                   Әйдә, шалкан  тартырга!

Алып баручы.  Кыз әбигә, әби бабайга , бабай шалканга тотынган.

Тарталар- тарталар, тартып чыгара алмыйлар.

Рәисә.    Ай, кулым  арыды!

              Тартуы  авыр ла!

               Абыйны чакырыйк,

              Булышсын тартырга!

              Тотын минем аркага

              Әйдә шалкан тартырга.

Алып баручы Абый  кызга,  кыз әбигә,  әби бабайга, бабай шалканга тотынган Тарталар- тарталар, тартып чыгара  алмыйлар икән.

.

Ранис.     Бабай шалкан үстергән.

                Шалкан гаҗәп зур булган.

                Тартып- тартып карыйбыз-

                Һич чыгара алмыйбыз.

                Булыш әле Акбай безгә.

                 Тотын Акбай артыма

                 Әйдә, шалкан тартырга

Аяз.     Һау- һау –Һау! Булмый болай!

             Шалкан бигрәк зур булган.

             Кая син, Мияубикә?

             Ярдәмгә килеп җит лә.

Назилә.    Мияу- мияу- мияу мин

                 Һәрвакытта уяу мин.

                 Сөт эчәм, тычкан тотам,

                Йокларга бик яратам.

                Акбай, Акбай!  Ник уяттың мине?

Аяз.       Тотын минем артыма

              Әйдә шалкан тартырга.

Алып баручы. Песи эткә, эт абыйга, абый кызга, кыз әбигә, әби бабайга, бабай шалканга тотынган. Тарталар- тарталар, тартып чы-

гара алмыйлар.

 Назилә.      Мияу-мияу, арыдым

                    Ә шалкан    чыкмый һаман!

                    Бергә- бергә җиңел булыр,

                    Ярдәм сорыйк тычканнан.  

Тычкан.     Качып ипи кимердем,

                    Әллә шуны сиздеңме?

                     Мияубикә, ни кирәк?

                    Чабып килдем тизрәк.

Алып баручы. Тычкан  песигә, песи эткә, эт абыйга, абый кызга,

кыз әбигә, әби бабайга, бабай шалканга. Тарталар- тарталар икән-

шалкан килеп тә чыккан.

Шалкан.  Бабай чәчте орлыгым,

                  Сулар сибеп үстердем.

                 Витаминлы, бик файдалы,

                  Тәмле булып  өлгердем

Татарстан Республикасы  Буа  муниципаль районы мәктәпкәчә белем бирә торган

                     “Кайбыч   балалар бакчасы” муниципаль бюджет учреждениесе

  Яшелчәләр иленә

             сәяхәт.

                                                                                             Төзеде.тәрбияче Сунгатуллина ВГ

                                                                   Кайбыч.2016

Татарстан Республикасы  Буа  муниципаль районы мәктәпкәчә белем бирә торган

                     “Кайбыч   балалар бакчасы” муниципаль бюджет учреждениесе

          Доклад:

       “Балалар бакчасында            

         федераль хөкүмәт                                                                                                                                                                                                                                                                            

                  таләпләре”

                                                                                                        Төзеде.тәрбияче Сунгатуллина в.г.

                                                                Кайбыч.2013